معنا كرت جديد

[radeon]

ما شاء الله صاير لكم هنا شريطي هارد وير
عموماً يا شباب لذمة لابد أن أكتب هذا الموضوع لأنه زميلي ألح علي(مع أني ما توقع نتيجة كالعادة)

وهو الرجال عنده كرت شاشة مثل حقي الي سبق وأني بعته وهو :

ATI 9800 XT

جديد له تقريباً شهرين ونص مشتريه ويبي يبيعه 1400 ريال بس (مع أني معترض على سعره وأقلوه تراه رخيص )

وقالي أن السعر قابل للمفاوضة الي يبغاه يعلمني على شان أعطيه رقم جوال الرجال وسلامتكم

[BLACK _G]

هلا أخوي

ممكن تقلنا وش سبب البيع ؟ ثانيا وش الشركه المجمعه الكرت ؟ يمكن أشتريه

[radeon]

والله سبب البيع هو :أن الرجال مهب راعي ألعاب بي سي كثير وكان شاري الكرت متحمس لعبة
هاف لايف 2 وخاصة دووم 3 لكن لما قلت له أنهم راح يتزلن على XBOX قبل وأن هالو2 على الإكس بوكس فقط حصرية(في الوقت الحالي)
فقرر يبيعة ويشتري XBOX ويودع ألعاب البي سي (مع أنها فكرة غبية من ناحية وجهة نظري لكن مسكت معاه )
عموما هذا الي صار ...

أما الشركة المجمعة هو ATI نفسها يعني نفس الصورة الموجودة هنا الي حاط لها رابط نفسها والكرتون بعد

هذا هز بصور
http://www.ati.com/designpartners/me...t_board_sm.jpg

[Atsmknv]

إذا ممكن يبيعه بـــ 1200 ريال أنا راح أشتريه الأن ، بس على فكرة أنت من وين لأني أنا أفضل في شراء الهاردوير يكون التسليم يداً بيد وما يمر على أي بريد معما كان !

[BLACK _G]

والله سبب البيع هو :أن الرجال مهب راعي ألعاب بي سي كثير وكان شاري الكرت متحمس لعبة
هاف لايف 2 وخاصة دووم 3 لكن لما قلت له أنهم راح يتزلن على XBOX قبل وأن هالو2 على الإكس بوكس فقط حصرية(في الوقت الحالي)
فقرر يبيعة ويشتري XBOX ويودع ألعاب البي سي (مع أنها فكرة غبية من ناحية وجهة نظري لكن مسكت معاه )
عموما هذا الي صار ...

أما الشركة المجمعة هو ATI نفسها يعني نفس الصورة الموجودة هنا الي حاط لها رابط نفسها والكرتون بعد

هذا هز بصور
http://www.ati.com/designpartners/me...t_board_sm.jpg

ههههههه نصدقك مو مشكلة

اسمع لو معاه فاتورة ضمان ومافيه شي أكيد راح أشتريه منك بـ1300 ريال بس أول خلني أصرف اللي عندي

وبعد ياريت تكون من الرياض والمحل من الرياض علشان اذا فيه شي أنشبلك صح :vereymad:

[radeon]

شايفني نصاب هنا :vereymad:

على العموم أنا أبيعه على واحد يصدقني 1200 أزين من على واحد يحسب.....
نعم معاه ضمان سنة من أحد المحلات في الرياض أجل بدون ضمان
طبعاً التسليم يدي بيد للي في الرياض بس لكن بعد 6 أو 5 أيام لأني مناب موجود الأن في الرياض
أما أخينا في الشرقية مالك إلا الإرسال للإسف إذا وافق الرجال على سعرك
لكن الي يبيه وجازم ممكن يرسل على بريدي fawaz_m_m@yahoo.com
ويرسل يا يطلب رقم جوال الرجال أو يعطني جواله .

قال إيش قالي نصدق مو مشكلة والله مهزله

[radeon]

أنت يا أخي BLACK _G :خايف يكون مو شغال وش قالولك هنا المافيا حنا !!! والله أنا ما بعد وصلت إلى هذه الدرجة من الإجرام

عموما عموما من حقك ما أقول لا لكن إذا تبي ترتاح لازم نتواعد عند محل ونشبك الكرت وألعاب فيه إلى ما تنهبل بعدها ممكن نتفارق ويكون كلاً من راضي على الثاني أما أني السلملك الكرت وتمشي لا هذي ممكن أنت تشكك فيها ياكونان على غفلة على العموم الي تبيه حنا مستعدين لكن بدون كلام ماله داعي

[BLACK _G]

أفا زعلت يا خي أمزح معاك والله
بس أشوفك كل شوي بايع Radeon 9800XT

ياخي والله اني ودي اشتريه بس خايف ما يشتغل تمام أقصد من عندي في الجهاز
والله ان لي حوالي 3 أسابيع عقلي ملحوس أبي أشتري كرت حتى اثر علي في الاختبارات

شوف ذا كيف متبهدل مع الكرت جابوله أحسن دكاترة المنتدى ولا قدروا يعالجوا المشكلة وأنا مالي خلق أقعد انتف شعري مع ذا الكرت

اضغط هنا

انت لو تقلي البور سبلاي اللي مشغل عليه الكرت انت وخويك كم ؟ يمكن أرتاح


(الى ما تنهبل ) حلللللللللللللللللللوة بس لاتعيدها

على العموم مالك الا كل خير وآسفين

[radeon]

والله دمك خفيف يا أخيBLACK _G


عموماً هو شغال على بور سبلاي 520 واط لكن الي قبل كان عندنا بور سبلاي 350 واط وكان شغال عادي لكن إظطررنا تغيره بسبب قلة أسلاكه

أما بخصوص تقول أني مختص في بيع الكروت الصراحه أنا وزميلي إشترينا جميع
يعني خلاص باقي هالكرت ولا راح تشوفني أبيع كروت مرة ثانية

أما بنسبة لهذه المشكلة الي تحصل مع أحد زملائنا في المنتدى اعتقد ولا وحد جاب حل معقول
اصلا خذها قاعدة لكل كرت شاشة ثلاثة محاور البور سبلاي والدرايفر المستخدم والتبريد إذا حسنت إختيار هذه الأشياء الثلاثة فأنت تكون قد إحترمت الكرت الشاشة ووضعته في محل يستطيع يستخدم قدراته هذي هي ببساطة أما X8 أو X4 هذا كلام فاضي زي ما قال الأخ صاحب الكرت هذا غرض تسويقي لا أكثر ولا أقل

"حتى الـagp حطيته على 8 x وحطيته 4 ولا بعد حطيته على off كل الاحوال ما قدرت افرق فيها احس انها كلام فاضي"

وأعتقد أنه فيه عنده مشكلة في الرام

والغريبة في كلامهم أنهم يقلون زيد قدرات الكرت !!!!!!!!!!!!
قدرات الكرت إذا زدتها أكيد راح تثقل العبة وتكون أبطاء لأنك حملت الكرت زيادة أداء مطلوب منه لخروج الصورة بشكل أفضل مثل الفلترة والتنعيم المضلعات

أنت ما عليك إذا ترضى بحلف ألحلفلك أنه الكرت شغال زييييي الحلاوة وجايب في ثري دي مارك نقاط ما سبق أني شفت كرت جابها وهي 7000 نقطة !!

ومن الممكن أن أخينا في الله ممكن كرته الخاص فيه عطب ما طيب أنا وش دخلني يصير كرتي فيه بعد مشكلة هاه ؟

لكن للمعلومية ترى حتى الأن عرضك لم يؤخذ بمحمل الجد لأنك حتى الأن لم ترسل لي شئ على البريد أو تطلب تكلم صاحبي ....

[ameer456]

أنا أعرض عليك:

جهاز اكس بوكس، مع مجموعة أشرطة
+
كرت شاشة Radeon 8500 128 MB

مقابل المبادلة مع الكرت 9800 xt

[radeon]

أسف يا أخي العزيز فلقد إشترينا XBOX أمس لو إنك إستعجلت كان تمت البيعة لأن عرضك ممتاز

[Atsmknv]

إذا وافق خويك إن شاء الله أنا مستعد أجي الرياض واستمله يد بيد لأن جياتي للرياض كثيرة خاصة بالإجازة يعني كل اسبوعين تقريباً

فأتمنى ترد علي بعد ما تسأل خويك

[Atsmknv]

أتمنى أنك تسأل خويك عن السعر وإذا وافق أنا مستعد أنزل الرياض واشتريه منه أنا على فكرة أنزل بين كل اسبوعين هناك

[wwal0000]

انا مستعد اشتريه منك 1200 ريال كاش نقدا يدا بيدا

ومايحتاج اجربه لاني واثق انك منتب غاشني لاننا مسلمين

انت عطني خبر انك موافق وراح اتصل عليك فورا

وغلى فكرة انا من اهل الرياض وتحديد ساكن في المرسلات شمال الرياض

[radeon]

الحين وين ومن جاب سيرة الغش يا أخواني هذا بلاك جي شكك أنه مارح يشتغل على جهازه والسبب البور سبلاي

السعر 1400 غير قابل لتفاوض والسبب أن زميلي تراجع عن بيع الكرت من يريد بهذا السعر فحياه الله ومن لا يريد عوضه الله خيراً منه وشكرا

مع أنه حتى هذه اللحظة لم يأتي أحد يطلب الكرت وبشكل جاددددددددد وشكراً
كلها ردود...