ساعدوني أثلج الجهاز

[microali]

السلام عليكم ورحمة الله وبركاته

يا شباب جهازي أشغلني بالهنق والحراره وش الحل


مع العلم إني مركب مروحتين والبور سبلاي 350 واط (ما لقيت أكثر)

المواصفات في التوقيع والباقي كالتالي:
الهارد دسك 120 جيجا و 40 جيجا (إثنين)
سيدي روم ×52
دي في دي رايتر

بالنسبه للكيس عظيم (غرفه مو كيس)
وسلامتكم

على فكره واحد قالي ركب 2 باور سبلاي

وش لون؟؟ يقول أرهملك !!!

(يحسبه سياره)

وش رايكم ؟؟؟

[TheOne111]

microali طيب انت وين حاط الجهاز

جنب الجدار ولا في مكان حار .... ....

انا كان يسير معي كذا وحطيت مروحتين وما نفع لا زم احاول شي ثاني حاولت ابعده عن الزاويه ( كان مزنوق صح )

فكيت الكيس من جهه وضبط واذا تبي تري فيه حركه يسونها خذلك مروحه وحطها من جنب الجهاز طبعا بيكون مفتوح الكيس


وترا جو الغرفه مهم جدا ً وانتبه من الغبار تراه يجيب العيد

والاسلاك لا تكون جنب بعض ترى تسبب مشاكل ظغط على الفاضي


حاول وردلى

تشاو microali

[ابو ليمونه]

اخوي كني فهمت منك ان المعالج يحتر او ؟ الهاردسك عندك بعد يحتر


عموما المعالج انا عشان احل مشكلة الحراره فيه ركبت فيه مروحتين جانبيتين صغار اضافه اني ركبت مروحه كبيره على المعالج طبعا ركبتها بعمليات لان المروحه مو له


الوهاردسك في جهاز تبريد قيمته 20 ريال تقريبا يخلي الهاردسك ثلج



وياليت تحدد ايش الي عندك يحتر بالظبط


واخوي في نقطه هل البور سبلاي في وجه مروحة التبريد؟ يعني مقابلها ؟


وانشالله نفيدك

[dungeon]

السلام عليكم..
فكرة انك تركب dual power supply فكرة ممتازة...
لكن اهم شي نوعيتها .. وكم واط تعطيك !؟

[samih22]

يا سلام .... الحين لو ركبت 2 POWER SUPPLY يصير الجهاز أبرد ؟؟ لو سمحت تكلم بمنطق !

سلاماااااااااااات

[qashlan]

القشلان ... يحييكم


يهنق ... هنا الوقفة .. و الانتباه ...

مسألة الشكوى من الحرارة .. على العين و على الرأس ... لكن لماذا حكمت عليه أنه حار ؟؟ كم درجة حرارته ؟؟ ... من الممكن أن تكون درجة حرارته طبيعية ... حسب الاستخدام ...

ما دامت مراوح الجهاز تعمل ... و مادام الجهاز في غرفة ( مكيفة ) الهواء ... فلا خوف عليه ...


لا يستحسن أن يعمل الكمبيوتر في جو الغرفة الطبيعي في فصل الصيف في أجوائنا الحارة هذه .. بدون وسيلة تبريد ... قدمها الإخوان ...


أما مسألة التهنيق Hang up ... فلو كانت بفعل الحرارة ... فهذه مسألة خطيرة جدا ... تستدعي إعلان الطوارئ ... لأن المعالج معرض للتلف بسبب الحرارة ...

هناك برامج لقياس حرارة المعالج ... و تتراوح درجة حرارة المعالج تقريبا ما بين 45 درجة مئوية حينما يكون الجهاز يعمل و لكن بدون تشغيل أي برامج .. و حوالي 85 درجة مئوية في حالة تشغيل برامج قوية كبرامج ال CAD و البرامج الحسابية مثل Excel أو برامج الأوساط المتعددة ..
الحرارة الزائدة .. عرض خطير و إنذار شديد ... يستدعي الخوف على صحة الإنسان .. و الأجهزة الإلكترونية


حياكم

[KJF]

السلام عليكم

يالقشلان ممكن وصلة تحميل البرنامج الي تتكلم عنه؟ ترا جهازي دايما يجمد من الحرارة وابي اعرف اذا لازم اضيف مراوح ومشكور

[فيصل سنيك]

انا بعد ابي الوصلة من يوم ماركبت كرت شاشة جديد 5600 ام اس اي
والحرارة فوق وركبت بعد بور سبلاي

وشكرا

[radeon]

يا سلام .... الحين لو ركبت 2 POWER SUPPLY يصير الجهاز أبرد ؟؟ لو سمحت تكلم بمنطق !

سلاماااااااااااات

كلام سليم لايمكن زيادة بور سبلاي ينتج عنها برودة يعني أنت الأن لو زودت النار أكثر هل يعني أنها تطلع أبرد

أما بخصوص درجة الحرارة ممكن تخذها من البويس نفسه بضغط على زير delete عند بدء إقلاع الجهاز وإذهب إلى قائمة powr ومن ثم مونيتور ثم راح تحصلها CPU TEMPTR

بعدين يا شباب أنا ملاحظ عليكم ملاحظة لما الواحد يجيب مشكلته يجيبها نص والنص الباقي ما ادري وينه أرجو من الأخوة الذين يريدون حلول كتابت المشكلة كاملة مع متى تكون وعند إي حدث وماذا فعل قبل حدوث المشكلة إذا كان المستخدم فعل شئ غير طبيبعي في الجهاز
وشكرا الكلام لزملاء المنتدى كلهم وليس للإخ microal
وأتمنى أن أستطيع المساعدة

[keko]

أوكي أنت الحين تقول حرارة , هل هي حرارة المعالج + حرارة الكيس ؟

مدامك تقول عندك 3 هاردسكات أكيد راح يصير حار الجهاز , لكن ما أتوقع انه راح يهنق اذا كان يشتغل داخل غرفة مكيفة

أول شي تأكد انه مروحة المعالج تشتغل بشكل جيد .

نسيت أسألك هل المشكلة جديدة ولا من أول ماشريت الجهاز ؟؟ هل أنت الي جمعت الجهاز , ولا من محل ؟

تأكد أنه المعجون الحراري موجود بين المعالج وبين مشتت الحرارة الي يركب على المعالج , وهو معجون أبيض , هذا ضروري جدا

قبل هذا كله , هل سويت اوفركلوك للمعالج ؟؟ رفع السرعة أو كسر السرعة زي مايقولون , لأنها هي سبب رئيسي بتعليق الجهاز اذا مابردت المعالج بشكل جيد ,

لازم يكون عندك مروحتين اضافيتين على الأقل , وحدة تدخل الهوا بالأمام , وحدة تطلعه من الخلف + مروحة المحول الي أصلا تطلع الهوا للخارج

اذا برضوا ماكفى , افتح احد الأغطية الي تحت السي دي روم عشان التهوية , بس هالحركة راح تدخلك غبار للجهاز.

عموما درجة حرارة فوق 50 مئوية للمعالج , شي موطبيعي ولازم تشوفها حل ولا ماراح يطول معاك.

[Grandia]

هلا اخوي انا اصحك تركب Giga Byte 3D Cooler رائعه جدا تبرد الجهاز بكل معنى الكلمه اهي كولير علي اسمها مكيف

انا لدي وحده اشتريتها بــ 135 درهم رائعه

وفيه غيرها بــ 200 وما ادري كم نسيت

انا لدي الاولى والحمد لله الجهاز شغال 24 ساعه ودرجة الحراره 25

لدي ثلاث مراوح اضافه اللي الكولير

وهاذي صوره لها

[IMG]

http://www.frostytech.com/articleima...U31VH_pspc.jpg

[/IMG]

[Oblivion]

[QUOTE=qashlan]القشلان ... يحييكم


يهنق ... هنا الوقفة .. و الانتباه ...

مسألة الشكوى من الحرارة .. على العين و على الرأس ... لكن لماذا حكمت عليه أنه حار ؟؟ كم درجة حرارته ؟؟ ... من الممكن أن تكون درجة حرارته طبيعية ... حسب الاستخدام ...

ما دامت مراوح الجهاز تعمل ... و مادام الجهاز في غرفة ( مكيفة ) الهواء ... فلا خوف عليه ...


لا يستحسن أن يعمل الكمبيوتر في جو الغرفة الطبيعي في فصل الصيف في أجوائنا الحارة هذه .. بدون وسيلة تبريد ... قدمها الإخوان ...


أما مسألة التهنيق Hang up ... فلو كانت بفعل الحرارة ... فهذه مسألة خطيرة جدا ... تستدعي إعلان الطوارئ ... لأن المعالج معرض للتلف بسبب الحرارة ...

هناك برامج لقياس حرارة المعالج ... و تتراوح درجة حرارة المعالج تقريبا ما بين 45 درجة مئوية حينما يكون الجهاز يعمل و لكن بدون تشغيل أي برامج .. و حوالي 85 درجة مئوية في حالة تشغيل برامج قوية كبرامج ال CAD و البرامج الحسابية مثل Excel أو برامج الأوساط المتعددة ..
الحرارة الزائدة .. عرض خطير و إنذار شديد ... يستدعي الخوف على صحة الإنسان .. و الأجهزة الإلكترونية


اضغط ديل وقت تشغيل النظام عند الشاشة الزرقة بعدين روح مكان البروسس (مال السستم الجاري حاليا) بعدين كلك تحت العنوان المكتوب انه يخص البروسس وشوف اختيارات درجة الحرارة بالفهرنهايت والسيليزية اللي يتم بثها عن طريق مونتر داخل قريب عند المروحة




Oblivion

[محمد همام]

السلام عليكم

يالقشلان ممكن وصلة تحميل البرنامج الي تتكلم عنه؟ ترا جهازي دايما يجمد من الحرارة وابي اعرف اذا لازم اضيف مراوح ومشكور

جرب برنامج speedFan بيعطيك حرارة المعالج وأنت على الويندوز

[qashlan]

مستخدموا اللوحات الأم MotherBord من شركة Intel

يمكنهم استخدام

Intel Active Monitor


اقرأ حول هذا الموضوع .. ملف Readme الموجود داخل المجلد X:\software\Iam حيث X هو محرك الأقراص المضغوطة


حياكم

[game pro]

Intel Active Monitor

يا شباب الي يبي يورط روحه يستخدم هذا البرنامج

والله انا مغير المبرد حق المعالج ثلاث مرات في يوم واحد... كله بسبب هالبرنامج ..حاسني ونكبني
وبعدين رحت عند واحد من اخوياي وكلمته عن المشكله قالي انا سايره معي من فتره ..وقرفتني عيشتي وبعدين رحت لمحل صيانه وشاف المشكله ..وبالاخير طلع البلا من هالبرنامج

ورحت البيت وسحبت البرنامج ..والى يومكم هذا ماصار شي بالحراره ...البرنامج نصاب ...هذي نصيحتي


وعلى العموم لو صار بالمبرد خلل وارتفعت درجة الحراره للمعالج ...الجهاز راح يطفى اوتوماتيك ..

ومالك الا زيادة المراوح

والا يمكن يكون التهنيق من الرام ..تأكد من نوعيته

واي خدمه انا حاضر

تحياتي GAME PRO