و أخيرا العاب الـPS3 بـ10 ريال...... نعم 10 ريال

[Jack "Sephiroth" Sparrow]

بسم الله الرحمن الرحيم

ملاحظة: ترى انا صاحب العضوية في المنتدى الثاني يعني الموضوع مو منقول

نبدأ بالخبر المفرح

امس صديقي راح لإحدى محلات بيع الالعاب الشهيرة في الرياض

و قال له راعي المحل ان بعد شهر راح يمديه يحمل العاب على الهارديسك

و مو شرط يكون الهارديسك حق الـPS3 اي هارديسك ينفع حتى الفلاش ميموري ينفع

و قيمة اللعبة ستكون بـ10 ريال مع امكانية الدخول على النت (حسب كلام راعي المحل)

و قلت لنفسي ابتحقق من صحة هالكلام

و رحت لأكثر من محل اليوم و كلهم قالوا لي نفس الكلام

يعني يا شباب الكوبي نزل لكن مو مثل ما توقعنا

نحن توقعنا يكون سيديات مثل الـPS1 و الـPS2

لكن طلع نفس طريقة الـPSP

و ارجوا اني وضحت لكم الفكرة

و ترى اصحاب المحلات يقولون انهم بينفذون هذي الطريقة في الاسابيع القادمة

تحياتي لكم

اخوكم جاك

[MSF]

للحين مافي طريقة .. إلا طريقة فريق ICE الي زعموا فيها عن إمكانية تشغيل الألعاب إذا كان الـEBOOT مفكوك التشفير .. وهذا مايصير حسب ما أعرف إلا إذا كانت اللعبه في الـDevelopment Phase
.. والأهم أنهم ماوضحوا الطريقة أصلاً ! ، أعتقد الي أصحاب المحل يقصدونه هو الألعاب الي تم تخفيض قيمتها إلى 25$ .

[Jack "Sephiroth" Sparrow]

هلا فيك اخيو MSF

والله الهنود عباقرة صراحة

توقع اي شيء منهم (خصوصا اذا كان ممنوع )

و صراحة ابستنى هذي الثلاث اسابيع و راح اجربها

و ترى سألته انا و صديقي قلنا له " الالعاب كاملة؟ "

قال لنا "كامل لعبة مافي مشكل "

و حتى سألته في نت

قال لي في نت

و ترى في موضوع قبل شر تقريبا على منتدى ثاني قال ان في محل في البطحاء يسوي هذي الطريقة لكن ما احد صدقه و قالوا اكيد يحمل لك ديمو فقط

لكن هذا الي اروح له انا و صديقي موثوق

[(Walter Sullivan)]

من جد الهنود عباقرة واذا فعلا تم فك شفرة الجهاز والألعاب هم أول من حيجلب الطريقة ويزودنا بها خاصة انهم يتعلمو بسرعة لبرامج التعديل وفك التشفير أتمنى يكون كلام الأخ الهندي صحيح وشكرا.

[devil cober]

صراحة أخبار الكوبي ماصرت أصدقها حتى أصحاب المحلات ماأصدقهم يااخوان خليكم واقعيين البلاي ستشن3 ماله كوبي للأن وممكن عمره محايطلع كوبي حتى لو تحميل الألعاب على الهارد ديسك ولو طلع الخبر في الموضوع صحيح سيكون الخبر رائع وسئ!!
رائع لأن بمقدور الجميع أن يلعبوا على كيفهم وبأسعار زهيدة (الحين حيجي بعض الشباب ويحرموا الكوبي لوووووووول)
وسئ لأنك مضطر لحمل الجهاز معاك لتحميل ألعاب (بس مشي حالك مادام الجهاز ليس ثقيلا للغاية بالنسبة لي)

[(Walter Sullivan)]

وسئ لأنك مضطر لحمل الجهاز معاك لتحميل ألعاب (بس مشي حالك مادام الجهاز ليس ثقيلا للغاية بالنسبة لي)

اذا تم تأكيد الطريقة وعن طريق الهارديسك وقتها الحل يكون شراء هارديسك خارجي بدل من حمل الجهاز للمحل.

[dro]

!! .. من جدك تتكلم ؟؟ .... يعني كم يبيله وتكون المحلات في الرياض زي جيم ماستر يسون ها الطريقة ؟؟

لو صدق !! ... ابا اسوي حفلة اليوم !!!





لوووووووووول ..

[Jack "Sephiroth" Sparrow]

مشكورين يا شباب على الردود

وسئ لأنك مضطر لحمل الجهاز معاك لتحميل ألعاب (بس مشي حالك مادام الجهاز ليس ثقيلا للغاية بالنسبة لي)

مثل ما قال اخوي والتر

بس عليك تأخذ معك هارديسك خارجي للمحل

و اذا رجعت البيت شبكه بالجهاز

كم يبيله وتكون المحلات في الرياض زي جيم ماستر يسون ها الطريقة ؟؟

جيم ماستر من أكبر المحلات في الرياض

فأكيد قاعد يسويه حاليا (لكن صراحة ما زرته فما اقدر ااكد لك)

و لكن المحلات الأخرى قالوا بيبدأون ينفذونه في الأسابيع القادمة

يعني اسبوعين أو ثلاث

و ترى في البطحاء يسوونه لهم شهر تقريبا

[MSF]

IT IS NOT POSSIBLE TO PLAY PS1/PS2/PS3 ISO'S ON THE PS3!, NOTHING HAS BEEN FOUND TO CONFIRM THIS.

دارك ألكس الـPS3 أكد لكم أنه مافي طريقة لتشغيل الـBackups

[eob717]

هالطريقة أيضاً موجودة على الأكس بوكس
ولكن للأسف الشديد الكثير منا يتجاهلها ومايعطيها اهمية
مع أنها مهمة ومفيدة..يكفيكم " أنها بتريح العدسة " من مجهودها على السيديات.

وطبعاً هالطريقة تتم عن طريق الكمبيوتر..ببرنامج معين.

أن شاء الله عن قريب بطبقها. , وعموماً شي طيب نشوف محلات تدعم هالطريقة.

[الجام العربي]

بس صراحة شغلة
تحميل اللعبة أولا على الهارد ثم نقلها للجهاز مشكلة !!

[MSF]

هالطريقة أيضاً موجودة على الأكس بوكس
ولكن للأسف الشديد الكثير منا يتجاهلها ومايعطيها اهمية
مع أنها مهمة ومفيدة..يكفيكم " أنها بتريح العدسة " من مجهودها على السيديات.

وطبعاً هالطريقة تتم عن طريق الكمبيوتر..ببرنامج معين.

أن شاء الله عن قريب بطبقها. , وعموماً شي طيب نشوف محلات تدعم هالطريقة.

ممكن وصلة البرنامج ؟

[Michael Scofield]

بسم الله الرحمن الرحيم

ملاحظة: ترى انا صاحب العضوية في المنتدى الثاني يعني الموضوع مو منقول

نبدأ بالخبر المفرح

امس صديقي راح لإحدى محلات بيع الالعاب الشهيرة في الرياض

و قال له راعي المحل ان بعد شهر راح يمديه يحمل العاب على الهارديسك

و مو شرط يكون الهارديسك حق الـPS3 اي هارديسك ينفع حتى الفلاش ميموري ينفع

و قيمة اللعبة ستكون بـ10 ريال مع امكانية الدخول على النت (حسب كلام راعي المحل)

و قلت لنفسي ابتحقق من صحة هالكلام

و رحت لأكثر من محل اليوم و كلهم قالوا لي نفس الكلام

يعني يا شباب الكوبي نزل لكن مو مثل ما توقعنا

نحن توقعنا يكون سيديات مثل الـPS1 و الـPS2

لكن طلع نفس طريقة الـPSP

و ارجوا اني وضحت لكم الفكرة

و ترى اصحاب المحلات يقولون انهم بينفذون هذي الطريقة في الاسابيع القادمة

تحياتي لكم

اخوكم جاك

يعطيك الف عافيه على الموضوع
جانزين يحطون الالعاب بسعر معقول مو على 20 او 25 دينار
الناس شلون راح تشتري

اذا الالعاب الهارديسك راح تقزر على البلاستيشن

يوميا بالرحاب

[msm]

لا تتحمسون كثير ..لو حصل شي فعلاً لكانت الطريقة انتشرت بالانترنت مسبقاً ..

مصداقيتهم قابلة للشك بحكم ان نشر هالخبر من مصلحتهم (دعاية وبيع بضاعة) ..

[Michael Scofield]

لا تتحمسون كثير ..لو حصل شي فعلاً لكانت الطريقة انتشرت بالانترنت مسبقاً ..

مصداقيتهم قابلة للشك بحكم ان نشر هالخبر من مصلحتهم (دعاية وبيع بضاعة) ..

خلهم يسوون دعايه على كيفهم بس خل الاسعار تنقص