جهآزي ينطفي بشكل مفاجئ ؟؟؟؟
السلام عليكم ورحمه الله وبركاته
كيفكم حالكم اخواني واخواتي الاعضاء ان شاء الله تكونوا في اتم الصحه والعافيه
اما بعد
لا اطيل عليكم الكلام
مشكلتي كالتالي وصادفتني بعد ماغيرت الرام من 256 الى 2 قيقا وللمعلوميه ان المذربورد حقي
القديم ddr1 بس تقبل 2 قيقا انا اشتريت رام 2 قيقا ونوع الرام king ston
والجهاز ماشي معايه زي الحلاوه بس تفاجئت اني بعد ماركبت الرامات
انو جهازي صار ينطفي بشكل مفاجئ وللمعلوميه انا جهازي وقتها كان اكس بي انا قلت في بالي يمكن عشان في فيروسات وجهازي كان بدون برامج حمايه
ومعايه يو اس بي فلاش فلاش ميموري فيه لعبه اكس بوكس حجم اللعبه 6.86 قيقا
بس كان الفلاش مليان فيروسات بس على طول سويتله تنظيف من الفيروسات ورحت المحل
وسويت فورمات للجهاز وركبت ويندوز 7 والجهاز ماشاء الله عال العال
وركبت برنامج الكاسبر سكاي 2010 وثبته عندي ع الجهاز وسويت ريت ستارت والاوضاع ميه ميه
لكن اذا جيت اسوي سكان يعني فحص على الكمبيوتر من الفيروسات يمشي شوي
وينطفي الجهاز تماتيك بدون سابق انذار ونفس الشي مثلن لمن احمل فيلم ويجيني مجزء على
بارتات مضغوطه بصغه وينر مثلن 76 ملف مضغوط بصيغه وينر اجي افك الضغط عنها
شوي ما ادري الا الجهاز يقفل تماتيك وتجيني صوره زي اللي موضح امامكم
الجهاز يقفل فجاه ويشتغل تماتيك
فما ادري ياجماعه الخير المشكله من المروحه معناتي اشوفها شغاله قدامي وعندي مروحتين للجهاز نفسه واذا ما اشتغلت المروحه
المعالج يتعب ويقفل الجهاز ولا من الرامات الجديده اللي ركبتها ولا من الويندوز نفسه ولا مين برنامج الحمايه الكاسبر
ولا من ايش بالظبط قلت مالي الا انزل موضوع وا نشاء الله اخواني الاعضاء مابيقصرون بالحل
هاذي مشكلتي بكل اختصار ارجو من لديه الحل انه مايتاخر علينا
واكون شاكر ومقدر لكم
اخوكم علاوي
دمتم بحفظ المولى
