حمل لعبة Kingdom Hearts Chain of Memories !!

[Flanteus]

السلام عليكم ..

يقول المثل كل تصبيرة فيها خيرة ..

لعشاق كينجدوم واللي ما جربوا النسخة اللي على الجيم بوي .. بامكانكم تحميل اللعبة الآن ..
من هنا .. الحجم 16 ميجا فقط ...

الصراحة لا بأس بها حلوة ومسلية .. وأهم شيء انها حافظت على اسلوبها في القتال ولكن بطريقة جديدة ومبتكرة ^^

( القصة تقريبا نفسها وتحسها مكررة ) ..

تقرير بسيط عن اللعبة :

يمكن أكثر شيء حمسني ان اللعبة من اولها لآخرها بالبطاقات .. ( تذكرني بـ فف8 ) ولكل بطاقة قوة من 0 الى 9 وأي ضربة تسويها لازم تكون بالبطاقة وعلى حسب قوة البطاقة ..
فمثلا اذا كنت بتسوي حركة علاج Cure لكن قوتها 3 .. وفي نفس الوقت الوحش يريد تنفيذ هجمة بقوة 4 .. وقتها راح تتكنسل حركتك وينفذ حركته او هجمته ..

لذلك هناك عدة بطاقات من حركة كيور ( والأسحار الخرى والأسلحة وعلى عدة مستويات ) .. وكل ما كانت اقوى كل ما صارت حركاتك وضرباتك تمشي على الجميع .. فتقدر مثلا تستخدم بطاقة كيور 7 فيصير أي هجمة من الأعداء أقل من 7 حركتك تمشي عليهم وكلهم يتوقفون عن اكمال هجماتهم

وتقدر تدمج ثلاث بطاقات ( وتتضاعف قوتها مثلا ..7 + 5 + 9 = 21 .. تصير قوة هجمتك 21 ) وتظهر لك حركات وكومبوهات أو انك تدمج مثلا بطاقة سمبا + بطاقة علاء الدين + بطاقة Cure ... اذا نفذت العملية.. الحركات هذي تصير كلها ورا بعض مثل الكومبو


جوفي ودونالد ما تقدر تستخدمهم الا بالبطاقة والأسحار أيضا بالبطاقة .. بل حتى الغرف والأماكن والعوالم بالبطاقات ..
لكن ايش اللي يميز العوالم مثلا .. ما تقدر تروح الغرفة التالية الا باستخدام بطاقة .. واحيانا تقدر تختار انواع كثيرة من البطائق حسب نوعها وقوتها ..

مثلا رحت عند باب مكتوب 5 يعني تحتاج بطاقة قوتها خمسة .. هنا بامكانك تختار اي بطاقة قوتها خمسة وتستخدمها ( البطاقات عليها أحرف... فأحيانا يحدد لك نوع واحد من البطاقات ) ..

اما النوع فتقدر تختار أي نوع من البطاقات .. مثلا بطاقة تجعل الوحوش في المنطقة التالية متحجرين !!أو بطاقة تجعل الوحوش في المنطقة التالية كثيرين !!.. يعني بالعربي .. انت تقدر تحدد نوع الوحوش وأشكالهم وحالاتهم ووو الخ .. في المنطقة اللي انت بصدد الذهاب اليها .. ..

وترا مو بس الوحوش هناك أشياء كثيرة جدا .. تقدر انت تتلاعب في الغرفة اللي بتروح لها .. تقدر مثلا تخليها غرفة صندوق فاذا دخلت ما تلاقي احد بس صندوق .. او تقدر تخلي الغرفة سحرية .. بحيث لو دخلت أي قتال في الغرفة أسحارك تصير قوية جدا !!

وتقدر مثلا اذا هزمت رئيس تستخدمه كبطاقة وتحطه في جيبك
ويعطيك خصائص طبعا .. مثل الرئيس الاول اللي يعطيك خاصية زيادة في مدى البطاقات الهجومية وهي باسيف .. يعني حطها وهي تشتغل من حالها

او بطاقة وحوش النار مثلا .. اللي اذا حطيتها في جيبك تزيد من قوة هجمات النار في جميع المعارك باسيف أيضا .. وهكزا :icon6:

وأخيرا البطاقات لها وزن فما تقدر تشيل جميع البطاقات في وقت واحد ... وتقدر تزيد قدرة التحمل بعد كل ليفل .. ( يخيرونك اذا كنت تبي تزيد الـ HP أو تزيد قدرة حمل البطاقات او تتعلم حركة جديدة .. ) ..


.. ترا الطريقة جدا مبتكرة وحلوة أنصحكم تجربونها

وأي سؤال في اللعبة أنا حاضر


لتحميل المحاكي من هنا ..



يتبع ..

[Flanteus]

اليكم بعض الصور من لعبي ..




من فم الغبي تطلع الحكم !!


انا ما حطيت صورة كلاود بالقصد عشان تتحمسون !!


ارجو ان تنال على اعجابكم وتسحقه سحقا !!

واعتذر ان كان هناك موضوع للعبة في منتدى آخر ... لأني اساسا ما كنت بكتب تقرير بس أهو حصل

سلام ..

[Mr. Black Man]

الصور رائعة
و شكراً على اللعبة
جاري التحميل :icon6:

[Flanteus]

الصور رائعة
و شكراً على اللعبة
جاري التحميل :icon6:

العفو ..
حطيت اضافة بسيطة على الموضوع ..



ولا تبخلوا علينا بالترشيح شباب وشابات

سلام

[Kingdom Fantasy]

أنا حملت اللعبة من زمان..
وختمتها!!
ولعبة رائعة حقاً..وخاصة عرض البداية..O.o
معقولة هذا جيم بوي ادفانس
مشكور..^^
ورشحناك..^^

[Flanteus]

أنا حملت اللعبة من زمان..
وختمتها!!
ولعبة رائعة حقاً..وخاصة عرض البداية..O.o
معقولة هذا جيم بوي ادفانس
مشكور..^^
ورشحناك..^^

هع .. انا ما افتكرتها الا لمن شفت موضوع لأحد الاخوة عن رزيدنت ايفل حملتها أيضا

وكنت أدور على كينجدوم من زمان ..


بس جات في وقتها

فعلا عرض البداية قوي نفس العرض النهائي في كينجدوم .. واضافو عليه مقطع لفتاة ترسم قلعة
اعتقد .. توني في البداية ..
..

اول رئيس هزمني هو كلاود



ومشكور على مرورك .. تسلم اخوي


سلام

[Golden_Sun]

عشاق KH لازم يشترونها عالـGBA مو ينزلونها rom -________- .. عيب عليكم ..

اللعبة روعه ومبيعاتها كانت قوية جداً نسيت كم باعت .. لكن فوق المتوقع خصوصاً في امريكا ..

[Flanteus]

عشاق KH لازم يشترونها عالـGBA مو ينزلونها rom -________- .. عيب عليكم ..

اللعبة روعه ومبيعاتها كانت قوية جداً نسيت كم باعت .. لكن فوق المتوقع خصوصاً في امريكا ..

احمد ربي اني لقيتها بس

والجيم بوي للأطفال !!


خخخخخخخ


أنهيت فف5 روم على الجهاز كذلك 3 مدري ستة لعبته روم برضو ... واغلب الألعاب على الاجهزة الصغيرة العبها على الكبيرة ( الـ PC يعني ) ..

على العموم .. حبيت بس اننا نتصبر عليها قبل ما تنزل التحفة الأصلية

شكرا لك جولدنايزر

سلام

[hussien-11]

مشكور أخوي ، اللعبة رهيبة و أحلى مما توقعت !

كنت ناوي أشتريها ، طفشت و أنا أدور عليها ، بس كيف تذكرك ب فف8

قبل يومين كنت مشغل موسيقى فف8 عندي على الكمبيوتر ، صراحة حسيت حالي بدي

ذكريات

اسف للخروج عن الموضوع و مشكور مرة ثانية أخوي

[Flanteus]

مشكور أخوي ، اللعبة رهيبة و أحلى مما توقعت !

كنت ناوي أشتريها ، طفشت و أنا أدور عليها

مي تو ..

بس كيف تذكرك ب فف8

قبل يومين كنت مشغل موسيقى فف8 عندي على الكمبيوتر ، صراحة حسيت حالي بدي

ذكريات

تذكرني بلعبة البطاقات الموجودة في فف8 !!

كانت خيالية .. لدرجة اني خصصت تختيمة كاملة بس عشان البطاقات

وفي كينجدوم تقدر تشتري أو تحصل على بطاقات قوية كلها 9 مثلا فتصير المعركة في صالحك مئة بالمئة .. غير كذا اذا حصلت على بطاقات قوية مثلا قوتها 9 .. ممكن تكون لشيء قديم يعني السيف الأول ..

لهذا راح تتحمس اكثر اذا لقيت سيوف قوية وفي نفس الوقت بطاقاتها قوية .. كل شيء قوي في قوي :icon6:

مما يفتح المجال للبطاقات الخارقة والنادرة جدا جدا ... وعلى اللاعب تجميع أقوى البطاقات


ولا ايش رايكم شباب نسوي تحدي كل واحد يلعب اللعبة يجمع أقوى وافضل واندر البطاقات في اللعبة ويحط التخزين ماله ..

يصير نحدد من الأفضل بيننا في انهاء اللعبة ومسترتها

اسف للخروج عن الموضوع و مشكور مرة ثانية أخوي

العفو ..
وشكرا لكل من رشح
سلام

[Kingdom Fantasy]

القصة تقريبا نفسها وتحسها مكررة ) ..

هذا ياذكي لأنك تلعب في ذكريات سورا...!!

خخخخخخهع..^^

[Deadly Spot]

نزلت اللعبه واعجبتني
على الاقل انها تصبرني لحد ماينزل
كينجدوم هارت2

مشكور اخوي

[Flanteus]

هذا ياذكي لأنك تلعب في ذكريات سورا...!!

خخخخخخهع..^^

تصدق توي ادري !!


هع ...

نزلت اللعبه واعجبتني
على الاقل انها تصبرني لحد ماينزل
كينجدوم هارت2

مشكور اخوي

العفو ..

انا الحين عالق عند الـ وتش بنت الإيه .. اللي تتحول تنين صعبة

نشوفكم على خير


سلام

[darkness power]

تسلملي على العبة الممتازة
ويليت تزيدنا من هل الالعاب ونكون لك شاكرين

[Flanteus]

تسلملي على العبة الممتازة
ويليت تزيدنا من هل الالعاب ونكون لك شاكرين

الله يعافيك ..

العفو


سلام