السلام عليكم
والله اني سجلت عشان ارد على هاد الموضوع
انا مو طبيبة بس في حالة جاتني قبل كدا
من اكثر من سنة و انا كنت اعاني بضيق تنفس مصحوبة بكحة خفيفة
و الم في الظهر و الم في الكتف
كانت الام شديدة تروح و تجي و كمان لما اصلي ,, اسجد او اركع ,, كانت احس بشي يتحرك في ظهري بيطلع و ينزل
استمر عندي الآلام شهور الين لما قبل سنة ما قدرت اتنفس و رحت المستشفى
عملو لي تخطيط قلب و ما طلع في شي و بعدين عملو لي اشعة للصدر و طلع عندي هوا في رئة اليسار و الدكتور قال لي انو الهوا كتير و بيضغط على القلب و قال لازم نفرغ الهوا بسرعة
حطو لي امبوب و فرغو الهوا و مشي الحال
و بعد فترة جاتني نفس الحالة بس في اليمين و عملو لي نفس الشي و اخر شي قبل شهرين دخلت المستشفى عشان نفس الحالة في الجهة اليمين و قال الدكتور طالما جاتك مرتين لازم نسكت المرض و نقطع جزء صغييير من الرئة ( جزء الحويصلات الهوائية )
هاد المرض يجي نتيجة انو الحويصلات الهوائية تنفقع و الرئة تنكمش مثل البالون تماما
و هاد بيجي للإنسان [ حسب كلام الدكتور طبعا ] بيجي للشخص الي الرئة عنده تكون ضعيفة خلقة من ربنا فأي شي بيفقع الحويصلات الهوائية
ان كان ضغط حق الطيارة
او غوص في البحر
او اتخانقت و واحد ضربك على صدرك او ظهرك
و كحيت كحة قوية او عطست عطسة قوية
كدا قال لي الدكتور
بس حبيت اقول دا الكلام و لازم تعمل الأشعة ( اشعة X ) عشان تعرف بالزبط ايش هو مرضك و هل عندك هوا في الرئة ولا لا
تحياتي القلبية