ابي اشتري لاب توب هديه لزوجي

[أمواج الشاطئ]

السلام عليكم ورحمة الله وبركاته
ابي منكم مساعده في شراء لاب توب لزوجي ابي اعرف شنو المواصفات المفروض توفرها وماركة الجهاز و وين افضل مكان اقدر احصل عليه_
زوجي راح يستخدم فيه برنامج الورد بشكل ما يتصدق ويحفظها على شكل ملفات ومجلدات ويتعدى عدادها المئات
لانه معلم ويحفط عليه الاسئلة الاختبارات وملخص الدروس للمواد ونشرات وكل شي يخص المدرسه
يعني يبيله ذاكره كبيره
ولاننسى وقت التسليه
يستخدمه لنت في المنتديات ومشاهدة الافلام والألعاب وابيه خفيف الوزن وصغير الحجم والسعر يكون بحدود 3000 ريال
على فكره انا من السعوديه في الشرقيه

[عـازف الكيبورد]

شوفي محلات جرير عندهم اجهزة كثيرة يمكن تلقين الجهاز الي تبينة بهذه المواصفات

[أمواج الشاطئ]

مشكور اخوي عازف الكيبورد
بس ماقلت لي شنو المواصفات اللي مفروض توفرها فيه مثلا سرعته و سعة ذاكرته ____الخ

[Gentleman]

وعليكم السلام ورحمة الله وبركاته ..

أهم ما يتم ملاحظته على اللابتوب هو المعالج .. لأنه العقل المفكر لدى الجهاز .. حاولي أخذ معالج من نوع core 2 duo وبسرعات يفضل لا تقل عن 1.8GHz .. أما عن الرام فأغلب الأجهزة الحالية تستخدم رام من نوع DDR2 ويفضل ألا يقل حجمها عن 1GB .. طبعاً الهاردسك يعتمد على إختيار المشتري ويفضل ألا يقل عن 80GB أو 120GB .. أما عن الجانب الترفيهي من ألعاب وغيرها فصعب جداً إيجاد جهاز محمول يكون مرضي بمواصفاته من ناحية الألعاب بهذه الميزانية .. عموماً أغلب الأجهزة بها كرت شاشة قادر على تشغيل الألعاب التي لا تحتاج مجهود كبير من الكرت من رسوم ثلاثية الأبعاد وغيرها ..

هذه أهم المواصفات التي يجب مراعاتها عند أخذ جهاز محمول بسعر 3000 ريال ..

وشكرا ..

[egy_stars]

ب 3000 ريال ممكن تشترى جهاز DELL 1525 دا رقم الموديل ودا باكثر من لون ومواصفاتة معقولة جدااا انصحك بشدة لية

[أمواج الشاطئ]

مشكورين اخواني على تفاعلكم
واتمنى المزيد من المعلومات


ودمتم سالمين

[IMPACT]

http://www.jarirbookstore.com/html/j...it-catalog.asp
اختاري اللي يعجبكي

[أمواج الشاطئ]

مشكور اخوي والله يعطيك العافيه
بس ماقلت لي عن رايك في المواصفات اللي اختارها
ولك جزيل الشكر