[TGS 06] ست العاب PS3 تعمل بوضوح 1080p حتى الآن !!!!

[Raykonen]

السلام عليكم

اعلن فيل هاريسون بعد مؤتمر سوني في TGS أسماء 6 العاب موجودة حاليا وتعمل بوضوح 1080p , خمسة منها قابلة للعب في TGS :

Lair
Mobile Suit Gundam
Virtua Tennis 3
Gran Turismo HD
Ridge Racer 7
NBA '07

جميع هذه الالعاب الرائعة تدعم رزليوشن 1080p , وجميعها قابلة للعب في TGS عدا اللعبة الأخيرة NBA 07 .

إن هذا الخبر يؤكد اصدار عدة العاب تدعم 1080p هذا العام , نافيا الإشاعة التي قالت اننا لن نرى العاب بوضوح 1080p على PS3 حتى عام 2007 , فكل من :

Lair
Mobile Suit Gundam
Gran Turismo HD
Ridge Racer 7

سوف تكون العاب اصدار على PS3

المصدر : PS3 Land

[Gentleman]

شكرا على الخبر الرائع ..

ولكن المصيبه انه اغلب اللاعبين لا يملكون التلفاز الذي يخولهم باللعب بكامل الجرافكس ..

وشكرا ..

[Zero]

ممتاز ، واتمنى أن أملك HD-TV في أسرع وقت ^_^"
وشكرا ..

[SFS]

ما أظن ان الاعب العربي راح يكون قادر على هذه الخاصية..

[Emirates]

انا عندي برافيا HDMI لين 1080i ما اعتقد بحصل على ال P

لذلك اللي عندي يكفي ويوفي لوووول

وشكرا اخي الكريم

[kingx11]

المصيبه ان هالكلام كله دعايه

مستويات الجرافيك عند الشركات حاليآ ماتقدر توصل لوضوح 1080p لذلك لحد يفرح بالخبر

وفوق هذا التلفزيون اللي يعطيك هالجوده قيمته مابين 7 الالاف الى 10 الالاف ريال ويمكن اكثر


معقوله اشتري تلفزيون جديد عشان قريت خبر ملفق؟؟

[Guilty Gear X]

تلفزيون برافيا اكس الذي يدعم 1080p متوفر حاليا في بريطانيا و امريكا واليابان .
اما دول العالم الثالث او الخليج العربي فسيصدر في اوائل سنة 2007 بسعر ما بين 1500 الى 2000 دك ل46 بوصة.

[kingx11]

^^^^^^^^^^^^^^^
اخر السنه بينزل عندنا

وابو 40 بوصه سعره مايتجاوز ال10 الالاف ريال اما ال46 بوصه مادري عنه

[Raykonen]

عشان قريت خبر ملفق؟؟

يا خي أي خبر ملفق , من وين قاعد تألف ؟ انت وين والناس وين ؟؟؟؟

هل أفهم من كلامك انه لن يوجد العاب بوضوح 1080p ؟ ولا قصدك ان PS3 ما يدعمها ؟؟؟؟

[THE_MATRIX]

وين DMC4 و MGS4 لووول ..
انا اعتقد انهم 100% انهم يدعمون الـ 1080p ..
الحين كل ما انتظرة انا تلفزيونات الـ HD 1080p البرافيا اكس برتفع سعرة لكن الـ 40 بوصة ما اعتقد انه بيزيند عن الـ 12,000 درهم إمراتي ..

لكن انتظر من سامسونج او شارب لأنهم اقل سعراً ..

[THE_MATRIX]

يا خي أي خبر ملفق , من وين قاعد تألف ؟ انت وين والناس وين ؟؟؟؟

هل أفهم من كلامك انه لن يوجد العاب بوضوح 1080p ؟ ولا قصدك ان PS3 ما يدعمها ؟؟؟؟

لا طبعاً الـ PS3 يدعمها و قريباً الـ X 360 مايكروسوفت يتنزل تحديث و لدعم الـ 1080p لكن الطريقة ليست واضحة إلى الأن ..
و طبعاً في العاب للـ PS3 تدعم هذا الوضوح و الخبر تأكد من زمان لكن الأخ إلي رد عليك مادري شو فيه ..

[kingx11]

يا خي أي خبر ملفق , من وين قاعد تألف ؟ انت وين والناس وين ؟؟؟؟

هل أفهم من كلامك انه لن يوجد العاب بوضوح 1080p ؟ ولا قصدك ان PS3 ما يدعمها ؟؟؟؟

يابن الناس افهم

المستويات الحاليه لشركات الالعاب والجرافكس ماتسمح انهم يضبطون العاب على هالرزلوشن واذا قالو انهم سووها بتكون مزيفه او رزلوشن 720p مزود ليصبح 1080p واللي هو نفس الرزلوشن المزيف فماراح نشوف هالجوده الا مع عام 2007 يوم تنزل شركة amd المذربورد الرباعي النواه لاجهزة الكمبيوتر العاديه ذيك الحزه بتطلع العاب بهالرزلوشن وحقيقيه مب مزيفه


واذا عن التلفزيون شاشات الكمبيوتر العاديه تعطيك رزلوشن اكبر بكثير من 1080p وافضل منه فلو خذيتها ابرك لك من شاشاات البلازما الغاليه لان سعرها بالكثير يوصل 4000 ريال

[Guilty Gear X]

" اذا قالو انهم سووها بتكون مزيفه او رزلوشن 720p مزود ليصبح 1080p "

"مع عام 2007 يوم تنزل شركة amd "


هل لديك ما يثبت هذا الكلام انهم يستخدمون المزيف فقط للاسم؟ لانه غير منطقي.....

"ماتسمح انهم يضبطون العاب على هالرزلوشن "
البلاي 3 يسمح في تصميم وعرض الالعاب على 1080P ولم اجد خبر يقول انه مزيف او انه
720P واكبر دليل على هذا هو دهشة مصميمي الالعاب من هذة التقنية .
واذا تريد التاكد شاهد resistance of man in a bravia X series connect by HDMI
ويفضل ان يكون 46 بوصة لان حجمة جيد في اظهار قوة ال1080p

وبالنسبة للبرافيا اكس بالخليج انا كلمت مدير المبيعات لسوني بالكويت وادعى انه لن يصدر حتى اوائل 2007 بالخليج.

وسعرة في الدول الاخرى اعلى من 10000 ريال , فلماذا نحن اقل؟

على العموم ننتظر ونشوف

[kingx11]

^^^^^^^^^^^^^^
ياخي اقرأ عدل

انا ماقلت انه مايسمح

انا قلت ان المستويات الحاليه ماتسمح فالمستقبل انشالله بتسمح

الشركات ماعندها كمبيوترات مجهزه لتطعي هالنوع من الرزلوشن

وسوني لعبتها الدعايه كل هالسوالف دعايه لا اكثر حق الناس العاديين بس لو فكرت فيها هالسنه ماراح نشوف الا يمكن لعبه وحده بس تسمح بهالرزلوشن


وبخصوص البرافيا 46 بوصه صحيح هالقاعده في تلفزيونات البلازما كل ماكبر حجم الشاشه كل ماكان الوضوح افضل لكن فالمقابل الضرر بيكون اكبر على عينك وبخصوص الاسعار انا اتكلم عن ال40 بوصه عندنا عندكم مادري عنهم وسعره لازم يكون مرتفع اول ماينزل بس بعد كم شهر بيطيح

[Raykonen]

انا قلت ان المستويات الحاليه ماتسمح فالمستقبل انشالله بتسمح

الشركات ماعندها كمبيوترات مجهزه لتطعي هالنوع من الرزلوشن

اشكرك يا كينج على مشاركتك في الموضوع لكن كلامك غير منطقي , يا أخي هل رحت لعند هذه الشركات وشفت الكمبيوترات اللي عندهم , ولا قالولك هم عن الأجهزة اللي عندهم واللي ما في حد يعرف طبيعتها اصلا ؟؟؟

صحيح ، التطوير بهذا الوضوح صعب ويتطلب خبرة وتقنيات عالية وشركات ضخمة لكن هذا مو يعني انه لا يمكن تصنيعه حاليا !!!!!!!!!!!!!!!!!!!!!!