عضو جديد
ابي اتعلم انجليزي
السلام عليكم ابي طريقة بسيطة لتعلم الانجليزي خطوة خطوة يعني ماهي مشكلة لو تطول الطريقة لو مثلا كل يوم درس او في الاسبوع درس واحد يحفظه الواحد بصراحه عجزت وجربت اكثر من طريقة من حفظ الكلمات والجمل كاملة بس بدون فائدة اتمنى القى مساعدة بحلول او شخص مجرب
عضو متواصل النشاط
شوووووف يا أستاذي
أنا عمري 17 وماقد سافرت دول تتكلم انجليزي ودارس بمدارس حكومية لكن أتكلم زي البلبل ( ما شاء الله )
تدري كيف ؟
قبل ثلاث سنين تقريبا أو أقل طحت في الأفلام الأمريكية يعني أشوف باليوم فيلم فيلمين ثلاثة
بعد شهر حسيت نفسي فررررررررق
أول شي شوف الفيلم بالترجمة ( نعم بالترجمة ) طبعا لو تاخذ فيلم شايفه من قبل وتحبه يكون أفضل ،، شفه مرة ثانية بالترجمة أيضا ، وبعدها شف المقاطع اللي تعجبك في الفيلم اوكيه .. طبعا وأنت تشوف الفيلم حط تركيزك في الصووت قبل كل شي يعني لا تقرا الترجمة وتسرح .. وإذا سمعت كلمة أو جملة فاهمها حاول انك ما تقرا الترجمة ok حتى لو كلمات بسيطة زي how r u ،، علشان بهالطريقة تقوي الجانب السمعي عندك في اللغة ، وأيضا في الحوارات الطويلة شوي إذا لقطت كلمة عارفها ومتأكد منها لا تقرا معنى الكلمة في الترجمة ( ممكن ما تعرف وش أقصد بس سلك ) وبعدين شيل الترجمة العربية وحط الترجمة الإنجلش ( علشان تقوي القراءة والاسبلينج ) .. واستمر على هالطريقة في الأفلام ....
وأيضا حاول تخلي كل شغلك على الكمبيوتر بالانجليزي يعني عندك أي سؤال ودك تسأله أو أي شي بدال ما تبحث عنه بالعربي ابحث عنه بالانجليزي ..
وبعد .. لو عندك iPod مثلا حمل محادثات انجليزية واجلس اسمع لها .. ممكن ما تفهم شي .. ما فيه مشكلة .. وإذا كان مستواك وسط تحس انه تفهم جزء من اللي يقولونه لكن ما تقدر تلقطه في مخك وتترجمه .. برضه أوكي .. أهم شي اسمع واسمع .. وطبعا ركز ولا تمل .. عندي لك ملاحظة
مثلا لو أسألك how are you بتفهم الكلمة على طول ليش لأنها مرت عليك واجد وتكررت عليك كثير فمخك ما يحتاج يوقف ويترجم الكلمة .. الشخص اللي بتكلم انجليزي برضه ما يحتاج يوقف عند كل كلمة ، لأنه مخه تعود يسمع ..
وبرضه من فوائد الاستماع يا حبيبي انك تفهم الكلمات من دون قاموس وتعرف متى تستخدم وكيف تنطق .. شفني أنا ، أعرف كلمات قسم بالله مدري وش معناتها بالعربي ، لكن لو جيت أتكلم بتطلع الكلمة وتفهمها ..
وأكيد امسك قواميس أهم مفردات اللغة ، وحاول تحفظ كل يوم كم كلمة
إيه وأهم فااائدة ،، لهجتك بتطلع أمريكية 100%
والقرامر اللي كل الناس يقولون عنها صعبة وأنا أولهم .. بتصير تمشي على لسانك وأنت ما تدري
وشوف أنا واثنين من أصدقائي بدينا بنفس الوقت .. وكل واحد أحسن من الثاني ( ما شاء الله ألف )
وأخيرا أبغاك تدعي لي ولوالدي بدوام الصحة والعافية ..
عضو جديد
صحيح أنا معك أخوي و انا صارت معي و الحمد لله ممتاز و فاهم شوي تقريباً مثلك ..
الله يوفقنا و ياك ان شاء الله ..
عضو جديد
اخي الكريم خرير المياه ماني عارف كيف اشكرك الله يوفقك جربت طريقة الافلام بس ماهو بالشكل اللي قلته شكلي كنت اسرح كثير في الفيلم بحاول اني اتبع طريقتك مثل ما قلتها الله يديم الصحة والعافية لك ولوالديك ويسعدك ومره ثانية شكرا على ردك
عضو جديد
اخي الكريم عاشق ومحروم --- شكرا لك على مرورك وردك الطيب - بالتوفيق
عضو جديد
خرير المياة طريقتك رائعة ، وأنا ايضاً اتمنى اتعلم أنجليزي بس ماعندي جرأة
أخاف اغلط و انا اتكلم
لكن تعلمت مفردات بسيطة حلوة من المسلسلات الكوميدية الأمريكية اللي أعشقها مثل فريندز و ساينفيلد
بس تظل مشكلة الكتابة اللي امنية عمري أعرفها
عاشقها ،،
عضو جديد
السلام عليكم ورحمة الله وبركاته
صحيح اخوي خرير المياه طريقتك ممتازة لاكن في البداية لازم يكون عند الواحد شوية مصطلحات انجليزية
انا بصراحة افضل انه اول شي لازم يشتريله احد القواميس المصورة ( قاموس اكسفورد كمثال )
ويحفظ منه المصطلحات اللي الواحد يستخدمها في حياته اليومية ( يعني لا يروح من البداية يبغى يتعلملي المصطلحات الهندسية او الطبية )
يعني اقلته يفرق بين الملعقة والشوكة ..........
بعد تكون كم من المصطلحات عنده يتبع طريقة الافلام يصير يعرف كيف يركب المصطلحات داخل الجمل واكيد راح يتعرف على مصطلحات جديدة
اتمنى اكون افدتكم
ولكم مني اجمل تحية وتقدير
تحياتي
عضو موقوف
بكل بساطة حول كل حياتك بالانجلش، كل شي وكل حدث في حياتك تعامل معاه باللغة الانجليزية
ضوابط المشاركة
