Mozilla Firefox للجميع , تحميل وشرح إعدادات وتركيب لواحق إضافية

[agent1001]

موضوعنا اليوم سوف نتكلم فيه عن برنامج ليس إسمه بغريب عن أذاننا وبإذن الله وفضله سأحاول أن أكون ملما بكافة جوانبة ولكن توجد أشياء لن أشرحها فيه لانها ستكون بديهية تستطيع أن تستنتجها بنفسك كطريقة تنصيب البرنامج مثلا.....

نبداء على بركة الله

FireFox

مـــا هو الفايرفوكس ؟
هو عبارة عن متصفح إنترنت ولكن يندرج تحت قائمة البرامج المفتوحة المصدر



لــمن هذا البرنامج ؟

للمبتدىء......
هو متصفح فعال فى حمايته . سريع فى أداءه . جميل فى مظهره. وإن ملئت الصفحه عنه لن أوفيه حقة
للمتوسط.......
إذا كنت قد جربت إنترنت إكسبلورر فاحطم القيود التى قيدت بها نفسك وجرب ولن تخسر شيء .صدقنى الإنسان عدو ما يجهله
للمحترف......
أعتفد إنك عارف مميزاته كويس ومش هاتستنى نصيحة وأكيد طبعا عارف إنه مفتوح المصدر .بمعنى أخر إن كود برمجته متاح للجميع.يعنى لو عندك خلفيه برمجية تقدر تعدل وتطور فيه علشان يبقى مناسب لإحتياجاتك الشخصية.

تمام كده ؟ طيب علشان أكون منصف وعادل نذكر عيوبه فلا شىء كامل الكمال لله تبارك وتعالى

1-بدء البرنامج.
هو بياخد وقت أطول من المتصفحات التانيه فى الفتح .مش وقت طويل أوى يعنى
2-بيستهلك رام.
بص يا سيدى لو هاتشغلة كده من غير أى إضافات هايشتغل معاك تمام....... طيب عجبك وحبيت تزود إمكانياته يبقى تزود الرام عندك . ليييييه؟ قولتلى ليه ؟ أقولك ليه . لما بتضيف الملحقات وتيجى تشغله بعد كده . إنت كده مش بتشغل متصفح وبس .لالالالاإنت كده بتشغل حزمة برامج علشان كده نصيحة ماتحملش غير اللى هايفيدك وبس
3-تناسق الصفحة.
أهى دى بقى أكتر حاجه بتخلى الناس تهج وتطفش من البرنامج بحجه إن الصفحه مش مظبوطه وناقصة . عموما هما عملوا إضافة تعالج المشكلة دى هانبقى نمر عليها إن شاء الله فى الموضوع .
والله بعد المقدمة دى لو معجبكش او مرتحتش لكلامى روح لموقعهم الرسمى وهما هايقنعوك بس خد بالك لازم تكون جامد زيى فى الانجليزى

فاصل إعلانى ونعود
(برجاء عدم الردود إلا فى نهاية الموضوع)

[صدى الخيال]

موضوع يستاهل الشكر والتقدير


وننتظر المزيد..............................

[Tariq Elmasry]

مستنين بقالنا يوم كامل يا Agent1001 انت نسيت الموضوع ولا ايه

[agent1001]

أخيرا بعد طول عناء من رفع الملفات نظرا للسرعة الجنونية التى أتمتع بها نأتى للتحميل


لمن يريد التجربة .!!. هذه نسخة بورتابل.







عجبك البرنامج وعاوز النسخه كامله ؟ أهى.






دى بقى علشان ماتوجعش دماغك بالتنصيب نسخه نازل معاها شوية إضافات وثيمات.
تنصيب صامت يعنى
(عمايل إيدايا وحياة عنيا)




أوعى تسألنى عن شرح للتنصيب زى ما إتفقنا دى خطوه ممكن يعملها أخوك او اختك الصغيريين

و



و




ومعلش فاصل ونعود.

(برجاء عدم الرد حتى ينتهى الموضوع)

[agent1001]

المرحلة الثالثه من الموضوع
------------------------
إعدادات المتصفح(لمن أراد)
------

المرحله دى مهمه للى غاوى وجع دماغ يعنى مش ضروريه بس لو عملتها أكيد هاتفيدك
ندخل فى المفيد

معلومة :- تعرف بروتوكول http بيعمل ايه ؟
البروتوكول ده هو المستخدم لنقل الصفحات وعن طريقه يتم إرسال عدة طلبات لحد ما تلاقى إجابة العمليه دى بيسموها Pipelining
الــPipelining ده بيقلل من الوقت إللى بتتحمل فيه الصفحة بس العمليه دى مش بتتم على كل السيرفرات بس الأغلبيه بتم
نرجع لموضوعنا
إفتح المتصفح وفى شريط العناوين إكتب about:config ودوس Enter
بعد الصفحة ماتحمل هتلافى تحت شريط العناويين شريط تانى اسمه Filter
الشريط ده هو اللى هنتعامل معاه فى الكام خطوه اللى جايين
ونبدا بأول حاجه
نكتب جواه network.http.pipelining وتدوس طبعا Enter
اللى ظهرلك فى الصفحه تدوس عليه دابل كليك وتغير القيمه من False لــ True

ونتكب تانى network.http.pipelining.maxrequests وكالعاده دابل كليك ونغير الــValue نخليها 8

إللى بعده network.http.proxy.pipelining دابل كليك ونخليها True

إللى بعده network.dns.disableIpv6 ونخليها True

بعد كده ندوس كليك يمين فى الصفحه إللى إحنا فيها ونختار New >>>>>Boolean المربع إللى إتفتح قدامك ده إكتب جواه interrupt.parsing
وبعد كده تخلى الــVaule يبقى True

وتانى كليك يمين ونختار New >>>>integer
ونكتب جوه المربع max.tokenizing.time ونكتب القيمه 2250000 ودوس أوكى

وتانى برضه كليك يمين ونختار New >>>>integer ونكتب جوه notify.interval ونغير القيمة فى المربع اللى بعده لــ750000 وبعدين أوك

إللى بعده كليك يمين ونختار New>>>>Boolean ونكتب جوه notify.ontimer ونخلى القيمة True

وتانى نختار New>>>>integer ونكتب notify.backoffcount ونخلى القيمه 5


كليك يمين ونختار New>>>>Integer ونكتب جوه switch.threshold ونخلى القيمة 750000

كليك يمين ونختار New>>>integer ونكتب nglayout.initialpaint.delay ونخلى القيمة 0

كليك يمين ونختار New >>>>integer ونكتب ui.submenuDelay ونخلى القيمة 0 برضه

كليك يمين ونختار New>>>>Boolean ونكتب جوه plugin.expose_full_path والقيمة تكون True

وأخيرا كليك يمين ونختار New>>>>integer ونكتب جوه browser.cache.memory.capacity ونكتب القيمه 65536

وبكده إخوانى نكون إنتهينا من الرحله الثالثه
المرحله القادمه هى الاضافات والثيمات

[Tariq Elmasry]

شكرآ لك وننتظر المرحله الرابعه

[agent1001]

المرحلة الرابعة والاخيرة
------------------
الإضافات والثيمات
------------
المرحلة دى فى الواقع محتاجة كتاب علشان أكتبة كلة عن الإضافات علشان كده أنا مش هاقول غير الإضافات المهمة أوى أوى إللى تفيد الجميع
(ملحوظه) أنا هاحط إسم ولينك الإضافة أما بخصوص شرح إى إضافه فا هاتكون فى مرحلة الردود على الساده الأعضاء إن شاء الله


ونـــــبدأ


تعريف الأداه
----------
لتسريع المتصفح إلى وضعه الطبيعى بعد كثرة الإضافات
=======================

تعريف الأداه
------------
الصفحات إللى بتفتح معاكوا ياخوانا بسرعة 10 سنتيمتر فى الساعة بسبب ملفات الفلاش إللى جوه. الإضافة دى بقى بتوقف ملفات الفلاش دى يعنى الصفحة هاتركب موتور إكسبريس فى الفتح
======================

تعريف الاداه
----------
حمل ياسيدى ملفات الفيديو من
youtube .google . metacafe ومن اللى انت عاوزه
=========================

تعريف الأداه
-------
أظن إسمها واضح . الإضافه دى بترجم من وإلى كل اللغات ومن ضمنهم العربيه ميكنة عمله يستدعيها من جوجل
===================

تعريف الأداه
-------
لمن تظهر لهم الصفحات غير متناسقه تتيح لك هذه الاداه إظهار الصفحة داخل صفحة إنترنت إكسبلورر وأنت داخل الفايرفوكس
=============================


تعريف الاداه
-------
الاداه دى بتمنع الصفحات إللى بتفتح لوحدها زى الإعلانات وماشبه
======================

تعريف الأداه
--------
الاداه دى لذيذه لماتدخل على اى موقع من المواقع اللى بتتطلب التسجيل كى تشاهد المحتوى وتضطر للتسجيل بإيميلك وعندها يصبح ايميلك ضحية
مع هذه الاداه تصبح هذه المواقع هى الضحية لانها تتيح لكبضغطه واحده عمل ايميل وهمى لتضعه فى المواقع
====================

تعريف الاداه
-------
الاداه دى بتشغل الجافا اسكربت والذى منه من المواقع الموثوق منها (يسلاااااام حماية صحيح)
================

تعريف الاداه
---------
وسع مكان فى التاسك بار وحط متصفحك جنب الساعه
=======================


تعريف الاداه
---------
علشان تحفظ المفضله بكلمة سر ليك على النت وتقدر ترجعها تانى سواء على جهازك او جهاز غيرك
===========================
===============
الجزء الثانى من المرحلة الرابعة
-----------------------------
الثيمات
-----
بص بقى أنا هاحط كام ثيم كده من اللى انا بحبهم عجبوك خير وبركة. عاوز تانى بقى اتعب انت وخش جيب















وبذلك ينتهى الموضوع وأرحب بأى إستفسار
ولا أرغب غير بدعوة لى عن ظهر غيب بالشفاء

[Tariq Elmasry]

جزاك الله خيرآ على هذا العمل الرائع

واعانك على المزيد

اخوك طارق المصري

[->Hussen<-]

السلام عليكم ... موضوع يستحق التميز .. ابدعت فيه بالشرح والكتابة والجمال ايضا ...

بالتوفيق اخي

[Ahmed360x]

جزاك الله خير أخوي على الموضوع الرائع

وحبيت أشكرك شكر خاص علة ثيم internet explorer
أخر ثيم في القائمه