هالووو..
كيف الحال؟؟ ( سؤال وجيه نصف العالم في حاله حرب والاختبارات النهائية بعد 3 اسابيع وشمعون بيريز لايزال مصيره مجهول)
اكيد معظمكم سمع عن دخول المملكة العربية السعودية( هاااااااااااااااه بدينا في السياسة!!) الى منظمة التجارة العالمية قبل حوالي سنتين وهذا بسبب ضغوط من الدول الاوروبية واكيد على رأسهم ضغوط من الويلات المتحده المررررريكية.
وطبعا بسبب دخول المملكة العربية السعودية لمنظمة التجارة العالمية فهذا يحتم على المملكة ان تقبل .قوانين.التجارة.العالمية مثلا , الشركات الاجنبية العالمية لها الحق في ان تأتي الى المملكة وان تبني شركة داخل اراضي المملكة وهذا بموفق قوانين التجارة العااااااااالمية..كحح كححححح..
وبذلك ففي الشهر القادم من السنة الحالية طبعا راح تدخل شركة اجنبية للاراضي السعودية وهي شركة اتصالات راح يكون اسمها ( تيليكوم) ولشده عبقريتي وذكائي الحاد نسيت جنسية هذه الشركة !
الدليل
كححح كححححح.... اكيد معظمكم لاحظ الاعلانات المكثفة والاغصابية التي تفرضها شركة الانفصالات السعودية حاليا , ففي كل مكان تلاقي اعلان من شركة الانفصالات عن تخفيض اسعار وبعض الخدمات بالمجان واضافة رقم صفر , وانا من كثر ماشفت اعلانات اضافة رقم الصفر للجوال حسبت انه هذا الرقم راح يحرر العراق من شده اهميته وان الجنس البشري انقذ من الانقراض !
في كل مكان اعلان من شركة الانفصالات السعودية تخفيض اسعار تخفيض مكالمات تخفيض×تخفيض الدنيا كلها تخفيض البحر الاسود انخفض 4 امتار تخفييي..الخ .
الان
ماعمركم اتساألتو لييييييييييييييييييييييييييييييييييييييييييييييييييييش هذه الاعلانات من شركة الانفصالات السعودية بهذا الوقت بالذااااااااااااااااااااااااااااااااااااااااااااااااات !؟!؟؟! الجواب واضح... بسبب انه شركة الانفصالات تبغى تجتذب اكبر قدر ممكن من الرؤوس البشرية وجني اكبر قدر من الاموال قبل ان تأتي شركة الاتصالات الاجنبية ووقتها راح نشوف معنى الاتصالات والسرعه الحقيقية..كحححح كححححححخخخ....
لذلك فإن قدوم..كححححححح...عفوا...لذلك فإن قدوم شركة اتصالات اجنبية هو امر حتمي لامرد فيه (( حتمي لامرد فيه ؟!؟!!؟!؟ من وين جبت هذه الجملة ؟!؟!؟!)) كلها شهر ويجينا الفرج وراح تنقذنا شركة الاتصالات الاجنبية من عذابنا اليومي اللي نواجهه من شركة الانفصالات السعودية جعل الارض تزلزل من تحت اقدامها ( لي 16 سنة ادعي هذا الدعاء وماحصل شي)..
الايجابيات..كحح كححححح..
ايش تبغوني اقول؟!؟! شركة الاتصالات السعودية بتنهب فينا وبتسرقنا وبتشفط القروش من بين ذرات جيوبنا واحنا مغصوبين ياعالم يعني تبغونا نقعد بدون تلفون ولا نت ؟!؟!؟! اخيرا جاتنا شركة اجنبية بتنقذنا من براثن السنة اللهب المنبعثة من لسان شركة الانفصالات السعودية^_^.
وفي واحد كلمني بالماسنجر وقالي : ياخي لو كان رئيس الشركة الاجنبية للاتصالات شمعون فلاديمير كريشتوف انا راح اكون اول من يشترك في هذه الشركة فاتورة التلفون جاتني 1400 ريال وانا تعرفني ماوراي شي في النت غير شات العنيزية وبس وتجيني فاتورة زي هذه ياخي يلعن**** وربي انهم**** اصلا هم**** من متى اصلا هذولي ال**** ....الخ.
يعني كلها شهر او اثنين بالكثير وثلاث ارباع اخماس اسداس اعشار اثمان المملكة العربية السعودية بتكون مشتركه بهذه الشركة الاجنبية للاتصالات خصوصا انه اسعارها بتكون تحطيمية ( مو تعجيزية مثل شركة الانفصالات السعودية) على الاقل راح اركب دي اس ال بسعر معقول مثل باقي العالم مو بسعر يبلغ 7 اضعاف الموجود بباقي العالم وخدمة زي ال****!!
جانا الفرج^_^
المصدر : المعلومات من جريده الشرق الاوسط الصفحه الاقتصادية اما باقي ال**** والتعليقات الجوهرية فجبتها من عندي^^.
جاتنا شركة اجنبية راح تنقذنا من شركة الانفصالات اخيرا^^ الله اكبر..الله اكبر...الله اكبر...معليش اندمجت شوية في الجو الحماسي^^
ملاحظة : انا فاتورة تلفوني جات 1769.14 الشهر اللي فات وانا اصلا بقعد بالنت 4 ساعات يوميا ومافي احد يتصل من البيت اكثر من 10 دقائق هيا من فين جابو **** ال1769.14 ريال هذولي!؟؟!؟!
ملاحظة ثانية : هذه ثاني مشاركة لي في منتدى المنتدى اول مشاركة نسيت في اي منتدى حطيتها !!
Thank U^^