ياليت تساعدوني في إختيار الـLCD المناسب للـPS3

[Snow Whiteness]

السلام عليكم

احتاج مساعدتكم في شراء تلفزيون LCD 26 بوصة ويكون مناسب للـPS3

كنت أنوي شراء تلفزيون سوني KLV-26V300A

لكن بعد ما شفت الناس تمدح سامسونج للألعاب غيرت رأيي

وراح اشتري تلفزيون سامسونج إن شاء الله

بس اللي مخليني مافكر بسامسونج من قبل لانه رديء وواجد ناس يشتكون منه

يعني يخترب بسرعة

المهم الحين أبي تلفزيون سامسونج 26 بوصة ومناسب للـPS3

وماادري شنو آخذ ..فياليت تساعدوني و تفيدوني بخبرتكم

[alwazere]

سلام عليكم ..

شوف اخوي انا جربت سوني وجربت سامسونج طبعاً مافي مجال للمقارنه لأن السوني هو الافضل

ولكن في اشياء افضل من السامسونج مثل toshiba rageza وعندك كمان sanyo

واذا انت مصمم على سامسونج .... خزن رقم الصيانه بجوالك واحتفظ بالضمان قبل لا تاخذه

[يورو]

السلام عليكم اخوي معك عادل سوبر خبير الاجهزة الالكترونية

انصحك شا شة BENQ LCD مجربة من افضل شا شات LCD وساليت المحلات عن مواصفاتها روعة

جميع ما تحتاجم من مخارج كيبلات موجودة فيها ومنها HDMI الي بيدعم مضخم الصوت

وشا شة عالية الوضوح مع كيبل كمبيوتر لروئيته على الشاشة ومخارج اخرا للفيديو

[Snow Whiteness]

هلا فيكم اخواني

انتم بتدوخوني زيادة

انا حاطة بالي يا سوني يا سامسونج


شكلي برجع على سوني

ياجماعة أبي تلفزيون حلو متفق عليه

يعني مو كل واحد يجيب موديل

ويوهقني

طيب خلاص لا سوني ولا سامسونج

عطوني موديل تلفزيون حلو للبلاي ستيشن وبس

[روح البلانكو]

يا الحبيب خذلك Sony Bravia S400A

[snake109]

والله انا برضو نفس مشكلتك محتار بين سوني وسامسونج مع ان الاكثريه يمدحون سامسونج
وشوف الرد الي بيردوه لك الاعضاء
وانا شكلي راح اشتري مثلك لاني كنت بافتح موضوع لكن موضوعك يكفي

[Snow Whiteness]

يا الحبيب خذلك Sony Bravia S400A

طيب اخوي هذا وين ألقاه وكم سعره؟

انا سألت عدة محلات يقولون موموجود

[Onvi]

أنصحك بـ Sony Bravia 26 LCD-TV KDL-26U2000

إنت قلت إنه سامسونج أحسن للألعاب بس هذا مو معناته إنه سوني أسوأ

وطبعا الراي الأخير لك

[Snow Whiteness]

والله انا برضو نفس مشكلتك محتار بين سوني وسامسونج مع ان الاكثريه يمدحون سامسونج
وشوف الرد الي بيردوه لك الاعضاء
وانا شكلي راح اشتري مثلك لاني كنت بافتح موضوع لكن موضوعك يكفي

نستفيد من الموضوع معا إن شاء الله ^^

[Snow Whiteness]

أنصحك بـ Sony Bravia 26 LCD-TV KDL-26U2000

إنت قلت إنه سامسونج أحسن للألعاب بس هذا مو معناته إنه سوني أسوأ

يؤ مالقيت بموقع سوني هالموديل

طيب اخوي ياليت تقولي كم سعره ووين ألقاه ؟بأي محل بالكويت ؟

___

اذا سامسونج احسن من ناحية الالعاب معناته ان سوني اسوء من هالناحية

[Al-RaQmi]

26 بوصة ومناسب للـPS3

اذا 26 بوصة لاتشتري تلفزيون LCD ووفر فلوسك
اقل اقل شي 32 بوصة .. 26 صغيرة جدا

[Snow Whiteness]

اذا 26 بوصة لاتشتري تلفزيون LCD ووفر فلوسك
اقل اقل شي 32 بوصة .. 26 صغيرة جدا

لا بالعكس اخوي 26 بوصة مو صغير

انا مابي سينما

ابي شي يشغل البلاي ستيشن وخلاص

[Nawaf945]

هلا بك أخوي انا عن نفسي جربت سوني BRAVIA وإذا تبي أفضل الموصفات ما تحصلها إلا في 32بوصة وما فوق
بالنسبة للشاشة اللي عندي فئه جديدة بالسوق وطبعاً 32 بوصة
أما عن موديلها LCD W KLV-32W400A
وكذالك مكتوب عليها FULL HD1080
طبعا هي عليها عرض حاليا في السعودية لأن سعرها كان 4500 ريال أول ما نزلت أما الحين 3999ريال
بالنسبة ps3 على الشاشة شي ثاني ..
أتمنى أن أكون قدمت شي
وشكرا

[Snow Whiteness]

هلا فيك اخوي Nawaf945

انا كان ودي أشتري 32 بوصة

لكن بصراحة مادري وين اوديها

غرفتي صغيرة واللي يناسبها 26

على العموم مشكور اخوي

وجزاك الله خير

[Al-RaQmi]

يرى 32 ماهي شي صغيرة جدا جدا
شريتها واقول ووووواو وين اودي هذي لكن الحين تحسفت عليها تمنيت انها كانت 40 بوصة ^,^"
فراجع نفسك خسارة 26 بوصة كانها تلفزيون عادي