عندي مشكله حتى مع الفورمات مانحلت !!

[KinG_ZoRa]

بسم الله الرحمن الرحيم



السلام عالجميع

ارجوكم شوفولي حل !!! خلاص تعبت من الجهاز وكرهت الكمبيوتر والسبب هذي المشكله خسرت فلوس على هذي المشكله ماشي فايده !! بموووووت

المشكله :

احيانا اترك الكمبيوتر شغال يوم كامل يعمل ريستارت وتطلع شاشة زرقا موجوده في المرفقات

قلت يمكن من كرت الشاشه غيرته مرتين ماشي فايده
غيرت الشاشه نفسها ماشي فايده !!
غيرت كرت الصوت ماشي فايده !!!
فورمات حوالي 5 مرات بعد ماشي فايده !!!

والحل !! يعني هل هذي المشكله من الرامات ؟ او من الهاردويير او فايرس او شوو بالضبط ؟ لان حتى مع الفورمات ماشي فايده

الله يخليكم شوفولي حـــــــــــــــل قبل لا اتهور واكسر الجهاز

[wellknownQ8]

و عليكم السلام و الرحمة

للأسف الصورة صغيرة جدا ... لذا يا ريت لو تكتب لنا الرسالة (المهم منها)..

على العموم هذه الرسالة تظهر لاحد لااسباب التالية:
- تركيب قطعة هاردوير جديدة ، مما سبب تعارض في التعريفات.
- اختلاف انواع الرامات (أو احد القطع تعطلت) => و تأكد من مساحة الرام هل هي صحيحة..!
- عطل في الهارد دسك الاساسي (الذي فيه الويندوز) .. و هو الأرجح، فجرب استبداله

و بالتوفيق

[KinG_ZoRa]

مشكوووووووووور عالرد واتمنى من قلبي انك توقف معايه في هالمشكله واحلها

المهم شوف اذا كان سبب من تركيب قطعه جديده ماعتقد لان المشكله عندي من زمان يعني قبل تبديل الكروت
ومازالت عندي في البدايه اعتقدت ان المشكله من الوندوز تثبيته كان غلط رحت عند محل ثاني بعد مافي فايده


السبب الثاني احتمال يكون رام عطلان او ماشبه ذلك !!

تأكد من مساحة الرام هل هي صحيحة..!

مافهمت عليك ؟ وممكن تعطيني طريقه اعرف من خلالها انواع الرامات عندي ؟

- عطل في الهارد دسك الاساسي (الذي فيه الويندوز) .. و هو الأرجح، فجرب استبداله

احتمال يكون منه

انتظر ردك

[wellknownQ8]

مشكوووووووووور عالرد واتمنى من قلبي انك توقف معايه في هالمشكله واحلها

العفو و حاضرين ^^

طيب في البداية دعنا نتأكد من الرسالة ... شنو مكتوب فيها !!؟

-----

مافهمت عليك ؟

يعني اذا كنت تضع 512 رام مثلا.. هل الرقم الذي يظهر في بداية تشغيل الجهاز (او من الBIOS) هل 512 ..!

وممكن تعطيني طريقه اعرف من خلالها انواع الرامات عندي ؟

الصراحة الطريقة اللي اعرفها انك لازم تفتح الcase و شوف المكتوب على الرامات..!
و توجد بعض البرامج التي تأتي مع المذربورد تعطيك هذه المعلومات..

و بالنسبة للهارد دسك.. ان لم تكن تريد استبداله.. فجرب ان تريحه لفترة طويلة (أكثر من 5 ساعات مثلا)

[majd_1232002]

إرتفاع درجة حرارة المعالج

[KinG_ZoRa]

مشكوريـــــــــــــــــــــــــــــــــــــــن عالردود ...

و بالنسبة للهارد دسك.. ان لم تكن تريد استبداله.. فجرب ان تريحه لفترة طويلة (أكثر من 5 ساعات مثلا)

حبيبي أي كمبيوتر هذا اللي يحتاج يوميا اني اريحه 5 ساعات انا اتمنى يكون على طول شغال يعني في الاسبوع مره اريحه بس

الصراحة الطريقة اللي اعرفها انك لازم تفتح الcase و شوف المكتوب على الرامات..!

حاليا ما أشك من الرامات لا سمح الله العطل استمر بعدين بقول احتمال من الرامات


تدري ياخويه المروحه اللي خلف الكمبيوتر Power Supply اول ماتطلع الشاشة الزرقا ويعمل ريستارت وبعد الريستارت يستمر بإعادة الحركه كل ماتفتح صفحة الدسك توب في هذي الحاله افصل السلك الاسود من Power Supply وانفخ فيه واضبطه من اول ويديد واشغل الكمبيوتر يصير طبيعي لكن بعد وقت ترجع الحركه ؟ يعني هذا شي واضح ومثير للشك ان العطل من Power Supply فـ اليوم قررت اروح العصر اغير الـPower Supply والسلك الاسود احتمال يكون العطل في واحد من الاثنين وا نشاءالله تنحل المشكله ولا سمح الله استمرت المشكله بحاول اغير الرامات بس حاليا يراودني شك كبير ان المشكله من الـPower Supply لان يمكن اللي عندي مايستحمل الضغط بحاول اشتري واحد ثاني 480 واط او مايقارب وبحاول اضيف مراوح لتهوية بعض القطع
أمري لله

إرتفاع درجة حرارة المعالج

يا أخ ماجد هل يحتاج اني احط مروحه لتكييف المعالج ؟ او اذا في طريقه ثانيه خبرني لان ماعندي خبره زياده في هالمواضيع .




مشكوريييييييين عالردود وعالمساعده والله يعطيكم العافيه

ياخويه wallknownQ8

شوف الحين مثل ماقلت لك بغير الـ Power Supply واذا بأذن الله انحلت المشكله بقول لك واذا ماشي فايده ترى بيكون من الرامات او مثل ماقلت عطل في الهارد دسك الاساسي واتمنى ماتكون المشكله في واحد من الاثنين

مـــــــــــع السلامه ..

[wellknownQ8]

يا KinG ZoRa
الله يهداك... ليلحين ما حطيت لنا الرسالة... اكتبها.. حتى نعرف شنو المشكلة بالضبط..!!!!!!!

[Amiga]

ليتك حطيت المسج عشان يكون الحل سريع ان شاء الله


احتمال البيوس تاكد من اعدادت البيوس
واختار الوضع الامن في البيوس

[KinG_ZoRa]

مشكوريــــــــــــــــــن شبــــــــــــاب عالوقفه والحمدلله انحلت مشكلتي وكانت على ماعتقد من الرام ^_~

ويعطيكم العافيه ...