شريت بتل فيلد 2 اصلية من النت و بعدين *__*

[GaMe ExPeRt]

يا جماعة عندي مشكلة بسيطة ياليت تشوفون لي حل معاها .......

كنت ناوي اشتري ماوس g5 و ماوس باد من الأنترنت و جاء على بالي اشتري لعبة بتلفيلد 2 و سبيشل فورسس معاها .

الحمد الله وصلتني الأغراض عن طريق ارامكس بعد كم يوم ............

دخلت الأغراض غرفتي ...............

شغلت الماوس و برمجته و كل شي كان تمام الحمد الله

جيت بافتح لعبة بتل فيلد 2 و بعد معاناة و صراع في محاولة التخلص من الغلاف البلاستيكي للعبة تمكنت بفضل الله من تحرير اللعبة و هزيمة الغلاف

فتحت علبة اللعبة و شفت ثلاث سيديات .........
واحد مكتوب عليه cd number 2 , واحد ثاني مكتوب عليه cd number 3 , و الثالث مكتوب عليه cd number 3 ايضا

يا جماعة انغشيت مافي سيدي رقم واحد شاسوي الحين في هذي المشكلة ؟؟؟؟؟؟!!!!!!؟؟؟؟!

فكرو معاي شوفولي حل الله يرضى عليكم و مشكورين .

[صلاح9]

عندك حل انك ترجع اللعبه وتاخذ وحده ثانيه من نفس الموقع

او انك تشتري سيديات كوبي من السوق وتستخدم نفس السيدي كي حقك الاصلي (لكن تأكد ان السيديات سليمه)

[MaGn.ae]

انا اللي اعرفه انه BF2 تـأتي بنسخــة Dvd ويكون عبارة عن شريط واحد !!

وبعدين Bf2 تتطلب انك تركب السيدي اثناء اللعب ,,

طيب كيف الحال مع الثلاث سيديات

[عـPS2ـاشق]

مــاعليك خووف أهم شئ زي مـــاقالك أخوي دكتور ..

CD Key هل هو موجود بالكتولج إلى داخل العلبة أم لا ..


إذا صــار كذا نزل النسخة DVD من أي موقع طبعاً راح تكون كوبي

بعدهــا لمــا تركبهـا يطلبك CD key حط حقك إلى جــاء مع السي دي وبكذا راح تكون أصلية ..

وبالتوفيق

تحياتي

[nonosocr1986]

اي اخوي ما في خوف روح حمل اللعبة نسخة dvd من الedonkey او التورنت وحط السيدي كي الي مع اللعبة وهتشتغل وكأنها اصلية انشاء الله

[GaMe ExPeRt]

اللعبة تجي بنسخة dvd و نسخة سيدي عادي , للأسف نسخة الديفيدي كانت مخلصة و شريت النسخة العادية .

بالنسبة لأرجاع اللعبة السالفة صعبة و معقدة و راح تاخذ وقت على الفاضي .

الظاهر احسن حل نفس ما اقترحتوا علي اني اشتري لعبة كوبي و احط السيريال نمبر الأصلي اللي موجود مع اللعبة .

اشكر كل من ساهم في مساعدتي شكراُ جزيلاً لكم .

بالمناسبة في احد يعرف وين اقدر اشتري اللعبة كوبي من قطر .

[BeaUnkill]

مبروك عليك اللعبة ، بس ما قلت لنا وش الباد الي شريتها ؟

[GaMe ExPeRt]

s&s steel mouse pad

ياجماعة الخير عندي استفسار واحد بس اذا شغلت اللعبة كوبي و بالسيريال الأصلي حقي هل راح استطيع لعب اللعبة اونلاين و تحميل الباتشات عادي و لا لازم انزل كراك حق الباتش >> صاروا استفسارين ؟؟

[BeaUnkill]

اللعبة المنسوخة ملفاتها نفس ملفات اللعبة الاصلية ، وعادة ً تكون صورة للنسخة الاصلية ، لكن الفرق يكمن في الملف التشغيلي exe. والي نقوم بتركيب الكراك زي ما نسميه بدلا ً عنه ، ليصبح بامكاننا اللعب بسيريال غير اصلي * في الواقع مستخدم عدة مرات ، ولا هو اصلي *.

لذا ، لو ركبت السيريال الاصلي على نسخة من اللعبة ما راح تواجه مشاكل ان شاء الله ، طالما ما قمت بتركيب الكراك .
والباتشات عادي تركبها وبدون مشاكل ان شاء الله ..

والله ُ اعلم

[GaMe ExPeRt]

لذا ، لو ركبت السيريال الاصلي على نسخة من اللعبة ما راح تواجه مشاكل ان شاء الله ، طالما ما قمت بتركيب الكراك .
والباتشات عادي تركبها وبدون مشاكل ان شاء الله ..

والله ُ اعلم

بس المشكلة في بعض الألعاب حتى لو استخدمت السيريال الأصلية ما تشتغل اللعبة من غير كراك لها( نفس لعبة بفمي 2 ) المهم انا بجرب و اقول لكم .