ياباني ؟ امريكي ؟ اوروبي ؟ نصيحة لو سمحتوا يا اهل الكويت

[PS Player]

السلام عليكم ورحمة الله وبركاتة...

اخواني انا عارف ان موضوعي انطرح اكثر من مرة
لكن مالحقت عليه للأسف والاغلبية مواضيع قديمة

المهم

انا حاب استفسر من اخواني في الكويت

عن الps3 نسخه 80 جيجا وين احصلها ؟ وكم سعرها ؟

وماهو افضل نظام ؟ الياباني او الامريكي او الاوروبي ؟؟؟؟

وهل الوقت مناسب للشراء ؟

لان خاطري اشتريها ولكن الالعاب ماتشجع

عفوا اذا الموضوع مكرر

ولكني جديد ولا اعلم بهالشي

ارجو الرد سريعا

سلام....

[son of cid]

أوروبي معاه ضمان ..
واحتمال يكون عندكم العرض حق نسخة الـ 60GB (جهاز+يدين+لعبتين) انصحك فيه.
ولا تهتم لفرق الـ 20 GB بين النوعين .

[PS Player]

أوروبي معاه ضمان ..

واحتمال يكون عندكم العرض حق نسخة الـ 60GB (جهاز+يدين+لعبتين) انصحك فيه.
ولا تهتم لفرق الـ 20 GB بين النوعين .

تسلم اخي العزيز نعم كلامك صحيح انا شفت هالعرض موجود بمجمع الرحاب
وكلامك بصراحة عطاني دافع اني اشتري نسخه 60GB

عفوا اخي سؤال خارج الموضوع

هل الالعاب الامريكية تشتغل على نسخه الPS3 الاوروبيه
مو الالعاب فري ريجن ؟

على كل حال تسلم اخي ونورتني بكلامك وبمرورك شكرا..

[son of cid]

هل الالعاب الامريكية تشتغل على نسخه الPS3 الاوروبيه
مو الالعاب فري ريجن ؟

الألعاب الأمريكية واليابانية والأوروبية تشتغل على الـ PS3 الأوروبي
وتشتغل على أي جهاز PS3 مهما كان نوعه.

[PS Player]

اخي العزيز son of cid


شكرا على المرور والمساعدة

جزاك الله خيرا

تقبل شكري وامتناني

سلام....

[Yusuke Urameshi]

الاوروبي ينفع للكهربا عندنا بالكويت و حق الافلام الاصليه اذا بتشتري فلم من فيرجن لكن انا افضل الياباني علشان افلام الدي في دي اغلبها تشتغل عندي ما عدا نظام البال

[Kunio-Kun]

انتظر وﻻ تشتري الحين ... وافضل نظام هو الأوربي لمنطقتنا ام اذا كنت تحب الأمريكي وتلعب العاب ps2 و ps
ام اذا كنت غير مهتم الأفضل هو الأوربي التابع للشرق الأوسط
الأفضل تنتظر لنا ﻻ توجد العاب تشجع الأن إلي في بداية شهر عشرة تقريباً وﻻ تشتري الجهاز إلى لم تتوفر لعبتك المفضلة

سلام

[PS Player]

اخوي Yusuke Urameshi
شكرا للمرور اولا وشكرا للنصيحة ثانيا
وبصراحة انا اشوف من كلامك الانسب اخذ اوروبي بما اني ماراح استخدم الPs3 للأفلام

شكرا مرة اخرى ويعطيك العافية

اخوي Kunio-Kun
شكرا لمرورك اخي العزيز وشكرا لنصيحتك
ولكن انا لعبتي المفضلة اهي Resident Evil واعتقد راح تطول للعام التالي
يعني انتظر الى ابريل 2008 ؟ ما اعتقد اقدر لوووول
المهم انا راح اعمل بنصيحتك ولكني متردد خاطري اخذها والالعاب ماتشجع
الخير بالصبر منه ينزل السعر ومنه تنزل العاب حلوة

عموما بأذن الله راح اخذ اوروبي وانشالله يكون فيه الخير

اخواني جميعاً شكرا لكم على النصيحة وبارك الله فيكم

ماقصرتوا صراحة

يعطيكم الف عافية

سلام...

[SUPER HUNTER]

سمعت ان الاوربي يشغل فقط العاب السوني 2 ان تي سي او البال على حسب نوع جهازك الاوربي
والامريكي يشغل العاب السوني 2 كلها ان تي سي والبال

[SymphonyOfDeath]

السلام عليكم
يا هلا فيك و في اهل الكويت الطيبين يالغالي <<< خويك من نفس البلد
راح أوضح لك وجهه نظري بغض النظر عن المساحه المتوفره بالهارد دسك

الياباني:
أقل الأجهزه تجد بها عيوب مصنعيه هي اليابانيه و اسأل مجرب
لا يعرض سوى أفلام بلوراي اليابانيه
وما اعتقد انك بتطالع افلام يابانيه
الا اذا كنت من هواه الاصلي الياباني - الأنميشن
الجهاز الياباني لا يشغل العاب البلايستيشن الأصلي و البلاي ستيشن 2 من الأنظمه الأخرى
سوى ياباني
قوه الصوره ستتجدها أفضل من نظيراتها الاوروبيه و الأمريكيه
السعر رخيص مقارنه بالبقيه
الأبديتس يتوفر أولا بأول قبل الأنظمه الاخرى
لا يمكن للجهاز أن يشغل كوبي
بمعنى آخر صعب جدا اختراق الاجهزه اليابانيه و مسرع ما يخترب الجهاز
اذا سويت له تطوير للكوبي
ما تقدر تبدل الهارد دسك


الأمريكي <<< خياري المفضل
لا اخفيك سرا يالغالي
الأمريكي أكثر أجهزه البلاي ستيشن تلاقي فيه عيوب تصنيع
و سعره مرتفع حوالي 50 دينار عن الياباني
ما يشغل البلوراي الاوروبي و الياباني
يعرض العابك القديمه ذات النظام الامريكي فقط
يمكن لك و بسهوله تبديل الهارد دسك
لو نزل له كوبي ماراح يشغلها بالجوده المطلوبه
اغلب الالعاب اليابانيه قامت تنزل نسختها الامريكيه أول
بالرغم من كل هالعيوب الا انني الأمريكي هو الأفضل بينهم
لسهوله تشغيل الالعاب القديممه عليه

الاوروبي
اخر جهاز ممكن تلاقي الابديت عليه
تحريك الصور غالبا يكون أبطأ من الياباني و الامريكي
الالعاب تنزل عليه نوعا ما متأخر بس الله يخلي الفري ريجن
الجهاز كهربته نفس كهربتنا
يعرض البلوراي بكافه انواعه <<< مو متأكد
في له وكيل بالكويت
ما ادري اذا تقدر تبدل الهارد دسك
افضل جهاز لتشغيل الكوبي لان اختراقه سهل


و بما انك مقبل يالغالي على جهاز يديد
الجهاز سنته 2008
فخل تفكيرك ينصب عالقادم الان و ليس 2008
يعني اخذ الوي و استانس بماريو و ريزدنت ايفل اليديد
و بعدها جدامك 5 اشهر كافيه تجمع للبي اس 3 لو كنت انت طالب
و مبروك ع الجهاز مقدما

[PS Player]

مشكوووووووووور اخوي SymphonyOfDeath

بصراحة كفيت ووفيت بالتفصيل الجيد عن كل النسخ

الله يعطيك العافية ماقصرت

سلامي ......

[البيكهام هام]

انصحك انك تبتعد عن الياباني ياتشتري الاوروبي او الامريكي بس الياباني لاتقرب له الا اذا انت تبي تطور جهازك اذا توفر له كوبي
بس نصيحه مني لك لاتشتري جهاز الويي ورب الكعبه تستانس عليه اول شهر لانه طريقة لعبه مختلفه بس بعدين يجيك ملل منه وراح تبيعه <<<انا اقدر ابيعه بس قلت اخلي الصغار يستانسون فيه وبالمره انطر ريزدنت ايفل امبريلا تنزل شهر12

[SALM0RE]

العرض حق نسخة الـ 60GB (جهاز+يدين+لعبتين) انصحك فيه

هذا العرض نزل عندنا بس هل هي صفقة جيدة ام لاء ؟

الأمريكي أكثر أجهزه البلاي ستيشن تلاقي فيه عيوب تصنيع

الـ PS3 الأمريكي فيه عيوب ؟!!!!

[PS Player]

اهلييييييييييييين البيكهام هام
قبل كل شي يقولون المدح بالوجه مذمة لكن صدقني هذي الصراحة
اخوي بصراحة انا معجب فيك من دشيت المنتدى وشفت اسلوبك ومواضيعك لقيت فيك اسلوب انسان لبق وبالكويتي نقول زقرتي << اهم شي
بالنسبه للوي ماطرى على بالي اشتريه
المهم
مشكوووور عالمرور والنصيحة حياك الله ونورت اخوي


اخوي SALM0RE

هلا ومسهلا حياك الله وشكرا عالمرور والمشاركة

يعطيكم الف عافية جميعا

سلالالالامي....

[البيكهام هام]

8
8
كلامك شهاده اعتز فيها
وعالبركه مقدما