ما شاء الله كل هذه فرحة
السالفة و ما فيها كان علي محاضرة الساعة 11 الصبح و اخوكم في الله -اللي هو انا- ما طلع من البيت الا 10:43 صباحا و المشوار ياخذ ربع ساعة تقريبا و الدكتور هذا يتاخر ربع ساعة عن الموعد لكن ان تاخر الطالب 5 دقايق ما دخله !!
المهم و احرك و امسك الطريق المختصر -محد يعرفه الا 3- بصراحة اليوم كان واضح من عنوانه اول تقاطع وصلته كانت في سيارة جاية من اليمين و سيارة من اليسار يعني انا بالوسط و كنت ابصير اول سندويتش سيارات في العالم لكن الله ستر و دخلت في البرحة اللي كانت قدامي ...
و اكمل المشوار طاير 150 -بعد الخصم 140 - ابلحق على الاشارة ..
كانت فيه تريلة ماسكة المسار الايسر و حركت للمسار الاوسط فاستغليت الفرصة لان صاحب التريلة ما دق اشارة و اتجهت للمسار الايسر اثر الاخو يبي يسوي U ريتيرن !!!!!!!!!
و ادوس الفرامل و الكلتش من الروعة و حححححححححححححححححححححأ طق ....
نزلت من السيارة و ما فيني الا العافية بس اللمبة الامامية على اليمين انكسرت و الباب اللي ورى يمين انبعج و الهندي يقول اس في سديق و من زود االذكاء ما دق اشارة الا يوم صدمته ...