الماندريك مو راضي يتعرف على كرت الشاشة :(
الماندريك مو راضي يتعرف على كرت الشاشة :(
اخواني الاعزاء
السلام عليكم و رحمة الله و بركاته
عندي استفسارات اتمنى يساعدوني فيها
قبل 3 ايام ركبت لينكس ماندريك 9.1 حطيت السي دي الاول و عملت بوت من السي دي روم
طلعت لي الشاشة الترحيبيه ضغطت انتر عشان اخش الستيب صارت الشاشة سوداء
رحت اجرب اركبه على جهاز اخوي اشتغل
رجعت اركبه على جهازي قلت لعل و عسى
حاولت بشتى الطرق ما اشتغل رحت اخترت F1 عشان اخش الخيارات و اخترت سيتب بطريقة text
و اشتغل و ركبته و بعد ما اكتمل التنصيب و عمل ريستارت طلعت لي الشاشة الي اختار منها لينكس او ويندوز
اخترت لينكس طلعت لي شاشه سوداء ثاني :vereymad:
المهم انا شكيت انه من كرت الشاشة لان جهازي و جهاز اخوي نفس المواصفات تقريبا بس الاختلاف في كرت الشاشة
طفيت الجهاز و ركبت كرت اخوي مكان الكرت حقي .. و المفاجئة اخترت لينكس من الشاشة و اشتغل و دخلت على الواجهة الرسومية KDE
و عملت بحث في الانترنت لقيت ناس كثير يشتكو مثلي من كروتهم و لقيت في موقع الشركة nvidia تعريف للينكس لكن قريت ما فهمت شي .. النظام جديد علي مرة
الشي الثاني انا اتصل بالنترنت عن طريق كرت شبكة مدمج في المذربورد و متصل بمودم الكاتيل سبيد تتش و الاتصال dsl طبعا
المشكلة الكرت مو راضي النظام يتعرف عليه في السيتب و حتى من الكنترول سينتر
و الي قاهرني اكثر ان كرت الصوت متعرف و لاكن ما اسمع و لا همس و جربت ملفات صوتية تشتغل في الويندوز و على الماندريك يشتغل برنامج البلير بس ما يطلع صوت
و الله تعبت و انا احاول
و لولا ما لقيته في هذا النظام الجبار من سلاسه و جمال و ثبات و امان كان حذفته و نسيته
و انا من زمان ابي انتقل من ويندوز التعيس و كل منتجات بيل قيتس العفنه لكن كنت انتظر دعم العربيه في لينكس و الان تحقق الي ابي
و كمان ابي اسال
انا ابي الواجهه حقت اللينكس انجليزي بس ابي اقرا عربي و اكتب عربي .. هل يمكن يصير كذا مثل ويندوز ؟
و هذا كرت الشاشة تبعي و هو من نوع GeForce4 Ti4200
http://www.msi.com.tw/program/produc...il.php?UID=380
و هذي المذر بورد مدمج معها كرت الصوت و الشبكة
http://www.giga-byte.com/MotherBoard..._GA-8PENXP.htm
كرت الصوت Realtek ALC655 AC'97 audio
كرت الشبكة Intel(R) PRO/1000 CT Desktop Connection
و اسف على الاطاله و يعطيكم الف عافيه على مجهوداتكم
تحياتي
