سؤال محيرني ؟؟؟

[BecKeRDanson]

السلام علييكم ،،
شباب انا عندي سؤال ، انا قرأت اللي كتبتووو عن الأجهزة وفي شي محيرني يعني لمن اشتري القطع اللي ابيها بروسيسر ورام ومذربوورد وهذي الاغراض كلها تركب على بعض ... بعدين شنوو اسوي يعني انا اقدر اركبها بسهوولة عندي بالبيت ولا لازم اودي الاغراض حق فني اهووو يركبهم ؟؟؟ واذا ودييته حق فني جم بيكلف ؟؟ انا بالكوييت

[Gentleman]

وعليكم السلام ورحمة الله وبركاته ..

تركيب القطع سهل ان تعلمت عليه .. ولكن نصيحه لا تحاول تركيب قطع الكمبيوتر بنفسك من اول مره او حتى ثاني مره .. تجنبا للكسر او الخطأ ..

ولكن هناك قطع تستطيع تركيبها بنفسك مثل الرام وكرت الشاشه ..

اما اذا بتركبهم عن طريق احد الفنيين .. هذا يعتمد على المحل .. يعني حسب اعتقادي ما يتعدى الـ 5 دنانير بشكل اقصى ..

وشكرا ..

[الخيال المتلاعب]

هلا أخوي .....

القطع ماهي كذا وبس .....
وأكيد أنت تعرف هذا الشيء ....

على كل حال أنا عن نفسي بركبه في البيت .......
وأنت إذا لك خبرة ركبه في البيت .......

لكن لو ما تعرف المحلات تركب ب50 ريال ....
يعني 5 دنانير .....

ويمكن بعض المحلات تقول لك هات 70-80-100 ....
حسب المحل .....

تحياتي ..... سلام ....

[GoldenLion]

وعليكم السلام ورحمة الله وبركاته

العملية لا هي بتلك السهولة ولا هي بتلك الصعوبة
ولكنها تحتاج إلى فهم ودقة وأحياناً صبر
فليست كل القطع حجم واحد ولا صناديق الكمبيوتر حجمها وطريقتها واحدة ..
وربما أي خطأ تعتبره بسيط يودي بحياة القطعة الثمينة
عملية فك الجيربوكس في السيارات نراها معقدة ( لأني شفتها وصلة وصلة )
وهي تكاد تكون سهلة للغاية على أي ميكانيكي متمرس
لكن بالنسبة لي، سألت نفسي كيف سيعيد كل هذه
القطع مكانها وقد توزعت وتناثرت هنا وهناك

اذاً تستطيع التركيب بنفسك، على أن تكون على دراية وخبرة أو متمرس من قبل
واذا كانت لغتك الإنجليزية طيبة، عليك بإتباع الكتيبات حتى تقوم بالتركيب المثالي.

وموفق إن شاء الله

[BecKeRDanson]

يعطيييكم العافية جمييعا .. وانا اكثر من مرة فكييت اجهزة وتعبثت فييهم وردييتهم مكانهم لاكن اعتقد الفك مو مثل التركييب ... خل الفني يترزق احسن ... مشكورين