استفسار بسعر هذه المواصفات و استشار ..

[THE_MATRIX]

السلام عليكم ورحمة الله وبركاتة


شحالكم شباب ان شاء الله بخير ..
شباب انا عندي مواصفات جهاز وابي رايكم فيها وياليت لو تقولون لي كم تكلف ..
لأن ناوي اخذ لي كمبيوتر ثاني بحدود 2000 درهم طبعاً فقط CPU

مع العلم استخداماتي للكمبيوتر هي :-

- تصفح الأنترنت
- مشاهدة الأفلام
- برنامج الفوتوشوب

-----------------------------------

المواصفات إلي اريد كم سعرها و اريد استشيركم بها هي كالتالي : -

الماذربورد : MSI K9N
المعالج : AMD Athlon 64 X2 3800
كرت الجرافيكس : GeForce 7300 GS
الرام : 2x512 MB DDR2
الهارد ديسك : SATA2 80GB
الديفي دي رايتر : SAMSUNG او اي شركة ممتازة

الرام عادي ممكن اقللة إلى 512

علماً بأن ميزانيتي هي : 2300 درهم فقط

ننتظركم و شكراً جزيلاً لكم

[RICH BOY]

الشراء من الانترنت ؟؟

[THE_MATRIX]

على اخوي من المحلات ..
في الإمارات لكن اعتقد الأستعار متقاربة في الخليج

[alawadhi3000]

اللي اخترته حلو حق ميزانيتك , بس نصيحة لا تقلل الرام الى 512 , وبالنسببة للمعالج فهو يوجد 3 انواع

1- Brisbane , اللي هو بتقنية 65nm اذا حصلته خذه
2- Windstor 65w التقنية 90nm لكن المعالج يصرف أقل , اذا ماحصلت Brisbane خذ هذا المعالج
3- Windstor العادي

[THE_MATRIX]

اوكي اخوي المواصفات بكم بتطلع سعرها تقريباً ..
الرام انا رح اخلية 2 جيجا في المستقبل القريب

بس حابب بكم بيكلف الجهاز لو بهذي المواصفات ؟

[alawadhi3000]

في النت الاسعار
المعالج: 500
المذربورد(عادية): 280
الجرافكس: 220
الرامات: 400
الهاردسك: 150
الديفيدي رايتر: 150

المجموع 1700 درهم , يعني اتوقع تحصلهم في السوق المحلي بحدود ميزانيتك

بخصوص الرامات, خذ لك قطعة وحدة 1 جيجا , لان الAMD مايحب اكثر من قطعتين رام , فخذ لك قطعة الان و قطعة ثانية نفسها متى ماتقدر

[الخيال المتلاعب]

ويقعد كل هالفترة بدون Dual channel إلى أن تجي القطعة الثانية ........
ما هقوتي أنها فكره حلوه .......

وأقترح أنك تشتري C2D .....
حتى لو E6300 ......
وإذا حصلت E6400 بسعر حلو فهو الأفضل مقابل السعر .......
ما أتوقع بتزيد كثير عشان تاخذ 6300 ......

ونصيحتي إذا تبي ألعاب على فيزتا لاازم 2 جيجا .....
1 جيجا في فيزتا ما يصلح إلا للتصفح والأفلام والأعمال المكتبية ......

تحيااااتي ..... سلااااام ......

[GoldenLion]

السلام عليكم ورحمة الله وبركاتة

الماذربورد : MSI K9N
المعالج : AMD Athlon 64 X2 3800
كرت الجرافيكس : GeForce 7300 GS
الرام : 2x512 MB DDR2
الهارد ديسك : SATA2 80GB
الديفي دي رايتر : SAMSUNG او اي شركة ممتازة

وعليكم السلام ورحمة الله وبركاته

ما شاء الله تبارك الله

مواصفات حلوة وممتازة ومجربه

نصيحتي إذا مالك في الألعاب إلغي كرت الشاشة ووفر تكلفته
أترك الذاكرة 1 جيجا أو ارفعها 2 جيجا شريحتين حسب ميزانيتك
وخذ اللوحة الأم MSI K9NGM بها كرت شاشة nVIDIA Geforce 6100
ممتاز لتشغيل الفيديو والتصميم والإنترنت ...

موفق إن شاء الله

[SHeeDeED]

-

تصفح الأنترنت
-مشاهدة الأفلام
-برنامج الفوتوشوب

حرام كرت الشاشه في الاستخدامات

وحتى المعالج حرام

وبعدين 2200 ريال سعودي مافي امل يجيب نفس المواصفات الي كاتبها بتكلفك المواصفات الي كاتبها3200 ريال سعودي تقريبا

انا معالجي بنتيوم 4 وسرعته 2800
ومذربورد حق ابو 250ريال msi
والرام 512ddr
وكرت الشاشه 5200 MSI 128 mb


وماشي معاي زي الفل وومع اني العب جنرال( زيرو اور)على الرسوم هاي ومايعلق

اما المواصفات الي كاتبها انت حق جهاز قووي نوعا ما

[severMJ]

اتفق مع الخيال المتلاعب ابعد عن amd x2 3800 وخد intel E6300 !

بالنسبة لكرت الشاشة ممكن تستنى شهرين تلاتة وتجيب كرت 8300 GS وهيكون حدود 79 $ وأحسن بكتييير

[WE Vll]

ذا تبيه للفيستا وخصوصا الAero لازم الرام فوق 512

واذا تبي الفيستا يشغل بأداء فائق لازم كرت الشاشة يكون 512 والرام فوق 1 جيجا

نصيحة خذ لك قطعة واحد واحد جيجا ثم اشتر ثانيه اذا تيسرت معك

وحاليا انصحك بالانتل E6300 مثل الاخوان

[THE_MATRIX]

شباب الجهاز اليوم بجيبة و غيرت في الماذر بورد و المعالج ..
بقولكم اليوم كل شي عنه بأذن الله ..