أبحث عن محل متخصص في الشبكات في الرياض

[amajed]

السلام عليكم

ممكن احد يدلني على أفضل محل لأدوات الشبكات في الرياض
يعني الاقي عنده افضل أنواع السوتشات وايضا كابلات ممتازه واشياء مثل كذا

ياليت الي يعرف محل مايبخل علينا

وبالاخص انا ابحث عن سوتشات Cisco الي تكون سرعتها 10/100/1000 وتكون 8 منافذ
طبعا مو شرط CISCO المهم محل متخصص وبس

[تـ2@@2ـوتـا]

اخوي اطلع على عمارة الصالحية وهناك بتلاقي كل اللي تبغى

ايضا هناك في محل في الداخل متخصص شبكات وادواتها

[BeaUnkill]

هلا انس

انا سألت قبل كم يوم في محلات بابراج الدوسري بالخبر عن سوتش الجيجابت ، وقال لي اقل شي يجي 16 بورت الظاهر بـ 800 ريال .

عاد ما ادري عن الاسعار عندكم ، وانصحك بكيبل CAT6 ويكون من الشي الزين والي عليه القيمة يعني . عشان تستانس بالنتورك صح

بالتوفيق ..

[@Abu3zez@]

يا اخي ابحث الين تقصر

((ارض الله واسعة))

[amajed]

اخوي توتا او تويوتا ^^ عمارة الصالحية مارحت لها لكن الطريق لها يخوف ! قلت اسأل قبل عشان لا اروح واتورط ! وغير اني اصلا مانيب مستعجل .. يعطيك العافيه وان شالله بمر وبشوف

=====================

هلا والله حسام ! والله 16 منفذ كثير ×_× وش بسوي فيها ^^ انا مااحتاج غيير 6 عشان كذا باخذ ابو 8 ! على العموم بشوف في الصالحية وان شالله بحصل
الا صحيح ماعندك نية ترد على موضوع الماوس ^^؟

=====================

هلا اخوي ابو عزيز ^^ شكلك منت من الرياض عشان كذا معذور ^^ لان الي من الرياض بيقصر من يوم يخش طريق الملك فهد الله يعيننا بس .

[@Abu3zez@]

- هــــــــذا المستخدم يمون بزيادة على الشباب .. -

تم اتخاذ الاجراء اللازم ( راحت عليه )

[BeaUnkill]

الى الأخ الزاحف @Abu3zez@ المحترم - من مبدأ حسن النية -

اتمنى منك انك ترتقي باسلوبك في الكلام مع اخوانك ، فان كان لديك امرا ً طيبا ً تذكره ، او التزم القراءة صامتاً بدون تجريح او اقلال من احترام باقي الاعضاء.

ارجو ان تكون الرسالة قد وصلت.

موفق..

[عـPS2ـاشق]

أخوي أمجد دق عليه وأنــا راح أدلك على مهندس من نفس الشركة

بحكم التعامل معــاه ومعرفة شخصية

وممكن أدلك على أكثر من موزع بالرياض واي خدمة ثانية تحت أمرك

إذا نسيت رقمي خذه من أنس

تقبل خالص تحياتي

[amajed]

ياخي الناس بتضيع من كثر الي اسمهم أنس خخخخخخخ بس ماعليك فاهم قصدك ^^
المشكله اسمي انس وفي المنتدى هنا اثنين اسمهم انس
واعرف واحد اسمه انس
وآخر شيئ يسموني امجد ^^ طيب ليش
المهم تكلمنا سوا وعرفت وش السالفه وكل شيئ ويعطيك الف عافيه عبادي ^^ ماقصرت والله

================

ايوه يا حسام بيه وش عندك على الرجال ^^؟
ياخي محترق اعرف وش كتب

المهم يعطيك العافيه على شغلك << قوكورو ساماديس << بالياباني

[BeaUnkill]

خش المسنجر واعلمك ، صدقني حماس مرة xD<

<< نصاب مرة