الألوان و الصوره عندي غامقه علي الرغم من أني غيرت شاشتين
بسم الله الرحمن الرحيم
السلام عليكم جميعا
مشكلتي تتلخص في ان الألوان و الصوره عندي غامقه و لازم افتح الالوان من كارت الشاشه و لما اجي اتفرج علي فيديو لازم افتح الالوان من الـMedia Player و في الالعاب لازم اعلي الـBrightness بتاع اللعبه علشان اعرف العب
المشكله دي موجوده عندي علي الرغم من اني غيرت الشاشه بتاعتي مرتين اول مره كانت Fujitsu Siemens 17 Inch و دولقتي عندي Dell Trinitron P1130 21 Inch وبرضه الالوان عندي غامقه علي الرغم من اني عامل الـBrightness و الـContrast في الشاشه علي 100 ( يعني علي الاخر خالص )
و هل معقوله ان حظي يقع في شاشتين ألوانهم غامقه ؟؟؟ متهيألي صعبه
هل ممكن يكون العيب من كارت الشاشه مثلا ؟؟؟
انا عندي :
Card name: NVIDIA GeForce FX 5200
Manufacturer: NVIDIA
Chip type: GeForce FX 5200
Display Memory: 256.0 MB
Current Mode: 1024 x 768 (32 bit) (70Hz)
Driver Version: 6.14.0011.6921 (English)
DDI Version: 9 (or higher)
Driver Attributes: Final Retail
WHQL Logo'd: Yes
انا اتخنقت بسبب الموضوع ده جدا فياريت اللي عنده حل يعرفني
حاجه كمان انا كنت عايز اعرف احسن Setting للشاشه و كارت الشاشه اللي تديني احسن اداء يعني زي الـResolution و الـRefresh Rate
و هل في طريقه اني ازود بيها الاضاءه في الشاشه لأني من الغمقان مش بقدر اشوف حتي بيانات الجهاز و هو بيقوم و لا حتي لما افتح الـBios بشوف اي حاجه خالص و لا لازم اوديها لمركز صيانه و هو يحاول يظبط الألوان لأني علي ما افتكر لما كنت باخد الجهاز بتاعي و اشغله علي شاشه تانيه ف انترنت كافيه كنت شغال فيه كانت الصوره بتبقي عاديه
هل ممكن ان الالوان تتظبط عن طريق عمل صيانه داخليه للشاشه يعني هل مثلا في ف الشاشه من جوه Buttons تانيه او اي حاجه ممكن يتظبط منها الالوان و لا ده مش ممكن
و زي ما ذكرت لحضرتك الشاشه اللي عندي حاليا هي الـDell Trinitron 21" بدل ما اوديها لمركز صيانه و يخربها اكتر
لأني كان لي قريبي يعمل في صيانه التلفزيونات و كنت بقعد معاه كتير في المحل ف اعتقد ان التلفزيونات كان بيبقي فيها Buttons تانيه من جوه الجهاز نفسه يتظبط منها الموضوع ده ف هل ده متاح في شاشات الكمبيوتر كمان و خصوصا شاشتي و لا لأ ؟؟
في انتظار الرد و جزاكم الله كل خير
