بعتزم أحد الشباب تنظيم بطولة لتكن 4 في مدينة الرياض و قد تكون هذي هي المره الأولى لتنظيم بطوله لتكن 4 في الرياض
هذي فرصتك لتثبت أنك الأقوى و أنا ما فيه أحد مثلك
الرسالة الأصلية كتبت بواسطة arucard
من الأسم لازم تفهمونها
انا من مدمني تكن
وعشان كذا مدام في ناس كثر وخصوصاً بهذا المنتدى الرائع يحبون تكن انا رح انضم بطولة لتكن ان شاء الله تعالى لكن مارح تكون عن وقت قريب لأن الامتحانات على الأبواب وخصوصاً حنا ياحقين الجامعات ما تحلى البحوث للدكاتره الأ لاقرب السمستر بالأنتهاء
خلونا نخش بالجد الآن:
1- رح تكون جائزة مالية للفايز بالمركز الأول فقطوانا اقدمها
2- يجوز لك تختار اي شخصية تبي وحتى لو خصمك اختارها لأنه يمكن انك ماتعرف بغيرها او انك تفضلها عن غيرها < واكيد كلكم رح تاخذون جن>
3-مسموح لك ضرب الخصم حتى اذا سقط على الأرض
4-تقدر تغير الشخصية بكل المباريات وعلى حسب عدوك
5- رح تكون من 5 جولات وبدون وقت عد يعني مالانهاية عشان نعطي الجميع فرص كافية يؤدون الي عندهم ومانضلمهم
6- اللعبة تكون ان شاء الله عن طريق خروج الغلوب ورح يقسمون الاعبين على حسب عددهم والبطولة تستمر الى ان تنتهي بغض النظر عن الأيام
7- رح يكون هناك مجموعة تلفازات واجهزة كمبيوتر من اجل الأنتهاء بسرعة وجميع الشخصيات طالعه عن طريق الموريكارد
8- ما راح يتبع الأسلوب الربوي وهو ان يدف المشاركين بمبلغ معين والفائز ياخذه ...لا والف لا
9- يمنع مناً باتاً ان احد يضغط start او يوقف اللقطة اثاء العب والي يفعل هذا يعتبر مهزوم وهذا لارجعت فيه
10 يد التحكم رح تكون مجهزة بشكل يتناسب مع الجميع وهذا ثابت حرصاً على الوقت
11- المشاركة تكون من 15 سنة ومافوق بعد عن المشاكل والأزعاجات
هنا ابي اقتراحاتكم بالتالي:
1- البطولة تبي تكرر بوقت معين انتم تحديدونه شهرياً او كل مدة من الأسابيع او كل شهرين وهنا يجي دوركم بالردود عن هذا
2-وكذالك ابيكم تحديدون المكان اما اذا ماكان احد يقدر يتكفل بالمكان الله يعيني خلوه علي وشرط المكان انه يكون بمكان عام مثل محل العاب كمبيوتر مثلا وانا رح اقوم ببحث المكان واتوقع اني القاه ان شاء الله عشان ما ياخذ المحل منا صلاحيات البطولة ويسويها لحاله
3-وبالنهاية اخواني ابيكم تصوتون والي يبي يشارك يسجل اسمه ويقول رايه او اقتراحه ان كان له اقتراح ورح اسجل جميع الأسماء وقبل وقت البطولة باسبوع يوقف التسجيل وانزل الجدول وكل واحد مع من خصمة ومجموعته
4- تبونا نحط اعلان بالجريدة ولا لا
5- انا المنضم لهذه البطوله وارشح الأسماء التالية بمساعدتي بالتنضيم والعلاقات العامةوهم:احمر الوجه لأنه بالرياض, هيهاتشي ميشيما, دارك انجل , المجهول لكن اضن انه بجدة اذا رفض او اعتذر احدهم نكتفي بالباقين دون اضافة احد بدل منهم
6- هل تنصحون بوضع كاس او جائزة معينه الي يفوز يستلمها
شي اخير سبق ونضمت بطولات لتكن لكن للأسف انا ماشاركت لضروف
بس رجاءً يا اخوان انا ابي ارجال ارجال قد كلمتهم لا قالوا افعلوا
ارجال قول وفعل
ارجال قد كلامهم وعند كلمتهم
ابي ردود تفتح النفس
ماتدرون يمكن انكون اول واحسن منتدى ينضم البطولة وتوسع البطولة ويصير لها سمعتها وانا جاهز معي حوالي 15 من اهل الصملة وحنا دايم انتبارى بتكن وكلهم مستواهم من اروع مايكون مهو من الي يعلقون على حركة وحدة
وبالذات المراقبين مثل احمر الوجه وانا اتوسم فيه الخير ويمكن يساعدونا كل المراقبين بالشي هذا
اخوك
) فانا اقترح واكرر اقترح فقط عشان اخواتنا المشرفين لا يزعلون 
