ރϞ العيونރϞ
عيونك..حلوه؟؟ اذا حلوه الحمد لله..
بس لاحظي إن حلاوة العيون مو بالضرورة يعني إنها كبيره وواسعة ...
ممكن تلقين عيون كبيره وشينه إما بسبب بروزها مثلا أو جمود نظراتها أو تكون الرموش خفيفة
ومفقده العين جاذبيتها أو يكون فيه عيب جمالي فالوجه وخلق الله حسن
بس يكون في شي فالوجه من بشاعته يخليك تفقد التركيز فالعيون .. صح؟
تمام يعني اذا اقتنعتي انه مو شرط العيون الكبيرة هي اللي حلوه
طيب اذا ما اقتنعتي ... بقولك ليش ماتكبرينها ؟؟
وهاذي عاد مايبيلها شرح ..
كحل داخلي خارجي ظل ماسكرا كحل اسود بني اخضر ازرق تركواز ابيض لتوسيع العين ...
ظل غامق تحت العين يخفف التورم كونسيلر يخفي السواد تحت العين ألوان فاتحه توسع العين
وألوان غامقة تعني للعين توازن وماسكرا تكثف وماسكرا تطول ...
بس جيبيلك أي مجله أو ادخلي و ابحثي بالنت و المنتديات عشان تتعلمين
مو عشان تتفرجين وبتلقين اللي يناسب عيونك ويعطيها جمال ولو اني ماظن الحين في وحده ماتعرف تتكحل وتضبط عيونها ...
وبرضو اذا كنتي تلبسين نظاره طبيه جا الوقت انك تشيلينها ..
عندك ليزر وليزك وإذا ماتبين أو ظروفك ماتساعد سويلك عدسه طبيه وقضينا
ولو ماتبين برضو تقدرين تظلين على نظاراتك بس تختارين موديل يناسب تقاطيع وجهك
وإطار حلو يناسب كل شي ممكن تلبسينه يعني مايكون مره شكله عملي
مثل البرواز البني أو الأسود العريض ولا يكون فيه فصوص أو كريستال أو تدرجات ألوان زي اللي طالعه الحين وتطلع عيونك كنها كرنفال لحالها ...
ولو أخذتي الاثنين بتسوين معروف ... أما اذا وحده بس .. فانا لاحظت إن النظاره اللي بتدرجات الزيتي وتدرجات الكحلي وتدرجات العسلي وتكون بدون برواز ملون تجنن على الكل وتحلي أي وجه ..
طيب ..الحين رغم اللي ممكن تجملين عيونك فيه برضو مو واثقة من نظراتها معقول ؟
بتقولين اووووه بقعد 24 ساعه حاطه هالمكياج؟؟ وراي تدريس ووراي زوج وعيال واعجز قبل كل صلاه امسح واغسل وماله داعي كل يوم وأخاف تنعدم عيوني من الماكياج كل يوم والهوليلللااا اللي تقولونها كل ابو داايم...
إذا على المسح؟؟ فيه ألف نوع مزيل ماكياج سريع وسهل ومريح... وإذا ماتبين كريم في مناديل أزاله ماكياج واغلب الماركات منزلتها وإذا تبين شي أسرع وأسرع جيبي زيت جونسون بيبي اويل وامسحي فيه ثواني ويختفي الماكياج..
وإذا على البشره مافي أكثر من الكريمات المغذية لتحت العين منها جل ومنها كريم ومنها بخاخات فيتامين وكلها اسعارها مناسبه ..وإذا برضو ماتبين وعجازه لدرجه لاتحتمل .. تكحلي باثمد عربي مفيد ومنظف للعيون ومنزلينه اكثر الماركات باكثر من لون وانا عن نفسي استخدم الكحل العربي اللي من ماركة قيرلان منه اسود وبني واخضر وفيروزي هو بودره زي كحل العجايز بس علبته انيقه جدا ولونه مرره يجنن فالعين ...
وإذا على الرموشتقدرين تستخدمين ماسكارا زيت الخروع من بودي شوب تغذي لك رموشك زود على تجميلهم وفي كثير انواع ماسكارا مرطبه ومغذيه للرموش ماتكسرها ..
واعتقد الحين مالك عذر تقولين مافي وقت ولا تضرني ولا أمل واطفش .. محد يمل من الحلى والجمال .. وماظنك بتحسين بالملل لما يتغزل زوجتك بعيونك ولا يطلعها وهو فاتح فمه وأنتي تسولفين ... وإذا خافيه هو يمل ( لانكم ماتغلبون بالاعذار عشان ماتتزينون ) بقولك لاتحطين كل يوم نفس اللون ولا نفس الرسمه .. يوم خفيف يوم ثقيل يوم داخل العين يوم من برا ... وأنا اضمن لك إن مل من المكياج كله مابيمل من الكحل وهو قمة الجمال والانوثه ورغم كذا أكيد مابتقعدين عمرك كله بماكياج بيمر فترات بتقعدين فيها بدونه ... ولما تحطين مكياجك لازم يكون فعلمك انك تحطينه مو للإخفاء لكن للتجميل ودربي نفسك على هالشعور
صح ونسيت اقول ... نزل من فتره عدسات جديدة شفافه بدون لون للكن ميزتها انها فيها لمعه جناااااااااان لو حطيتيها مابيتغير لون عينك لكن بتصيرين زي البسيسه اللي عيونها تلمع ورموشها طويله ( اللي نشوفهم فالكرتون )
ماتلاحظون انه فالكرتون لما بسيسه ولا فاره ولا سمكه تدلع ماتدلع الا بالكحل والرموش هههههههه شفتوا كيف العيون قتاله
خصوصا اذا كانت مع بودرة خدود ورديه ومرطب شفاف يلمع شفايفك وماياخذ لونها بتطلعين شي
طيب لنفرض إن عيونك ولا شي ولا في أمل تحلى فعينك ولا فعين غيرك؟؟
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
تعالي للشيء اللي بعد الشعر والعيون
يتبع ...