التحدي بين FINAL FANTASY XI و WORDL OF WAR CRAFT

[Al-Manar]

اي اللعيتين أقضل ؟
مع العلم اني احب ffxi اكثر بكثير

[فيلم]

لا مجال للمقارنة ابدا .

اللعبتين كلاهما من نوع آخر .

Warcraft 3 لعبة استراتيجية بحته .

اما ....... FFXi فهي لعبة RPG .

[ahla game]

السلام عليكم و رحمه الله وبركاته

اولا اخوي (( فيلم )) اللعبه الجديده لشركه Blizzard الي راح تكون في بيوتنا ان شاء الله بعد شهرين....

وهي world of warcarft واللعبه هذا الجزء RPG و ليست استراتيجه و راح تكون فيها اشتراكات للعب فيها

و راح كل واحد يدفع مبلغ ما وصلي عنه اي معلومات عن قدره بس راح يكون فيه خاصيه الBattle هي اللعب

لاعب ضد لاعب و هذه الخاصيه لم توفر في فاينل فانتسي 11 ولكن راح ينزلوا ابديت لفاينل فانتسي و يصير فيها Battle

و وور كرافت راح يكون في 4 انواع من الجنود الي تكون شخصيه لك و تلعب فيها... اللعبه راح تدخل السوق قوية

وممكن تضرب على فاينل فانتسي

وشكرا

[Dr.Lucifer]

كل لعبة مختلفه عن الثانية بالإسلوب و نظام القتال فيها و المميزات الموجودة فيها ..
كلهم العاب MMORPG لكن FFXI تتبع باقي خطى العاب السلسلة و هي الإهتمام بالقصة و التركيز عليها و تفرعها بشكل كبير ..
أما WOW فالي شايفه إنها لعبة جيدة ما نقدر نحكم عليها حتى ينزل لها Open beta لكن ما أعتقد إنه قصتها راح تكون بنفس تعقيد و تشابك أحداث FFXI ..
أنا جربت لعبة linage 2 و كانت تعتبر يعني لها أمل بالمنافسة لكن بعد ما جربت open beta ما صار لها أمل ..
فننتظر WOW و نشوف ..

[mom_com3]

صراحه انا ما جربت World Of Warcraft .. يعني ما اقدر احكم عليها ..
لكن Final Fantasy XI Online لعبه قويه .. وفيها حركات حلوه الصراحه ..

[Fox]

آنه لعبة FFXI و اللعبة حلوة و مافي وايد عيوب بس مشكلتها وحدة ما فيها Battle
بس WOW راح يكون في ها Battle و آنه افضل العاب Blizzard و من عشاقها (متعصب)

[Al-Manar]

خاصية Battle بين اللاعبين متوفرة الآن بس لازم تسوي كويست علشان تلعب Conflict
وراح تكون 6 ضد 6 .. و انا اعتقد FFXI افضل من wORD OF WARCRAFT

[Al-Manar]

نسيت اقول راح يكون 6 ضد 6 على الأقل .. و كل فريق من مملكة غير عن الآخر .. و يوجد اوقات معينة للعب الـ Conflict

[فيصل سنيك]

فاينل فانتسي 11 متفوقة في الاستفتاء واللعبة مايحتاج اسطور في عالم الرول بلاينق
ومشكور

[Fox]

اخوي فيصل سنيك
wow مانزلة وما نقدر نحكم بينهم الحين نصبر و نشوف من راح يكون الاحسن ولو السالفه مطوله بس يلا ما ورانا شي

[BlackJack]

السلام عليكم

الافضل من غير مانقول اي شي هي WOW بستغربون اكيد الحكم هذا هذا قبل ماتصدر اللععبه بس انا مجرب ال FFXI وماخذ شخصيات human و galk و taru في نفس الوقت بس فاينال فانتزي صراحه ماخشت المنافسه الى بإسمها فقط ولو الي جربوها جربوا العاب غيرها مثل ashron's calls 2 الي صدرت قبل سنتين من مايكروسوفت ماراح يلعبونها نهائيا فما بالك ب WOW و lineage 2 وغيرها الكثير مثل city of heros و Horizons و Anarchy Online و القادمه بقوه everquest 2 انا صراحه جمدت حسابي في فاينال فانتزي قبل 3 ايام لانها ممله لابعد درجه والي يعارضني في ذلك يجرب العاب MMORPG جديده ثم يعترض .
WOW فيها نظام الكرافت مثلها مثل ال ashron's call's وال يختلف بكثير عن نظام ال guilds في FINAL FANTASY XI لانه اكثر تشويق و فعاليه وممكن تسويه في اي مكان , بالاضافه لان فاينال فانتزي مافيها Skills و spells يشجع مثلا في اليفلات من 30 الى 40 اذا مانت ساحر ماتقدر تستخدم اكثر من 4 تعويذات او 5 بالكثير في معركه واحده اما بالنسبه لاشيرون كال وايفر كويست 2 وWOW هناك الكثير من التعويذات والخصائص ممكن تستخدمها بغض النظر عن مستواك وها يعطيك تنويع في اللعبه

فاينال فانتزي لما تموت يخصمون من الexp وهذا خطاء شنيع ماقامت به اي لعبة MMORPG من قبل لان ممكن تخصم من ال hp و mp ويتعوض مع القتال بس ال exp ؟؟؟؟؟؟؟؟؟؟؟؟؟؟؟؟؟ بدون تعليق

يضا في اشيرون كال 2 و WOW لتعويذات بالهبل "خصوصا في اشيرون كال 2 بعد ماصرت hero" ==== الوظيفه "محارب + مدافع ,في لفل 55 فيه اكثر من 70 تعويذه هذا وانا موب ساحر فما بالك بالساحر كم تعويذه ممكن يسوي اما لما كنت في مسويات 15 - 30 تقريبا كان عدد التعويذات فوق ال40 تعويذه
في فاينال فانتزي انا لفل 15 thf وماقدر اسوي غير تعويذه """"وحده"""" فقط وهي ال SNAKE ATTACK وباقي القتال تجلس تتفرج على القتال ضربه من هنا وضربه من هنا او تنتظر حركه ال ساعتين لين تخلص وتستخدمها او ال combo والي يحتاج اسلحه اضافيه مالها داعي

اما في WOW فلما توصل مستوى 16 بتقدر تسوي موب تعويذه واحده فقط بل 23 تعويذه مثلها مثل كل العاب الMMORPG بغض النظر عن فاينال فانتزي الي ماخذه خانه بالفاضي والشباب فرحانين لانهم يلعبونها لانها تحمل اسم فاينال فانتزي

شي ثاني فاينال فانتزي لها 5 شخصيات تختار منها hum - taru - elvn - galk - mirth

اما WOW تحتوي على 8 و هي
Dwarves - Gnomes - humans - night elvens - Orcs -Tauren - Trols - Unded

والوظائف المتفرعه منها هي التالي
Dwarves
Hunter, Mage, Priest, Paladin, Rogue, Warrior
============
Gnomes
Mage, Rogue, Warlock,
==========
human
Mage, Paladin, Priest, Rogue, Warlock, Warrior


من غير الفصائل ال 5 الباقيه ...
يعني ضعف وظائف فاينال فانتزي 11 عشر مرات على الاقل هذي ثلاث فضائل من اصل 8 بغض النظر عن مميزات كل فصيله من الثمانيه

الي ابي اقوله ان الي لعب فاينال فانتزي 11 لايحاول يحلم انه يملك افضل لعبه MMORPG لان فيه الالهاب التاليه
· Anarchy Online
· Anarchy Online shadows
· Asheron's Call 2
· Atriarch
· Camelot
· City of Heroes
· Eve Online
· EverQuest2
· Horizons
· Imperator
· Middle Earth
· Shadowbane
· Star Wars Galaxies
· Ultima X Odyssey
· Ultima Online
· Wish
والكثير واقواها بالطبع World of Warcraft والي ننتظرها على نار كلنا

باقي حوالي اسبو وتوصلني linage 2 وراح اكتب تقرير عنها اكيد بس لحين صدور wow اعتقد LINEAGE 2 و CITY OF HEROS و HORIZONS وAsheron's Call 2 هي المسيطره على العاب الmmorpG وننتظر المنافسه بالاصح بين EVERQUEST 2 و WOW على تاج ال MMORPG
تحياتي

[EAGLE 2000]

السلام عليكم


والله صدقت بكل كلمة يا BlackJack

اللعبة مملة مع مرور الوقت انا وصلت لفل 43
بس بجمد حسابي

لأن FF11 ماتستاهل صراحة تكون مملة مع مرور الوقت

ننتظر WOW راح تكون قوية فعلاً

[Dreamweaver]

السلام عليكم
انا ما اقدر اقول عن نفسي خبرة بفاينال فانتازي بس هذي الجوبز اللي عندي
Beastmaster 70
Bard 60
Red Mage 49
Warrior 32
Samurai 33
Ninja 24
Ranger 21
واللي شفته بعد سنة كاملة من اللعبة:
1- اصرار سكوير اينكس على الاستغباء في بعض الحالات .... ليما الحين ما سوو سالفة ALT+TAB
2- اللعبة تاخذ من الوقت كميات جنونية .... تخيل اذا عندك ساعتين تلعب تفضل انك ما تدش لأن ساعتين (ماتوكل عيش)
3- كون اللعبة جماعية زيادة عن اللزوم ما تقدر تسوي اي شي بروحك واذا مو مصدقني شوف المتسكعين في Lower Jeuno يبون بارتي مو لاقيين
4- نرجع على استغباء S-E وهالمرة بالنسبة لاحبابنا اللي توهم باديين اللعبة لازم تسوي شغلات شكثر معقدة علشان تدش
أ: ليما الحين ما اعرف شنو سالفة ام الـHandle وشنو فايدته
ب: ليش ملزومين نسوي لكل شخصية Content ID وما نسوي الشخصية على طول ؟
بالنسبة حق WoW فلي شكوك منها علشان ما يكون حكمي ظالم
1- من الافلام اللي لاحظتها ان الهوشات تصير فوضى يعني الوحش يروح ويرجع على كيفة مو نفس فاينال يغصب الوحش يركز على البلادين
2- في سيرفرات الـPvP صايرة شغلة مليقة قريت عنها واهي اذا واحد ذبحك تلقاه ينطر عند جثتك لين تقوم ويرد يذبحك مرة ثانية وثالثة ورابعة لين يمللك من اللعبة

وبالختام اقولكم اني بصراحة مليت من فاينال فانتازي اهي لعبة حلوة صح بس ما اكتملت بسبب غباء (او استغباء) شركة سكوير

[x.LoRd.x]

ياشباب اللعبة يحتاج DSL؟؟؟؟

[BlackJack]

يؤ , ماكان الموضوع له 7 شهور ؟؟

بس فله التصويت فاينال فانتزي ماخذه اكثر من WOW

Bo-Flan : الحمد لله اني تركت اللعبه من اول شهر لي فيها لو كان العبها للحين كان قد جاني جنان من كثر ماقتل فطر وخرفان ودود في اللعبه

المستنزل2 : اذا تقصد فاينال فانتزي , لا ماتحتاج DSL انا لعبتها باتصال دايل اب عادي وماكان اواجه لاق الى في الاعياد والمناسبات اذا تقصد WOW مادري انا بكره او بعده بابدا اللعبها وباقولك بالنتائج

تحياتي