السلام عليكم .....
بدون اي مقدمات ابي اسئلك سؤال واحد .... عندك مشاكل جانبيه ؟
بصراحه انا مش حلال المشاكل لاكن تخصصي له علاقه بالمشاكل النفسيه المتزامنه مع الاوضاع الدراسه .... اسمع اخوي بصراحه حافزك ماعجبني ...وانت لاتفهمني غلط .... اعتقد هاذا مستقبل مش بلي ستيشن ..
الي فات مات خلنا نفكر ايجابيا ونضع حافز جديد ...
اولا اذا كنت سعودي مثلا بصراحه عاجبك الوضع الى احنا فيه !! اقصد احد لاقي يدخل الجامعه هاليومين ... ولله العظيم ان اخوي جايب معدل 96.50 % و ولا جامعه قبلته اشرايك ... وانت الحمد لله في جامعه وتخصص مااحد يحلم فيه " فكر بهالشى "
ثانيا.. نضره المجتمع لشخص الفاشل دراسيا " اذا تهمك " مانكذب على بعض وضعك صعب جدا جدا جدا لاكن ابدا مش مستحيل ;-) " ادري جالس تقول في خاطرك انت الي هو انا اشدراك " بصراحه الحمد لله انا تخرجت سنه 1998 ولعبت سنه وتوضفت سنه ولحين انابامريكا اكمل التخصص ... صدقني زمنا يختلف عن زمنكم ... الي ابي اوصله حاجه عمليه انت تقدر تعدي ولا لاء ... بصراحه اذكر اني مريت بحالتك مرتين وشديت حيلى بس ماقدرت
لاكن زميلي اسوء مني قدر بعزيمه الرجال انه يعديها ......
انا مؤمن بحديث عن النبي صلى الله عليه وسلم مايضرني لاكن معناه ان لله سبحانه وتعالى لايضيع اجر عامل اذا عمل ... والتوفيق مش بس في الدراسه .. انشاء لله انه عوضك عنه باحسن منه ...
الي ابيه منك انت في اي جامعه اذا كنت بالملك سعود او الملك فيصل يمكن اقدر اساعدك وخصوصا الملك فيصل لان عندي زملاء دراسه معيدين ..
وانشاء لله ماراح يصير الى الي فيه الخير لك بس شد على نفسك وخل الجميع يحسون انك من جد تبي تعديها ... وحركات الدكاتره انت عارفها ;-)
Run just as fast as I can
To the middle of nowhere
To the middle of my frustrated fears
And I swear you're just like a pill !!