وش رايكم نغير اسم البلايستيشن ؟؟

[السراب الملتهب]

السلام عليكم

قبل شوي كنت أقرأ موضوع مكتوب فيه عن ألعاب من جهاز MCX ومكتوب انه كان يسمى : جهاز صخر

وتذكرت أن النينتيندو كان يسمى : جهاز العائلة

أكيد هذي الأسماء أطلقها المستخدمون العرب


فاقترح عليكم اقتراح حلو وطريف ... وجاد


أننا نعطي البلايستيشن اسم بالعربي ... الشبح ، السحابة ، ... الخ مثل ما نعطي الجوالات أسماء


ونعتمد هذا الاسم في المنتدى وننشره على المستوى العربي <<<<<< مصدق نفسه


وش رايكم بالموضوع

وما هو الاسم الجديد ؟؟

[BOR]

السلام عليكم
أخوي احب اقول شي
الفكرة حلوة بس بعد ايش
الحين ملايين الناس كباروصغار
يعرفونة بلايستيشن باسمه بلايستيشن
لو انك اخترت له اسم من
قبل اول ما نزل عادي
بس الحين خلاص
ومشكور على الموضوع الحلو

[السراب الملتهب]

ما فيه مشكلة



انا اقصد البلايستيشن 3

[RandOm]

الفكرة روعة ولابد منها اصلا
في الحقيقة عندنا في حارتنا يسمون البلاي ستيشن الاول (سوني)
والبلاي ستيشن الثاني (العمارة) <<احلى اسم صح
اما انا اسميه الشبح الاسود ومطلع له شعر بعد
اما البلاي ستيشن الثالث يبي له تفكير شوي
يعني الساحق او الجبار بس هاذا مو اسم حركي
لازم يكون مناسب شكله بعد لانه يشبه الطابعه ها هاه
اما انا احب اطلع لكل جهاز اسم غير اسمه الاصلي مثل الاكس بوكس انا اسميه الصندوق
عشان اضيق اختي لانها شاريته تبا تغاريني بالبلاي ستيشن
وشكرا

[الرجل الاسطورة]

السلام عليكم:

موضوعك حلو بس قصير لاكن ما في مشكلة انا ما أعترض على هده انا رح اطرح بعض الاسماء وانتم تختارو

اسطورة العصر:

سيد الالعاب:

المعجزة:

الشبح:

الاسطورة الحقيقية:

الجهاز الاسطوري:

اكثرية الاسماء تنتمي لاسمي <<<<<الرجل الاسطورة>>>>>

[RandOm]

انا كونت اسم من اساميك يالرجل الاسطورة

الجهاز العصري

ps3

[السراب الملتهب]

لازم الاسم يكون صغير وخفيف

ويكون كلمة وحدة افضل


الشبح حلو

بس ني اراء زيادة


كلمة بلايشتيشن تاخذ طاقة أكبر في الكلام

[Gentleman]

التحفة اللي لسه ما نزلتشي

[Squall 9]

BOR

يا أخ الصوره الشخصية حقك ماخذها مني .. استأذن طيب ..

وانا اقول اسم البلاي ستيشن يفضل ان نسميه كما هو

[barca-ps3]

أنا رافض فكرة تغير الأسم ..

سواء كان على مستوى الأجهزة ( نينتيندو - جهاز العائلة -) .. إلخ

ورافض فكرة تغير اسامي التليفونات ( الباندا - الدمعه - الفيصليه - بشار - الجسمي - الدب - الوحش .. إلخ

لأني اشوف انه تصرف غير حضاري بس اس تو << العماره !!

يعني واسمه بي اس تو أو ثري .. لفظه احلى

هذا رايي وانتم كيفكم

[Lasto]

أحسن أسم يطلق على الPS 3 هو :PLAY STATION 3 و صراحة أنا أعتقد أنه هذا تشويه لسمعة شركة SONY و هذا رأيي بس .

[السراب الملتهب]

اخوي THE LAST SNAKE


عادي .. سمعة نينتيندو ما تشوهت

لكن كل ما نزل جهاز جديد نقول PS1 PS2 PS3 PS4

علشان نميز ...... نقول لعبة ميتل جير الرابع على جهاز الشبح

[RandOm]

(التحفة اللي لسه مانزلتش)

حلوه متتني من الضحك



انا مع الاخ (الدنيا معكوسة) ارفض تغيير اسماء التيليفونات لانها فكرة بايخة وتفشل عند المجتمعات الاخرى

تدرون ان اخواننا المصريين لما جا واحد بيشتري من محل في السعودية جوال لينه حافظ مديله (6100)

قاله راعي المحل : وشو؟ الرهيب؟؟

والله فشله حتى المصري استغرب قال: ايه ده رهيب؟!



لاكن البلاي ستيشن غير يعني حركي يبيله اسم حركي

احنا في حارتنا اللي مهتمين فيه ما يدبرون انجليزي من البزارين والشباب ولاني اول من شراه في الحارة

استغربت لما جوني يسمونه (العمارة) لوضعيته العامودية



امي تسميه (بيشن ) --------->>>اختصار

[T.A.]

السلام عليكم:

موضوعك حلو بس قصير لاكن ما في مشكلة انا ما أعترض على هده انا رح اطرح بعض الاسماء وانتم تختارو

اسطورة العصر:

سيد الالعاب:

المعجزة:

الشبح:

الاسطورة الحقيقية:

الجهاز الاسطوري:

اكثرية الاسماء تنتمي لاسمي <<<<<الرجل الاسطورة>>>>>

اسطوره في اسطوره كل شي اسطوره
وانت اسمك اسطوره
يا ما احلى الاسطوره
ps2اسمه الاسطوره
وps3 الاسطوره الثانيه
انت اسطوره وهو اسطوره








سموه الخبيث الاسود
سلام

[croove]

راح أسميه محطة اللعب 3 >>>>>> واحد يستهبل
أمزح معكم

بس الصراحة أنا مرتاح مع اسمه الأصلي PlayStation