بعض الاستفسارات

[mr.3bod]

يا إخوان أنا نويت أشتري البلاستيشن2 يوم الاحد القادم وهذي أسئلتي :
1- ما هو أفضل نظام موجود ؟
2-سمعت عن الشوشره اللي بتكون في الاجهزه الجديده ؟ مدى صحت هذا الكلام ؟
3- ماهي القطعه اللتي تشغل أشرطة PS2 كوبي ؟
4- أشرطة الدي في دي كوبي هل تأتي كامله ؟
5- اونوموشا سمعت عنها الكثير ولكن كيف إسلوب لعبها ؟

ويعـــطــيكم العافيــه

[Gladieator]

مرحبا أخوي mr.3bod .....

هذي أجوبة لأسئلتك وإنشالله أتوفق فيها ....

1- شوف أخوي , لكل نظام مميزات وعيوب , عندك النظام الياباني NTSC - J ميزته إن أغلب الألعاب تنزل عليه قبل الأنظمة الثانية يمكن بإسبوع أو شهر على حسب , لكن مشكلته اللغة , فاللغة يابانية في جميع الألعاب , إلا إذا بتركب قطعة المودشيب وتشغل الكوبي , لكن الأصلي لازم يكون ياباني .
وعندك النظام الأمريكي NTSC - UC , وبصراحه أنا عندي هذا هو أفضل نظام , لأن الأعاب تنزل عليه باللغة الإنجليزية , على الأقل تفهم شي , , وأشرطته تنزل بعد الياباني وبعض الأحيان قبل ( مثل ميتال جير 2 ) , وأيضاً تقدر تركب عليه القطعه وتشغل الكوبي .
ويجي أخيراً وليس آخراً النظام الأوروبي , وميزته إنه له وكيل معتمد , وأيضاً أسعاره رخيصه ( عندنا بـ 990 ريال مدري أنتوا كم عندكم ) , لكن مشكلته إن الألعاب تنزل عليه متأخره جداً , طبعاً أنا أتكلم عن الأصلي , لكن قطعة المودشيب اللي تشغلك الكوبي تشتغل هنا أيضاً .
علشان كذا , إذا كنت ناوي تركب قطعة تشغيل الكوبي , ماراح يكون هناك فرق كبير بين الأجهزة , لكن أنا أنصحك بالنظام الأمريكي .
وفي النهاية القرار راجع لك أخوي .

=======================

2- أنا والله جهازي من النوع القديم , شاريه يمكن صارله عندي الحين سنتين , علشان كذا ماأقدر أقولك بالنسبة للأجهزة الجديدة لأني بصراحة ماعندي خلفية عن الموضوع , وجهازي ولله الحمد للحين ماشي معي مثل الحلاوة مافيه أصوات أو أي شي ثاني .

=======================

3- القطعة إسمها S - BOX , وهي تشغلك الكوبي السي دي لكن الـ DVD ماتشغله لك كامل , يعني من غير العروض السنيمائية , طبعاً يمكن أنت سمعت هالأيام عن القطع الجديده اللي جايه في الطريق والأخبار المتفاوتة عنها , و للحين مانعرف وش هي القطعة الأفضل .

=======================

4- لا والله ماتجي كاملة , تجيك بس لعب وعروض من داخل اللعبة إن وجدت , لكن العروض السينيمائية محذوفة مثل ماذكرت قبل شوي .

=======================

5- اللعبة من أروع الألعاب اللي نزلت على الـ PS2 في بداياته , وأنا شريتها من أول يوم نزلت فيه , بصراحه اللعبة رهيبة , وهي عبارة عن ريزيدنت إيفل لكن بإسلوب الساموراي القديم , قصة رهيبة وتحكم حلو ورسوم جميلة .

أنا أنصحك فيها إن كانك مالعبتها ...


في الختام أتمنى إني قدرت أساعدك أخوي .

وأي خدمة إحنا حاضرين , لا يردك إلا لسانك وأنا اخوك ...

تحياتي لك .


.......

[النسر الأسود]

بسم الله الرحمن الرحيم :
أولا : أفضل نوع برأيي هو الأميركي NTSC-U
.........................
ثانيا: أنا جهازي اشتريته من فترة بسيطة تقريبا ثلاثة أشهروهو ممتاز جدا وما فيه عيب .
........................
ثالثا: قطعة s.box
وهناك قطع أخرى فهذه القطعة تشغل فقط الأشرطة المنسوخة أما إذا كان dvd كوبي ما تشغله .
ولكن هناك قطع جديدة فمثلا في الكويت يوجد قطعة حاليا تشغل كل الأإشرطة ما عدى dvd الأصلي غير نظام .
ولكن إذا صبرت شوي لح ينزل قطع أفضل .
.......................
رابعا: ما أدري بس في أحد الأعضاء كان كاتب أن ميتل غير 2 جاءت كاملة تماما .
وهناك عضو آخر قال أن سايلنت هيل 2 كانت ناقصة .
......................
خامسا: كما قال لك الأخ الذي سبقني فهي لعبة روعة ومن شركة كابكوم وهي طريقتها قريبة شوي من ريزدنت إيفل ولكنها خالية من العقد وهي أسلوب ساموراي .
.....................
وأخيرا أتمنى أن أكون قد أضفت بعض المعلومات إلى ذهنك واي طلب أنا جاهز .

[mr.3bod]

Gladieator و النسر الأسود : يعطيكم العافيه .........
بس أنا سمعت أن النظام الامريكي NTSC-UC وهو اللي ناوي أشتريه ( الكل قال الافضل حتى راعي المحل ) لكن سمعت من بعض الاصدقاء أنه ما يشغل ويننج إليفن5 وهذي بالنسبه لي مشكله ضخمه في هذا النظام هل صحيح كلامهم ؟
----------------------------------
وأنا قالي راعي المحل اللي أتعامل معاه أنه النظام الامريكي مع 10 شرايط كوبي ويدين تحكم بــــ1350 درهم ما أدري هل القطعه اللي تشغل الكوبي (S-Box) موجوده فيه ؟ لان من كلامه أن الجهاز يشغل كوبي السي دي والدي في دي وكل الاشرطه الاصليه !! أي كامل الموصفات هل من المعقول أم يروج بضاعته فقط !!
------------------------------------
وفي النهايه سمحولي إذا كثرت عليكم أسئله ...........


Gladieator إسمحلي نسيت أهنيك على الرقابه ......... مبروك