ماقدر ادش في اميلي بس يصير اشوف صفحة الرسايل

[المدهش]

السلام عليكم

انا امس البارحة اخر مرة دشيت في اميلي والحين من الصبح كنت احاول ادش فيه موراضي-_- مع ان الاميلات البقية يصير ادش فيهم وبسهولة واميلي الرئيسي مايصير ادش فيه بس يصير ادش صفحة الرسايل
يعني ماباقوه بس اخاف شذي مادري اشلون
ولا يقولي ان كلمة المرور خطا ولاشي بس مرة وحدة يوقف ويقولي فشل

والمشكلة اني اعرف ناس وايد فيه 24 ساعة فيه وماقدر استغني عنه -_- والحين راح
خسارة

ساعدوني خلوني استعمل اميلي -_-

[The King Of Roma:Totti]

لا تخاف ... الايميل ما سرقوه .

هذي تصير معي أحيانا ... ولكن بعد فترة بسيطة من الوقت اقدر ادخل ماسنجري بدون اي مشاكل .

[dirty side]

شكله سرفس الام اس ان ضارب حتى انا مثلك ما يدش ولا ايميل

[شجن^_^]

السلام عليكم

لا تخاف ترى هاليومين ما ادري ويش صاير في الهوتمايل

وناس واجد صاير عندهم ما يفتح شكله فيه شيء

حتى انا ما يفتح عندي وسألت طلعت الي سألتها عندها نفس المشكلة

ولحد الحين وانا احاول افتحه ما يفتح

[قدساوي كوول]

ايي وانا بعد مايفتح ولا ايميل

[قدساوي كوول]

ابي حل انا مااااااايفتح ولالاايميييل صارلي نص ساعه بس احاااول

[DEV1L MAY CRY]

السلام عليكم
اخي اول شي اضبط وقت جهازك جيداً التاريخ
واذا مانفع امسح كاش الاكسبلورر
واذا مانفع قم بتعطيل الفايرول
جرب ورد لنا الخبر

[Akihiko]

عليكم السلام

شكله سرفس الام اس ان ضارب

احتمال ..

اخي اول شي اضبط وقت جهازك جيداً التاريخ
واذا مانفع امسح كاش الاكسبلورر
واذا مانفع قم بتعطيل الفايرول

ههههههه لا تسوي الي قاله ترى هو ما يدري ويش المشكلة

الحل عندي انا !!
هذا الله يسلمك اعتقد سببه بطئ النت لانه يصير عندي وااجد !

الحل تقد تسوي Retry طوول الوقت لين ما يفتح لك المسن

قبل كان عندي النت سريع ويش حلاوته الله يرحم ذيك الأيام ... -_-
لاكن احيانا يصير عندي بطيئ
انت اي شركة ؟؟ واضح من توقيعك انك زين
انا زين وسابقا زين كانت الأفضل ! وكان الكل يمدح فيها لاكن الحين صارت زفت !!

اخوي مينا تيلكوم ويقول النت عنده سريع وما اعتقد يعاني من هذي المشكلة .. لاكن انا ما جربت هذي الشركة جربته
وزين صراحة من بس انا الي اعاني منها ناس واجد وخدماتهم صارت زفت ولله ..

ردي صار طويل ههههه

وايميلك ما باقوه هذا شي اكيد

[DEV1L MAY CRY]

هههههه لا تسوي الي قاله ترى هو ما يدري ويش المشكلة

اول شي السلام عليكم
ثاني شي شكراً على ردك الي يدل على اخلاقك
وثالث شي اذهب لتاريخ وقم بتغيرة رجعة سنة او سنتين
وفتح ايميل وردلي الجواب
وايضا كاش الاكسبلورر بيأثر على البرنامج
والفايرول ممكن ان يقوم بعمل بلوك للبرنامج
وانا بعرف انو الكود الي موجود في مشكلتة اكثر شي هوة من الاتصال
وانا بس وضحت ردي ومالي خلك ارد عليك

[Akihiko]

اول شي السلام عليكم
ثاني شي شكراً على ردك الي يدل على اخلاقك

عليكم السلام
ليش كل هالعصبية اخوي
واذا على اخلاقي اسأل الي يعرفوني من اعضاء المنتدى وشوف ويش يقولون لك

انت فعلا تعرف في هذي الأشياء اكثر مني بس هذي المشكلة لاني اعاني منها لهذا السبب احتمال اعرف اكثر منك فيها
ما سمعت الي يقول (( اسأل مجرب ولا تسأل طبيب ))
واذا تبي الصراحة انا مافهمت الي قلته لاني مو خبير كمبيوترات -_- لهذا السبب ضحت

وانا بس وضحت ردي ومالي خلك ارد عليك

ليش عاد كل هالعصبية اخوي لازم تكون عندك شوي روح الحيوية والمزاح شوي ^^

ارجو انك تغلق السالفة
واذا غلطت بحقك فأنا اعتذر ..

[DEV1L MAY CRY]

لا اخي ما صار شي
بس المفروض حتى لو شفت كذا ردود
مايكون ردك بهل طريقة لان فيها نوع من الاستهزاء
وانا بصراحة كنت مستعجل لما رديت على الاخ وايضا خطأ مني
يعني اذا الاخ مكان يفتهم با الكمبيوتر كان صار ردة مثل ردك بالضبط
وانا ايضا اعتذر على ردي
وبالتالي سو كان انت انا او الباقين احنة بنعمل خدمة انسانية
وانا صارلي من 2007 مسجل هني واذا شفت مواضيعي وردودي راح تجدها فقط في هذا القسم
يعني فقط حلول ومشاكل
واعذرني مرة ثانية

[Akihiko]

الحمد لله انك مو زعلان وما صار الا الخير ^^
و الأهم اني ما زعلتك ^^
لاني متعود على القسم الترفيهي فـ صارت بعض مشاركاتي فيه نوع المزاح شوي

ومشكور على اسلوبك الطيب
موفق ان شاء الله