• 0
  • مالي خلق
  • أتهاوش
  • متضايق
  • مريض
  • مستانس
  • مستغرب
  • مشتط
  • أسولف
  • مغرم
  • معصب
  • منحرج
  • آكل
  • ابكي
  • ارقص
  • اصلي
  • استهبل
  • اضحك
  • اضحك  2
  • تعجبني
  • بضبطلك
  • رايق
  • زعلان
  • عبقري
  • نايم
  • طبيعي
  • كشخة
  • صفحة 1 من 3 123 الأخيرةالأخيرة
    النتائج 1 إلى 15 من 32

    الموضوع: اقتراحاتكم وخبراتكم لفتح محل شبكة في مدينة الرياض :)

    1. #1
      التسجيل
      06-12-2004
      الدولة
      In My XBox 360
      المشاركات
      239
      المواضيع
      33
      شكر / اعجاب مشاركة

      Question اقتراحاتكم وخبراتكم لفتح محل شبكة في مدينة الرياض :)

      بسم الله الرحمن الرحيم
      هلا وغلا بكم جميعا ..
      اخواني بغيت افتح محل شبكة في مدينة الرياض ..
      لكن تنقصني بعض الخبره ..
      طبعا ابي منكم اقتراحات لأشياء هذي :
      اولا :
      الموقع : وهذا يعتبر اهم شيء ابي اقتراحتكم للموقع بس مو يجي احد يقولي بشارع التحلية .. تعرفون
      ليه ؟

      ثانيا:
      مواصفات الأجهزه :
      طبعا حطو ببالكم أني مارح احط الا هل الألعاب التالية :
      CS:1.6
      WOW
      WC:FROZEN THRONE
      FAR CRY
      FLAT OUT
      وكم لعبة مثل باتل فيلد لذالك . . حطو ببالكم هذا الشيء

      ثالثا:
      تنسيق الديكور ..
      من ناحية خلفية .. وكم فتحه المحل وكم جهاز احط ..

      مبدئياً هذا هو المطلوب ..
      ارجوا ان لا ننحرم من مشاركاتكم البنائه وفعاله

    2. #2
      التسجيل
      06-12-2004
      الدولة
      In My XBox 360
      المشاركات
      239
      المواضيع
      33
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      بغيت انوه ان الميزانية مفتوحه الى 500000 الف ريال

    3. #3
      التسجيل
      12-05-2004
      الدولة
      SauDi-ArabiA | Da(V)(V)aM
      المشاركات
      2,669
      المواضيع
      40
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      ورى ما تفتح بالشرقية

    4. #4
      التسجيل
      06-12-2004
      الدولة
      In My XBox 360
      المشاركات
      239
      المواضيع
      33
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      BeaUnkill
      هلا اخوي . .
      والله الخبر فكرة جيدة للإستثمار لكن جوها يبط كبدي .. جيتكم قبل يومين ومت من الحر ..
      عموما اخوي تقدر تفيدنا من ناحية الديكور ومواصفات لإجهزه

    5. #5
      التسجيل
      23-01-2005
      الدولة
      ₪ цдз ₪
      المشاركات
      2,634
      المواضيع
      76
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      محد بيفيدك في هذا الموضوع الا الي عندهم مقاهي ...

      على ما اذكر انه الاخ amajed عنده مقهى ولا انا مخربط ؟!
      --
      --
      :: كيد عذالـك حبـيـبـــي ::

    6. #6
      التسجيل
      06-12-2004
      الدولة
      In My XBox 360
      المشاركات
      239
      المواضيع
      33
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      يأخوان ماطلبت منكم تحلون مشكلة فلسطين ..
      كل المطلوب منكم مواصفات الأجهزة . .
      وموقع حلو ..
      هذا هو بس ..

    7. #7
      الصورة الرمزية amajed
      amajed غير متصل عضو مميز في منتدى ألعاب البي سي
      التسجيل
      18-04-2004
      الدولة
      السعودية - الرياض
      المشاركات
      2,017
      المواضيع
      75
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      ايه عندي مقهى في بيتنا ^^ 4 اجهزة تبي تفزع بالاجهزة الي عندك ونلعب 4 ضد 4 خخخخخخ

      اممممممم والله يالطيب بصراحه انا كنت ناوي اسوي مقهى في الرياض ووصلت المواصيل الى اني شوي وادفع العربون ! يعني ضبطت اموري من ناحية الديكور والاجهزة والمحل الي بيدبر الاجهزة وووو الخ

      بس فيه شيئ غريب ! انت بتحط WOW يعني ناوي انترنت في المقهى ؟؟ في هذي مااقدر افيدك لاني ماجربت كيف احط انترنت في مقهى ^^
      على العموم من ناحية الميزانية ماشالله عاليه جدا ! المقهى الي كنت ناوي اسوي كان بيكلف 150000 ريال فقط

      طيب خل نجيها حبه حبه ...
      اولا :
      الموقع : وهذا يعتبر اهم شيء ابي اقتراحتكم للموقع بس مو يجي احد يقولي بشارع التحلية .. تعرفون

      ليه ؟

      ليه ^^؟
      والله بصراحه انا اكثر شيئ تعقدت فيه هو الموقع ×_× يعني ماتدري وين تروح ووين تجي
      في النهايه فكرت اني ابحث عن الاحياء الاكثر تواجد للشباب فيها !
      وبصراحه اكثر شيئ قدرت اوصل له هو حي المروج في شارع تمير ! الي ينتهي على الدائري الشمالي
      مااقول لك انه ممتاز لكن هو افضل ماوجدت !

      ثانيا:
      مواصفات الأجهزه :

      المواصفات هذي امرها سهل ماشالله الميزانيه شبه مفتوحه ! لكن عدد الاجهزة يحكم
      نقول 32 جهاز ؟؟ اضنه العدد المناسب في جميع الاحوال ! الا اذا ناوي تحط الرقم القياسي وتقلد اهل جدة ^^ هذا كلام ثاني
      على العموم الاجهزة بمواصفاتها كالتالي :
      Intel Core2dou E6600
      ASUS P5L-VM 1394 Intel 945G
      NVIDIA GeForce 7950GT 512MB
      DDR2 667 (PC2 5300) (2x1GB) 2GB
      WD 160GB SATA2 7200RPM

      باقي عليك الكيس والباور سبلاي وسي دي او دي في دي روم !
      بخصوص الباور سبلاي المحل راح يضبط بافضل شيئ يتناسب مع القطع الي فوق !

      بخصوص القطع هذي لو كنت مستعجل
      اما لو كنت غير مستعجل انتظر الى بداية 2007 وراح تنزل كروت DX10 ومعالجات رباعية النواه
      وانت وخطتك التجاريه !

      بخصوص الالعاب ماتلاحظ انك ساحب على الالعاب الاستراتيجية ×_×
      مثلا The Lord Of The Ring Battle for Middle-Earth II
      لها شعبيه قويه عند الناس ! وبرضو
      Command and Conquer Generals Zero Hour

      يعني شف لك من الالعاب الاستراتيجيه شوي عشان ازورك ^^
      المهم نرجع للموضوع
      ثالثا:
      تنسيق الديكور ..

      من ناحية خلفية .. وكم فتحه المحل وكم جهاز احط ..
      امممممممم بالنسبة لي يعجبني الجو الهادي يعني بدون شخابيط كثيره وخرابيط
      الي فكرت فيه ماادري اذا بتتخيل معي والا لا !
      انا فكرت في ان لون الجدار سواء سقف او جدران جانبية يكون لونها كحلي !
      وعلى الجدران الجانبية فيه جبس يتم تمريره دار ما دار حول المحل على شكل امواج ! ويكون مجوف من الجانبين ! ونضع في التجويف انوار نيون زرقاء ! بحيث يكون مشع !
      ونفس الشيئ مع السقف ! لكن يكون في السقف بقعه كبيره من الجبس واطرافها مجوفه وفيها نفس الانوار ! عاد انت وذوقك يمكن مايعجبك الثنائي هذا فتغيره بالي تبي !
      وبرضو فكرت في الاضواء الليلية ان كانك تعرفها ! راح تعطي جو حلو خصوصا اهل الرياض اغلبهم يلبسون ثوب ^^ يعني انعكاس قوي
      ماادري هل هذا هو الي كنت تنتظره مني او من الاعضاء اني اقوله ! ؟؟

      هذا كل الي عندي وكل مالدي من اسرار في انشاء صالة العاب

      بالتوفيق ولا تنسى تعطيني ساعات مجانية

    8. #8
      التسجيل
      23-01-2005
      الدولة
      ₪ цдз ₪
      المشاركات
      2,634
      المواضيع
      76
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      اعتقد الامور وضحت ..

      اهم شي انه ظني ما خاب .. يعني كنت بتفتح محل .. او عندك خبرة في ها المجال ..
      --
      --
      :: كيد عذالـك حبـيـبـــي ::

    9. #9
      التسجيل
      24-07-2002
      الدولة
      الرياض
      المشاركات
      177
      المواضيع
      24
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      يالغالي وشرايك بتقاطع المعذر مع شارع الضباب
      1- بجانب مجمع سكني
      2- قريب من العليا ووسط المدينة

    10. #10
      التسجيل
      06-12-2004
      الدولة
      In My XBox 360
      المشاركات
      239
      المواضيع
      33
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      هلا وغلا اخوي امجد
      ماشاء الله عليك .. تخطيط مهوب صاحي
      حي المروج فكرة جيدة خصيصا انه كل عيال الجامعات اغلبها هناك . .
      بس ربي يفكنا من البدو . .

      بنسبة للميزانية قد تصل بأذن لله الى 500000 الف ..
      لكن يمكن اقللها شوي يعني نبدأ من فتحتين وحول 20 جهاز والله شفنا الشغل تمام صفقنا 4 فتحات ..

      الشي الثاني:-
      الإنترنت : وهذي مشكلة كبييييييرة بنسبه لي . .
      لإن خايف نجيب شركة وتطلع لاقات في wow .. بس بفكر اروح احد المقاهي وحاول اكلم راعيها
      اسأله عن الإنترنت <<< شكله بيعطيني معلومات كلها من جنبها علشان ما انافسه

      من ناحية مواصفات الأجهزة ..
      هذي اتوقع تشغل الألعاب من هنا الى بعد سنتين ..

      طيب بقولك المواصفات الي براسي وش انت ..

      mather borde: msi 915 compo صراحة ماذربورد حلو استخدمه حاليا .
      ram:1024 DDR2
      كرت الشاشة :
      افكر 6600 جي تي رح يشغل كل الألعاب الي ذكرتها لك والي انت قلتها ..
      والباقي يحلها ربك ..
      بالنسبة لديكور .
      افكارك . . حلوه بس لو تجينا كم فكرة ونشبكها بعض ان شاء الله تطلع حلوه ..


      لا تخاف لك مني اكاونت من هنا الى سبعين سنه مفتوووح ..
      ومشكور وماقصرت اخوي امجد

    11. #11
      الصورة الرمزية amajed
      amajed غير متصل عضو مميز في منتدى ألعاب البي سي
      التسجيل
      18-04-2004
      الدولة
      السعودية - الرياض
      المشاركات
      2,017
      المواضيع
      75
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      بخصوص فتحتين بعدين 4 تتوقع بتحصل فتحتين زياده جمبك لما تبي تزيد ؟
      ولا تنسى لما تاخذ الفتحه تشترط عليه عقد لاطول مدة ممكنه
      بحيث انه مايزود عليك الاجار بعد سنه ! ومن ناحيتك تقدر تطلع باي وقت ! الشرط هذا لصالحك 100% واضنك عارفه من قبل

      بخصوص البورد تعتبر ضعيفه نوعا ما ! اولا انت ماقلت شيئ عن المعالج ! فاذا تبي المعالج الي انا نصحتك فيه على البورد هذي فماراح يركب ! المعالج هذا له بوردات خاصه ! ولا يكفي النظر الى السوكت (المقبس) الخاص باللوحه لتتوافق مع المعالج
      بالنسبة للرام فهي قليله للالعاب الخاصه بالسنه المقبله
      فمثلا لعبة HALO2 الي بتنزل بعد كم شهر ! فترة قصيرة جدا ! وهالو2 تشوف النور ! اللعبه لها شعبية كبيره جدا تنافس CS و 1 جيجا لها قليله في حقها خصوصا ان الاجهزه راح تضل مشتغله بما لا يقل عن 8 ساعات متواصلة !
      خذ بنصيحتي عشان ماتندم
      بالنسبة لكرت الشاشه ! برضو نفس سبب الرامات ! HALO2 راح تعلق مع الكرت هذا تقريبا ! يبغالك تحط اللعبه على LOW عشان تشغلها !
      والكرت الي نصحتك فيه ضعف سعر 6600GT لا تنسى ان 6600GT راح يدخل الى قائمة الفئة الضعيفه مع بداية 2007 يعني ابعد عنه ! لو بتشتريه كأنك تنظف السوق منه !

      مواصفاتي للاجهزه معقوله وبتساعدك لاطول فترة ممكنه ! تطوير الاجهزة عمل يقص الظهر ويلعب في حسابات المحل لعب ! فلا تستهين فيه !

      بالنسبة للانترنت فحسب دوراني في شركات الانترنت والافضل لمقاهي الالعاب فسيبيريا هي الافضل ! لكن لا مانع من السؤال ! فمافيه شيئ ينتصدق اذا كان الموضوع متعلق بالنت

      وتكفى لا تكون الطاولات للاجهزة على شكل دوائر في المحل مثل بعض المحلات !
      خلها مسطره والي يلعب يشوف الي جمبه بسهوله ! عشان التيم وورك والحاجات هذي
      بصفتي زبون للمقاهي اكره اني اجلس بجهاز مايخليني اشوف الي جمبي ! تجيني ضيقة صدر ×_×
      الي بيلعب ضدي يروح للسطر الثاني !

      وبخصوص عدد الاجهزة لا بأس فيها جيده كبدايه ! لكن لا تنسى ان عدد الاجهزة وطريقة تصفيفها يبهر الزبائن اكثر ! فمحل ضيق واجهزه من المنظر يحس الواحد انها قليله راح يكره المحل فحاول تزودها شوي . بالنسبة لي كنت ناوي 24 لان الميزانيه مو ذاك الزود ! لكن بما ان ميزانيتك 3 اضعاف ميزانيتي فمايمنع انك تحط 34 جهاز ! وهو العدد الامثل في الشبكات

      وبخصوص فتحتين و 20 جهاز راح يكفلك المشروع مابين 140 الى 180 الف !
      المبلغ مايقارن بـ 500 الف حتى لو قللتها

      ومن ناحية الاجهزة ! اقولها مره ثانيه ! اختر اجهزة قوية تساعدك على الصمود لسنوات من دون تغيير ! عشان لما تغيير بعد فتره طويلة راح يتحمس الزبائن لك ويزيد اعجابهم بالمحل ! لان الزبائن يتطلعون للامور هذي .
      ولا تنسى ان بعد شهر راح تنزل الكروت الداعمه لـ DX10 وانصحك وبقوة تقني احدها ! الالعاب القادمه تقريبا كلها على DX10
      و FarCry الي بتركبها انت راح تتخلها عنها مع وصول الجزء الجديد وهو Crysis وهي ايضا على DX10 وتتطلب مواصفات عاليه ! واقل كرت ممكن لتشغيلها هو 6600 مع معالج بسرعه 3000 فلا تتهور وتشتري مواصفات اقل الامكانيات ! ترا الزبائن يهمهم الشيئ هذا

      بخصوص الديكور ماعندي والله ذيك الافكار خصوصا انه كان آخر مرحله في المشروع ثم وقفته لاسباب خاصه ! لكن تقدر مثل تسوي درجة وحده في بداية المحل وتكون فيها انوار اسفلها
      او مثلا تخلي الاجهزة نفسها مضيئة باستخدام اضواء النيوم للاجهزة ! راح تعطي مظهر خصوصا ان المحل راح يكون مظلم نسبيا هناك ايضا لوحات مضيئة تعطي مظهر ممتاز للمحلات المظلمه ! وايضا استخدام الالمنيوم في تزيين طاولة الكاونتر (الاستقبال) ووضع زجاج راح يعطي انعكاس ملفت للمكان ! اشياء مثل هذي ! وماعليك من الديكور ! اسهل محل تحط فيه ديكور هو المحل الشبه مظلم ! لان مافيه عيوب تواجهك ! كلها انوار وادوات عاكسه فقط
      التعديل الأخير تم بواسطة amajed ; 15-10-2006 الساعة 06:37 PM

    12. #12
      التسجيل
      06-12-2004
      الدولة
      In My XBox 360
      المشاركات
      239
      المواضيع
      33
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      اخوي امجد مشكوووور والف مشكووووور ..
      لكن حصلت لي مشكلة ..
      *_*
      طبعا دائما الي يطيح مع شركاء يبلش ..
      وانت تعرف انه كيف طالب في الجامعة بيجيب 500000 الف ريال ..
      طبعا الشركاء هم اخواني ..
      المشكلة الي صارت انه . . .
      سألو اخواني كم واحد ..
      انه كيف شغل المحل ..
      طبعا حسب ماعرفت منهم .. انه قال لهم انه خساير محل الشبكة اكثر من ربحه ..
      وهذا شي مرررررررره يخوف ..
      طبعا غيرو رأيهم في هل فكرة ....
      ............
      ولم يبقى من المبلغ سوى 120000 الف ريال ..
      طبعا يعتبر مررررررررررره تحطيم ..
      من افكار وتفكيرات ..
      من هنا اخوي ابي اشوف ايش رايك ........
      هل افتح فيها محل شبكة .. او محل متخصص في قطع الهاردوير وصيانة .. . .
      يعني بدال هل حرامي ارض البرامج نجيب احسن من القطع تبعه ونبيعا ارخص بكثيييير منه ...
      فأنت ايش رأيك .. ؟؟؟
      رأيك مرررررررررررررره يهمني لأنك افكارك خياليه ..
      ×_+ طبعا انا مرررررررره خجلان منك .. لأني مررره تعبتك معي بس استحملني ....

    13. #13
      التسجيل
      05-09-2004
      الدولة
      Kuwait City
      المشاركات
      11,483
      المواضيع
      602
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      شخصيا .. اعتقد انه محل الشبكات او الكافيه .. يطلع ذهببب .. ولي يعرف شلون يشغل محله ويخليه مشهور ما اعتقد بيخسر .. والرزق من الله .. وما اوصيك بالدعاء ..

      والله يوفقك ..

      وشكرا ..

    14. #14
      الصورة الرمزية amajed
      amajed غير متصل عضو مميز في منتدى ألعاب البي سي
      التسجيل
      18-04-2004
      الدولة
      السعودية - الرياض
      المشاركات
      2,017
      المواضيع
      75
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      اخوي تقدر تخلي اخوانك يعيدون النظر في الموضوع
      لان فعلا محل الشبكات يطلع ذهب + الشبكات السنتين او الثلاث سنوات الجايه راح تكون الاكثر انتشار في الرياض وبتكون مثل جدة تقريبا
      لو رحت جدة راح تفهم كلامي
      محلات العاب شبكه يجي في المقهى الواحد فوق 100 جهاز !
      وهذا ان شالله قريبا في الرياض كذا

      فحاول تخلي اخوانك يعيدون النظر في الموضوع ! الموضوع فعلا مربح ! واي مشروع لابد من المغامره
      على الاقل افضل من الاسهم
      ربح وربح ثم خساره فوق الربحين كلها

      بالنسبة لمحل الهاردوير برأيي صعب اساسا تجيب قطع قوية ! وثانيا القطع لو بتجيبها بتكون غاليه جدا
      مافيه وكيل قوي في السعوديه
      يعني الوكلاء هنا مايعرفون ان فيه كرت NVIDIA 7950 فحاول تنسى السالفه هذي الا اذا كان في بالك طريقة اخرى مثل الطلب من برا وكذا ! هنا يكون كلام ثاني
      وبرضو لا تنسى ان فيه منافس لا بأس فيه وشهرته قوية والي هو باث ! صحيح ان مكانه مو ذاك الزود بس المحل شهرته قوية نسبيا

    15. #15
      التسجيل
      12-05-2004
      الدولة
      SauDi-ArabiA | Da(V)(V)aM
      المشاركات
      2,669
      المواضيع
      40
      شكر / اعجاب مشاركة

      رد: اقتراحاتكم وخبراتكم لفتح محل شبكة في مدينة الرياض :)

      تقريبا ً اؤيد اخي انس في الي قاله .

      وبالنسبة للاجهزة فعلا ً ، الى يومك ما شفت محل يرضي رغباتي كلاعب PC .

      --------

      بالنسبة للانترنت فحسب دوراني في شركات الانترنت والافضل لمقاهي الالعاب فسيبيريا هي الافضل ! لكن لا مانع من السؤال ! فمافيه شيئ ينتصدق اذا كان الموضوع متعلق بالنت
      فعلأ ً ، سيبيريا أفضل مزود خدمة للعبة WOW , وانا مجربه .. بس الاهم انه يكون اشتراكك عبارة عن اشتراك شركات وليس افراد .

      وبالتوفيق في محلك ، وان شاء الله نزورك بصفتنا اعضاء المنتدى

      والشكر موصول للاخ أنس * Amajed * على المتابعة والتعقيب =)

    صفحة 1 من 3 123 الأخيرةالأخيرة

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •