السلام عليكم ...
موضوعي اليوم غريب بعض الشي ..واشكر الاخ غالي الساهر مراقب منتدى النثر والخواطر على أقتراحه لفتح مثل هذا الموضوع ....
الموضوع ليس للنقاش عن مصارع ...او عن مهران او أي شي يتدخل في الـ wwe ..
الموضوع سيتكلم عن بعض المواقف معاي انا وانشاء الله انتو تكملون اذا عندكم ...
من زمان ماكتبنا عن مثل هذي المواضيع وكنا فقط نهتم بقضايا ساحة المصارعه ..
شفت نفسي فاضي قلت خلني أكتب بعض المواقف اللي صارت معاي في المصارعه ...
مــاتأثير المصارعه على الأطفال وماسلبياتها ..انا ساتحدث عن بعض التأثيرات في المصارعه لكن مب على طفل بل علي انا ...وبصراحه صدقو وأنا أتلكم بشكل جدي يعني ماأمزح ..مايمر يوم الا أنفذ فيه حركة مصارعه والضحيه يكونو اخواني الصغار <<< مساكين
عندي اختين وحده عمرها 5 سنين تقريبا والثانيه عمرها 6 ونص تقريبا ...والمشكله يوم يجربون اي حركه يقومون بسرعه ومافيهم شي ><"
ومساكين مايمر عليهم يوم مايشوفون فيه حركة مصارعه ..وأغلب الحركات اللي يشوفونها هي ...شوك سلام أكثر حركه انفذها عليهم ...ولاست رايد لكن هذي بعض المرات تصير .لأنهم يقاومون وينزلون ويشردون برااا الحوش ....والحركه اللي مافي مفر منها هي تومب ستون ...
هذي الحركه
لازم تكون مجانيه بعد الشوك سلام <<< جرب شوك سلام واربح مجانا تومب ستون ..
وهم بصراحه تعلمو حركات مصارعه وصدقوني ان اختي 5 سنوات تجي عندي وتقولي خلني اسوي حركتي ..وعلى طول تنفذ ستون كولد ستانر ..وانا طبعا امثل معاها واسوي نفسي تعورت واخليها تثبت وشوي تفرح ..لكن اول ماتخلص من فرحتها تلاقي شوك سلام وتومب ستون ....واختي الثاينه حركتها المفضله بديجري ....وعلى فكره انا ماأرميهم الا على فراش فيه سبرينجات ...وانا سبب تأثرهم بالمصارعه ..لكن هم ماشوفون مصارعه بس يحبون يلعبون ..لكن لعبهم ان هم يظربوني وانا ماأظربهم وهذي فيها ظلم ..
وأنا رأيت الكثير من الأطفال اللي يلعبون المصارعه لكن في عائلتنا مافي غيري انا وأخوي اللي أصغر مني بسنه ونص نشوف المصارعه ....وانا هو كل فتره نلعب مصارعه ضد بعض ..ويتم استخدام الكرسي والصحن الألمنيوم ..لكن كل هذا تمثيل ..لكن في مره انا خليت أخوي ينفذ لاست رايد علي ..لكن لما رماني هو انا شفته هو طاح ؟؟؟وعلى طول مسك راسه وتم يتقلب ..انا قلت شكله يمزح ..لكن الحبيب صارله شي في رقبته ..انا لما جيت اطيح ركبتي ظربي في رقبته ...وتم يومين او ثلاث مايقدر يحرك رقبته زين ...واكيد الوالده والوالد ماقصرو معاي في السب ..وقالو هذي نتيجة المصارعه معاكم ...ومره أخوي رمى اختي الصغيره على الفراش ..سوالها F5 ..وعلى طول ظرسها انكسر ....
وفي أخ عندنا في المنتدى متأثر أكثر مني في المصارعه وينفذ الحركات على اخوانه الصغار <<<< يقصد cvd
cvd هذا قصته قصه ..يموت في شي أسمه مصارعه ..وانا يوم ألعب معاه طبعا تمثيل بس هو يظرب بشكل حقيقي ...هذا الدوووب ..مره رحت بيته ولعبت معاه مصارعه انا وهو وأخوي ...وانا كنت اريد أنفذ الـ rko على cvd لكنماعرف شو صار ودق راسي في السرير ..وطلع من راسي شوي دم ...والحبايب cvd وأخوي يكملون لعبهم ..<< ماهتمو بالجريح ..
ومره رحت عند cvd وكان هو طفشان ..وقالي ...شرايك نلعب مصارعه برااا ..يقصد على الرمل ..هذا انسان مب صاحي ...وتم يحن علي ويقول خلنا نلعب لين ماوافقت انا ...بعدين هو قال خلني اشيلك بس بشوف اقدر اشيلك ..وشالني مثل حركة الاست رايد ..وجا اخوي ودف cvd وانا طحت لى الرمل ...يعني صارتلي لاست رايد ...وCvd شكله خاف ان صارلي شي ..وقال اخو دفني مب انا طيحتك ...والله ستر ماصارلي شي ...
وفي الكثير من المواقف لكن مااقدر اكتبها كلها ...
واي واحد فيكم عنده مواقف يضعها في هذا الموضوع وانشاء الله الموضوع يكون للتسليه ..لأننا صارلنا مده مافتحنا مثل هذي المواضيع ..ومواضيعنا أشوفها كلها جديه ..خلونا نكون خفيفين شوي وأتمنى أن الموضوع أعجبكم ....