أبغى أصير زيكم .... بليييز ساعدوني

[طموح الغد]

السلام عليكم ورحمة الله وبركاته
اعزائي ... دائماً يعجبني ويشدني التصوير الفوتوغرافي ...
وأمنيتي ان أصبح مصورة فوتوغرافية لكن بصراحه دايما اقول كيف وكيف وش يستخدمون .... الخ
كلها أسئلة تدور حول التصويرالفوتوغرافي
على العموم ... انا ابغى اتعلم

ممكن تساعدوني احقق ولو جزء بسيط من طموحي واصور زيكم

بليييييييييييييييييييييز

[the_sniper]

سلام عليكم اختي ...

هلا فيج بينه .. و حياج الله ...

ان شاء الله اتحقيقن الي تبينه ... و اتصيرين مصوره .... و طبعا الاشياء الي تحتاجينه
هي ... كامره تصوير ... و افكار .... و هذه كل شي تحتاجينه

شوفي ... انا في بدايتي ... كنت ادخل هذا المنتدى .. و اشوف الناس اتصور .. و اتحط صورها في المنتدى ... و عيبتني السالفه ... و قلت .. ليش ماروح و اشترلي .. كامره ... حالي حال غيري .. و اترددت .. قلت يمكن اشتريها .. و اندم .. و ماعرف اصور ... بس ... اخر شي ... شريت ... و بديت اصور ... و و مع المارسه ... و التوفيق من الله ... صر اصور .. صور جميله ... و الكل في المنتدى يشهد على هذا (( الحمد الله على هذه النعمه )) ...

اذا انتي .. حابه التصوير ... و تبين اتجربين حظج في .... اشتريلج كامره ... ديجيتال ... احسن .... و انا بنصحج من الحين ... اذا فكرتي تاخذين ... خذي ... Sony Cyber Shot T-1 ... سعرها 1700 درهم/ريال ... يمكن اكثر شوي ... و اذا ماتوفر هذا المبلغ ... خذي شي . ... ارصخ ... ولكن ... اسألي قبل لا تاخذين ....
و ان شاء الله .. انشوف صورج ... في المنتدى .. و اتصيرين... عضوه فعاله ... و مصوره مبدعه ..


و دمتي سالمه

[طموح الغد]

الف الف شكر اخوي

الله يعطيك العافية على ردك
اكيد انا حاخذ برايك وبدون تفكير ... لاني لا امتلك راي الحين ولانك ماشاء الله عليك ما يحتاج
بس ياليت اشوف شكل الكاميرا لاني ما اعرف اي شي عن هيك كميرات وبعدين هل هي احسن مواصفات الى الآن ...
تحياتي لك والف الف شكر وانشالله اسوي اللي يعجبكم ..

تحياتي

[the_sniper]

العفو


اذا من ناحية المواصافات ... الكامره ما عليها كلام ... بس ... انا اخترت هذه الكامره ... لانج مبتدئه ...

في كاميرات احسن منها .... بس سعرها غالي .. و صعبت الاستخدام ....

و هذا هي Sony Cyber Shot T-1


------------------------------------------------------------------------------------------------------------------


و ان شاء الله ... تعجبج الصوره


و سلالالالالام

[Another_One]

مشكووووووووووور أخوي القناص على المعلومات القيمة (فضولي )

.

[the_sniper]

العفو اخوي Another_One

[B@dr]

شوفي ... انا في بدايتي ... كنت ادخل هذا المنتدى .. و اشوف الناس اتصور .. و اتحط صورها في المنتدى ... و عيبتني السالفه ... و قلت .. ليش ماروح و اشترلي .. كامره ...

هذا نفس الشيء صار معي ..


و انا اقولك ..

أول شيء اشتري كاميرا ..


بعدين اذا اشتريتي الكاميرا .. خليها ملازمة لك في اي مكان ..

و كمان صوري كل الاشياء و صوريها من اكثر من زاوية و بأكثر من نمط للتصوير

و الهدف من هذا هو التعرف على امكانيات الكاميرا و كيف تستطيعين استغلال امكانيات

الكاميرا لتظهر لك ِ صورة جميلة ..


باختصار ..

التجربة هي التي ستجعلك ِ محترفة في التصوير ..


ولا تبخلي علينا بصورك ..

و بالتوفيق

[طموح الغد]

الله يعطيكم العافيه جميعا

مشكورين جدا ...
اخواني انا ما همني السعر بقدر ماتهمني الامكانيات والمواصفات ..
بعدين وين راح الاقي هالكميرات بنفس محلات الكميرات العادية

تحياتي لكم جميعا

[the_sniper]

بعدين وين راح الاقي هالكميرات بنفس محلات الكميرات العادية

اكيد ... و الله يوفقج

[طموح الغد]

السلام عليكم ورحمة الله وبركاته
اخواني الاعزاء
عزيزي سنيبر
ابشرك اشتريت الكاميرا اللي قلت لي عليها
ابغى الحين توجيهاتك لي لو ما اتعبك
والف الف شكر لك ولكل من يحاول مساعدتي

تحياتي

[طموح الغد]

وينكم
انا في اشد الحماس لرؤية الردود
توجيهاتكم بليز

تحياتي