احب انوه انه قبل التحميل يفضل انك تسجل
بموقع اللعبة كي تتأكد انك تستطيع ان تلعب مع اني اعتقد حاليا جميع
البلدان العربية يستطيعون اللعب لكن مجرد للـتأكيد
^
.
.
.
لتحميل اللعبة من هذا الرابط
http://www.warrock.net/download.php
ومثل ماتشوفون في 3 مواقع
اختار اللي يعجبكم منهم وحملو منهم ^_^
===================
التسجيل في موقع اللعبة
للتسجيل في موقع اللعبة ادخلو على
http://www.warrock.net/supported_regions.php
لاتشوفون اي شي ولا تقرون ماعليكم من شي بس ضربوا على
Continue To Rigestration
واذا صار عادي وطلعت البيانات
وقالوا لك ضع الاسم واليوزر والباس .....الخ....
مثل مافي الصورة
http://www.freewebtown.com/bigboss080/pic4war.JPG
ماحطيتها عشان مايخترف الموضوع لكن انتوا ضغطوا عليها وبتطلع لكم
ومثل ماتشوفون انه انا اوتوماتيك حاط لي انه انا من البحرين وهذا يعني انه اي واحد بحريني يقدر يلعبها
لانه في بعض البلدان مافيها لكن على حسب علمي جميع البلدان العربية والوطن العربي كله يلعب
المهم
يعني يفضل انكم تسجلون وتفكون عمركم من اول
وبعدها اذا نجحت هالعملية ممكن انكم تنزلون اللعبة وانتوا مرتاحين
من الاعلى ^_^
===================
ازرار التحكم في اللعبة
===================
شرح الشخصيات واللاعبين في اللعبة
في لعبة Warrock في 5 شخصيات او لاعبين ممكن انك تلعب بيهم للعبة
اللاعب الاول : Engineer
هذا اللاعب يفيد للmaps اللي بيه دبابات وسيارات ...الخ
فهو يستطيع انه يصلحهم بالسبانة الي عنده
وطبعا يدافع عن نفسه Colt .45, MP5,
اللاعب الثاني : Midec
هذي البنت انا صراحة اكثر شخصية استعملها
خاصة وانهي تقدر تملي طاقتها بالابرة اللي عندها
وممكن انه تساعد اللي معاك بالTeam انك تمليهم
وهي وايد مفيدة واسلحتها مثل اسلحة الانجنيير
وهم Colt .45, MP5,
اللاعب الثالث : Assault
هذا اللاعب اللي ممكن تدخل فيه وتتعمق بواسطته
خاصة انه سلاحه يساعد وايد على هالسالفة
وهو طبعا عنده قنابل او بالاصح قنبلتين لكل راوند
وانا القنابل وايد استعملهم خاصة لما يكون جدامة واحد خواف مايطلع الا خشمه
ويبي يضربني فاقط عليه قنبلة واكمل مشواري وهو كيفه عاد يتصرف
واسلحته : Colt .45, K2, K400 frag grenade
اللاعب الرابع : Sniper
هذا اللاعب وايد احبه للمابات الكبيرة او اللي بيهم وايد لاعبين
هذا اللاعب القنص اذا خذيته شوف لك محل معزول وكل ما كان المحل غبي
كان افضل عشان اللي ضدك مايفكر فيه
المهم بس انت بالقنص وشوف لك واحد وجيبه على قفاه وبتلقاه مسدوح
لكن المشكلة ان شافك واحد وجالك فمثل مايقولون
جاك الموت ياتارك الصلاة
هني يقولون لك جاك الموت يامفهي
وطبعا هذا عنده :Colt .45, M24, K400 frag grenade
الشخصية الخامسة والاخيرة : Heavy Trooper
هذا اللاعب ماتشوفوه كثير لكن ان شفته انا ما اقول لك الا بعد عنه
لانه مايتفاهم هذا اللاعب للمابات الي فيهم دبابات وسيارات
لانه اهو عنده لغم يحطه في الارض وعنده باوزوكا
ومثل ماتشوفون الاسلحة ثقيلة وماتنفع للمابات الصغيرة
خاصة وان جاك المهاجم (assualt) فمابتقدر تسوي شي معاه
لكن اذا كنت خبير ممكن انك تفجر مخه بالبازوكا
واسلحته :Colt .45, Panzerfaust, TMA-1A landmine
===================
الختام
في الختام اشكركم كلكم لقرائتكم موضوعي هذا
وبصراحة انا تعبت كثيير وانا ابرز هالموضوع يومين وانا اشتغل عليه والحمدلله
احين احطه بين يديكم واتمنى انه يكون عجبكم موضوعي وانتظر تقييمكم
ويمكنكم زيارة منتدى لعبة WarRock العربي على الرابط
http://warrock4arab.arabhood.com
وطبعا لا اسمح بنقل هذا الموضوع الا بأذن مني وكتابة اسمي في نهاية الموضوع
وكتابة المنتدى اللي خذيتوا منه هالموضوع
..والله شي حلو وطيب ومشجع وايد..
