ما قصة الحرارة ؟

[Snoopy]

ما هي الأسباب التي تؤدي إلى ارتفاع درجة الحراره للجهاز؟
وما هو الحل لتجنب مشكلة الحراره؟
وهل هذه القطع ستؤدي الى ارتفاع الحراره للجهاز؟
مذربورد من نوع جيجابيت+بروسيسر انتل 3.2+ميموري 1 جيجا+ATI radeon 9800 pro
علما بأن هذه القطع انوي بشرائها.

فهل هناك ارتفاع لدرجة الحراره؟

وشكرن

[BeaUnkill]

السلام عليكم

بالنسبة لمعالج بريسكوت (( اللي الكاش 2 حقه حجمها 1 ميقا !! )) هذا ترتفع حرارته زي السلام عليكم .. (( وعليكم السلام ))

على كلٍ عشان تريح راسك .. كل الي بانصحك فيه انك تشتري لك باور سبلاي بقوة 400 الى 500 واط (( يعني على اقل التقديرات خذ لك واحد بــ 200 ريال !! )) وان شاء الله ما تواجه مشاكل من ناحية الحرارة .. وانت كذا ولا كذا مظطر تشتري باور سبلاي عشان توفر الطاقة لتشغيل هذي القطع

واسأل مجربين ..

تحياتي لك .

[DEF_CODE_VOL]

زي ماقالك وناسه وزياده الحراره تقدر تتغلب عليها بعدة طرق:
1- بور سبلاي يكون فيه مروحتين
2- لاتعتمد على المروحه اللي تجي مع المعالج أشتري أحد المراوح النحاسيه ولاتنسى تحط معجون حراري على المعالج.
3- الكيس(الصندوق) لازم يكون كبير وفيه على الأقل 4 مراوح غير البروسيسور والبور سبلاي.
فقط. وتنتهي مشاكل الحراره بس أنت لا توسوس

[[c.o.d.e.x]]

ما هي الأسباب التي تؤدي إلى ارتفاع درجة الحراره للجهاز؟
وما هو الحل لتجنب مشكلة الحراره؟
وهل هذه القطع ستؤدي الى ارتفاع الحراره للجهاز؟
مذربورد من نوع جيجابيت+بروسيسر انتل 3.2+ميموري 1 جيجا+ATI radeon 9800 pro
علما بأن هذه القطع انوي بشرائها.

فهل هناك ارتفاع لدرجة الحراره؟

وشكرن

إستهلاك معالج P4 3.2E للطاقة قد يتعدى أحياناً 100W نعم فجيل المعالج هذا يحتوي على زيادة كبيرة في عدد الترانزيستور 125 mln مقابل 55 mln في النواة NW

إستخدم مشتت حراري ذو جودة عالية , بالإضافة إلى مروحة جيدة

تأكد من تدفق الهواء بشكل مريح داخل صندوق الجهاز ( الكيس) وذلك بإعتماد شفط الهواء البارد من المقدمة بإستخدام مروحة أمامية (مروراً بالأقراص الصلبة , إلى البطاقة الرسومية ثم سحب الهواء الساخن من المعالج بإعتماد مروحتين 80 ملم أو مروحة 120 ملم في الخلف حسب توافقية الصندوق).

قم بصرف بعض الوقت لعملية ترتيب الكابلات داخل الصندوق لظمان عملية تدفق ومرور الهواء داخل الصندوق بشكل مريح.

كما ذكر الأخ وناسة.

حاول أن تحصل على مزود للطاقة يعطي أرقام دقيقة في الفولطية , أنصحك بـ 480w من تصنيع شركة مرموقة Antec, Enermax, etc ..

بالتوفيق

تقبل تحياتي

[Snoopy]

وناسة
جزاك الله خير .. بس ابي اعرف لو ماخذيت بور سبلاي .. شنو اتوقع الاشياء اللي راح اتصير اثناء تشغيلي للجهاز؟

DEF_CODE_VOL

الكيس(الصندوق) لازم يكون كبير وفيه على الأقل 4 مراوح غير البروسيسور والبور سبلاي.

يا ساااااتر ... 4 مراوح غير البروسيسر والبرو سبلاي :shock22: .. مو ناقص الا اني اركب جناحين ويطير الجهاز
انا عندي مروحه ورا في الجهاز..بيني وبينك(انا ماعرف افرق بين المروحه اللي مع البروسيسر والبور سبلاي) واللي ابيه اني اشتري القطع اللي ذكرتها قبل قليل
.. والمروحه اللي تجي مع بروسيسر هل هي بور سبلاي ام يسمونها ..المروحه وبس؟
وما قصة المعجون ؟

[c.o.d.e.x]
اشكرك جزيل الشكر ... هل المشتت الحراري الي تتكلم عنه اهو البور سبلاي؟ اذا كان جوابك نعم . هل تكفي واحده لهذا المعالج(400-500) ؟

[DEF_CODE_VOL]

اكيد لازم اربع مرواح علشان تاخذ راحتك وماتشيل هم الحراره وأهم شي تكون متوزعه صح وفيه بعض الكيسات فيها مرواح متوزعه جاهزه، مروحة البورسبلاي المروحه اللي تجي في علبة الكهرب خلف الجهاز، مروحة البروسيسور المروحه اللي تتركب فوق المعالج مباشره، المعجون الحراري معجون فضه تحطه فوق المعالج يساعد في عملية التبريد هذا موقع المعجون وهو أفضل نوعArctic Silver 5
http://www.arcticsilver.com/arctic_s...structions.htm

[dungeon]

أنصحك تركب نظام راديتر .. (التبريد بالماء)

[Snoopy]

DEF_CODE_VOL
اشكرك على المساعده الطيبه وجزاك الله خير

أنصحك تركب نظام راديتر .. (التبريد بالماء)

اول مره اسمع عنها... ولكن هل هي فعلا متوفره في الاسواق المحليه؟ وكم سعرها بالدولار

[BeaUnkill]

أنصحك تركب نظام راديتر .. (التبريد بالماء)

حرام عليك هذا اقل شي قيمته 1000 ريال !! (( شفت واحد ازرق قسم بالله كنه برج المملكة من كبره !! .. بس الموضوع ما يستاهل )) ..

------------------------------

حبيبي Snoopy : باختصار وما راح اقول لك كلام كثير ومفردات عجيبة .. ما دام انك بتشتري قطع جديدة وتستاهل عنايتك واهتمامك انصحك نصيحة صغيرة : اشتري لك صندوق (( Case )) جديد يكون فيه اكثر من ثلاث مراوح مركبه وجاهزه .. ويفضل يكون فيه فتحات زيادة عشان تركب مراوح ثانية لاضافات مستقبلية يعني ..

-------------------------------

غير كذا تقدر تشتري لك PowerSupply الي هو " مزود الطاقة " من عند محلات جمال الجاسم للالكترونيات , عندهم باور سبلاي جيد وفيه مروحتين وحدة تحت تسحب الهوا الحار من الصندوق ومروحة في الخلف تطلعه لبرى .. ويجي منه قوتين 350 ويكون لونه اسود والمراوح شفافه والشبك حقها ذهبي .. والثاني بقوة 450 واط لونه كحلي والشبك ذهبي والمراوح شفافه (( مثل الي عندي , واللي نصحني فيه JoOoKeR الله يذكره بالخير .. ونعم النصيحة )) .. وعلى فكرة .. قيمته تقريباً 170 ريال وما اتوقع يزيد وبصراحة لك وللزمن ..

--------------------------------

وبعد ما تجمع جهازك بالسلامة .. اشتغل عليه .. ولو ما عجبك برضو وضع الحرارة (( مع اني ما اظن انه راح ترتفع كثير .. )) تقدر تعمل بنصايح اخواننا بهالموضوع وتروح تركب مروحة خاصة بالمعالج ( الي تركب فوق المعالج على طول زي ما علمك DEF_CODE_VOL ) وان شاء الله كل مشاكلك تبي تنحل (( اذا صارت اصلاً ))

-------------------------------------------

تحياتي لك وسامحني على الاطالة .. " قال ايش قال ما باطول عليك في الكلام , خخخخخخخخ امحق من اختصار "

[Snoopy]

اشكرك وناسه على الاهتمام وجزاك الله خير .. والحقيقه مو عارف كيف اشكرك

[BeaUnkill]

اشكرك وناسه على الاهتمام وجزاك الله خير .. والحقيقه مو عارف كيف اشكرك

افا عليك بس .. حاضرين للطيبين ولوووووووو

حياك الله بأي وقت واسال عن الي تبي وان قدرنا نفيدك بنفيدك باذن الله

تحياتي لك واتمنى انك طلعت بفايدة من ورى هالموضوع ..