يا جماعة شنو ألعاب dvd الي مو موجودة كوبي؟؟؟؟ و......

[abd700]

بسم الله الرحمن الرحيم اما بعد

شنو العاب الديفيدي الموجودة على ps2 ومو موجودة كوبي؟؟؟ هل هم وايد؟؟؟

السؤال الثاني:
انا خايف ومحتار ماادري شنو اشتري الدايركت والى الجيم شارك؟؟؟
انا اخاف انه يمكن ينزلون ألعاب في المستقبل على ps2 ماتكون موجودة الا على dvd وماتكون موجودة على الكوبي... هل تتوقعون هذا؟؟؟ وكيف اعرف انه هذي اللعبة يصير ويقدرون يعملون عليها كوبي وله لا؟؟؟ قبل لاتنزل؟؟؟

وكم سعر الدايركت؟؟؟؟بالكويت.... وشنو يأتي معاه؟؟



وشكرا

[NAKMURA الكويتي]

هلا اخوي
انصحك بالديركت....( ليش)
يشغل كل شي <كوبي عادي و كوبي dvd>و دسكات ps1


.................................................................................
هناك العاب كثيره مثل metal gear و fianl fantasy
والكثير

...................................................................................


انا ركبته من جيم سنتر الي بالرحاب ب 45 دينار
(القطعه طبعا الميشيا )

[cool_man]

شوف اي واحد يشتري السوني لازم يشتري لعبتين اصليتين اهمة ميتل جير وفاينل فانتسي10 وانت طبعا تدري انة سعر الشريط الاصلي 20 عيل راح يكون المجموع 40 يعني اقولك اشتر الميشيا احسن لك لانة سعرها الحين 40

[abd700]

مشكورين

تصدق عاد انا مااحب لا ميتل غير ولا فاينل فانتسي....

اذا كان بس هذول تقريبا احسن الألعاب فقولي علشان اشتري الجيم شارك احسن... لأني انا رأيت انه جميع الألعاب لها كوبي ماعدا هذول السابقتين صح... والباقي حتى ولو فيه راح يكونون مليقين (يعني الزبدة الأغلبية كوبي صح؟؟؟وقليل الي يوجد على dvd ولا يوجد على الكوبي..)


ومشكور

[cool_man]

شوف 99% من العاب الكوبي ناقصة مثل سبايدر مان وتكن4ووووالخ

يعني ما راح تستفيد من الكوبي فانا اقولك اذا انت راح تشتري كوبي راح تتضايق حيل لان اللعبة ناقصة

[abd700]

ايه ميخالف شنو الي ناقص مقاطع فلم !!!!عادي...

و99% مثل ماقتلك الي موجودين على dvd موجودين على الكوبي...
صح؟؟؟؟

[فهد الشريف]

شوف اذا انت مو مركب القطعة اشتري اي CD كوبي لانه مو مقطوع منه شي اما اذا dvd لاتشتري كوبي لانه مقطع واذا تبغي تعرف اللعبة هذه dvd او لا روح موقع محلات النسر تلقي اغلفة الالعاب كلها وتعرف من الصورة الخلفية للغلاف اذا هي dvd او لا
http://www.neser.com/home/Department.asp?DI=15&PI=1

[جيم سنتر]

لاحظ يا abd700 ان مو بس ميتل جير وفاينل الغير موجوده .. في العاب كثيره مو موجوده ..

عندك اونيموشا2 .... ولو نزلت اكيد لازم العيوب فيها واصله لراسك غير التعليق .. والزحمه .. افضل استثمار انك تشتري قطعه الدايركت ... اريح واوفر ..

[العراقي17]

abd700


شوف افضل حل لك(وهذا رأيي)

انك تاخذ الجهاز مع الجيم شارك والاس بوكس عادي لانه:

1- ارخص

2- 99.9% من الالعاب متوافرة سيدي عادي.

3- العاب الديفيدي غالية قليلا

4- قطعة الديفيدي ممكن تسويلك مشاكل وتتعارض مع بعض الالعاب

5- ما تقدر تشيلها اذا ركبتها!

6- بعض الناس لاحظوا بطئ في التحميل بعد ما ركبوها.

7- تلغي كفالة الجهاز.

8-راح تنزل بالمستقبل قطع افضل.

9- تقدر تشغل الالعاب بدون القطعة اذا قريت الطريقة الي بتوقيعي.

[abd700]

؟؟؟؟؟؟؟