صارلي 3 اشهر بالنادي وهذي التغيرات الي بجسمي وابي نصايحكم..!

[BrOtHeRsY]

السلام عليكم ..،

اشكركم شباب على مجهودكم المبذول بالقسم والله يعطيكم دوام الصحه والعافيه

فجأه بدون سابق تفكير قررت ادش النادي وابني عضلات واني ابدي على اساس ضخامه بعدها تنشيف لما اوصل الى الـ Fitness الي اهو تسمونه الفرنسي
وهذا التغير الي صارلي..

البدايه 23-10-2009
قبل لا ادش النادي كان
العمر : 21
الطول : 172
الوزن: 58 كغ

---------------------------------------------------------------------------------------

طبعا من بدايه الشهر الثاني 23-11-2009

استخدمت مكمل مو معروف اسمه Mighty Mass من المدرب معطيني ياه مع امينو

بعد النادي بشهرين 23-12-2009

وقلت بعد شهرين بقيس بالميزان الي موجود بالصيدليات

الوزن : 62.7
ومكتوب ان الوزن المثالي : من 60 الى 75

معدل السمنه : 20.9
ومكتوب المعدل المثالي : من 20 الى 25
---------------------------------------------------------------------------------------

استخدمت المكمل مع امينو مع كرياتين :

وبعد ما قست بشهر 23-1-2010

الوزن : 64.4
الوزن المثالي : من 60 الى 75

معدل السمنه : 21.8
المعدل المثالي : من 20 الى 25

* بيني وبينكم ما كنت مهتم بالـ 5-6 وجبات لأنه النوم كان مو مرتب
---------------------------------------------------------------------------------------

الأسئله :

1- الي اعرفه ان وزني لازم يكون 72 لأنه طولي 172 .. هل اني اوصله 72 بالعضل ولا بالدهون ولا شلون ؟

2- ازياده بالنسبه بالشهر 2 كيلو ، حلو ولا لأ .. يعني ممكن ازيد بالشهر 5 كيلو ؟

3- معدل السمنه جم لازم يكون ؟

4- االحين قلت بلعب شهر بدون مكمل .، واذا باخذ مكمل انا محتار يا جماعه بـ 3 انواع
أ.سيريس ماس
ب. بروكمبلكس
ج. واي بروتين
شختار؟

ملاحظه :

الي اعرفه الي يبي يضخم لازم يكثر من الكاربوهيدرات والبروتين ومن 5-6 وجبات 3 منهم رئيسيه مع النوم 8 ساعات والتركيز في التمرين هذا الي عرفته من من نصايحكم حق الشباب.
---------------------------------------------------------------------------------------

( هذي بدايتي مع الحديد واتمنى اني ما طولت عليكم و قواكم الله اخوكم BrOtHeRsY )

[mr/olympia]

وعليكم السلام
(الي اعرفه الي يبي يضخم لازم يكثر من الكاربوهيدرات والبروتين ومن 5-6 وجبات 3 منهم رئيسيه مع النوم 8 ساعات والتركيز في التمرين هذا الي عرفته من من نصايحكم حق الشباب.)

تعرف لو كنت عملت بهده المسئلة كنت هتشوف نتائج جيدة في الزيادة حتى لو انك لم تستعمل اي مكملات

[BrOtHeRsY]

اشكرك اخوي على ردك.. بس حسب ما عرفت اني ما اقدر اوفر كميه بروتين كافيه من التغذيه العاديه لأنها تطلب اكل كثير وصعب اني اقدر ..

[mr/olympia]

واجوبك ان شاء الله على اسئلتك
- الي اعرفه ان وزني لازم يكون 72 لأنه طولي 172 .. هل اني اوصله 72 بالعضل ولا بالدهون ولا شلون ؟
هي فترة الضخامة بتكون فيها نسبة من الدهون مغطية العضل وفيه انك تزيد عضل صافي ولكن لازم له وقت اكثر من الزيادة بنسبة من الدهون المهم ان الحجم العضلي يزيد ويكبر

ازياده بالنسبه بالشهر 2 كيلو ، حلو ولا لأ .. يعني ممكن ازيد بالشهر 5 كيلو ؟

2 كيلو في الشهر طبعا حلوة ادا كانت عضل صافي وتقدر تزيد حتى 5 كيلو ولكن لازم لها اهتمام كبير في تغديتك وراحتك بجانب تدريباتك
االحين قلت بلعب شهر بدون مكمل .، واذا باخذ مكمل انا محتار يا جماعه بـ 3 انواع
أ.سيريس ماس
ب. بروكمبلكس
ج. واي بروتين
شختار؟
بما انك تريد زيادة وزن سيريس ماس يفي بالغرض بجانب تغديتك لهي مهمة اكثر من شئ ثاني

معدل السمنه جم لازم يكون ؟

انا لعرفه هنا ان نسبة الدهون متكونش فوق 18 بالمئة هدا للاجسام الرياضية وكلما كان اقل كلما كان احسن وهدا طبعا لازم له نضامه

وبالتوفيق ان شاء الله

[BrOtHeRsY]

واجوبك ان شاء الله على اسئلتك
- الي اعرفه ان وزني لازم يكون 72 لأنه طولي 172 .. هل اني اوصله 72 بالعضل ولا بالدهون ولا شلون ؟
هي فترة الضخامة بتكون فيها نسبة من الدهون مغطية العضل وفيه انك تزيد عضل صافي ولكن لازم له وقت اكثر من الزيادة بنسبة من الدهون المهم ان الحجم العضلي يزيد ويكبر

ازياده بالنسبه بالشهر 2 كيلو ، حلو ولا لأ .. يعني ممكن ازيد بالشهر 5 كيلو ؟

2 كيلو في الشهر طبعا حلوة ادا كانت عضل صافي وتقدر تزيد حتى 5 كيلو ولكن لازم لها اهتمام كبير في تغديتك وراحتك بجانب تدريباتك
االحين قلت بلعب شهر بدون مكمل .، واذا باخذ مكمل انا محتار يا جماعه بـ 3 انواع
أ.سيريس ماس
ب. بروكمبلكس
ج. واي بروتين
شختار؟
بما انك تريد زيادة وزن سيريس ماس يفي بالغرض بجانب تغديتك لهي مهمة اكثر من شئ ثاني

معدل السمنه جم لازم يكون ؟

انا لعرفه هنا ان نسبة الدهون متكونش فوق 18 بالمئة هدا للاجسام الرياضية وكلما كان اقل كلما كان احسن وهدا طبعا لازم له نضامه

وبالتوفيق ان شاء الله

شاكرلك اخوي على اهتمامك والله يعطيك العافيه على اجوبتك السريعه وجزاك الله خير ..

ننتظر اجوبه اوراح اعتمد على الاغلبيه انشالله ..

[mr/olympia]

اشكرك اخوي على ردك.. بس حسب ما عرفت اني ما اقدر اوفر كميه بروتين كافيه من التغذيه العاديه لأنها تطلب اكل كثير وصعب اني اقدر ..

العفو يا اخي هو مش صعب ولكن لازم شوية اجتهاد لمعرفة القيمة الغدائية المتوفرة لديك وعلى حسب امكانياتك المادية

[منادة الليل]

كفيت ووفيت يا مستر اولمبيا

الافضل سيريس ماس

سكوب قبل التمرين بساعه وسكوب بعد التمرين ولنتائج افضل خليها 3 مرات . سكوب في الصبح وسكوب قبل التمرين بساعه وبعد التمرين....

[BrOtHeRsY]

كفيت ووفيت يا مستر اولمبيا

الافضل سيريس ماس

سكوب قبل التمرين بساعه وسكوب بعد التمرين ولنتائج افضل خليها 3 مرات . سكوب في الصبح وسكوب قبل التمرين بساعه وبعد التمرين....

اشكرك اخوي على مداخلتك وننتظر باقي الردود

[BrOtHeRsY]

حطيت رد عشان ما يروح الموضوع والخبره ما جاوبوا...

[mashkaljey]

الأسئله :

1- الي اعرفه ان وزني لازم يكون 72 لأنه طولي 172 .. هل اني اوصله 72 بالعضل ولا بالدهون ولا شلون ؟

ما قصر اخونا مستر اولمبيا جاوبك بالتفصيل

2- ازياده بالنسبه بالشهر 2 كيلو ، حلو ولا لأ .. يعني ممكن ازيد بالشهر 5 كيلو ؟

حتى في هذي جاوبك البطل

3- معدل السمنه جم لازم يكون ؟

وبعد بهذي جاوبك البطل

4- االحين قلت بلعب شهر بدون مكمل .، واذا باخذ مكمل انا محتار يا جماعه بـ 3 انواع
أ.سيريس ماس
ب. بروكمبلكس
ج. واي بروتين
شختار؟

لحظه ؟ توقف على اي اساس يعني ؟ ممك ناعرف السبب انك توقف شهر ما تستخدم مكمل ؟ امرك عجيب اخوي بالعكس لازم تكمل على المكملات ولازم تزيد وتشوف شنو تحتاج وشنو هدفك اللي بتوصل له اما انك توقف مكملات يعني بتوقف تغذي عضلك بالشكل اللي تعود عليه وبما ان التغذيه مثل ما فهمت من كلامك الاول مش ولا بد يعني بس اللي بتسويه بتحرق مخزون الدهون والبروتين والكربوهيدرات بجسمك من دون التعويض ؟ يعني حرق سعراتك الحرارية وماتعوض بالتالي اكيد مافي عضل راح يتضخم
شوف بالنسبة اذا تبي تزيد وزنك مع عضل استخدم السيروس ماس اما تبي بس عضل استخدم البروكمبلكس والواي بروتين اوكي بس البروكمبلكس احسن منه

ملاحظه :

الي اعرفه الي يبي يضخم لازم يكثر من الكاربوهيدرات والبروتين ومن 5-6 وجبات 3 منهم رئيسيه مع النوم 8 ساعات والتركيز في التمرين هذا الي عرفته من من نصايحكم حق الشباب.

كلامك صحيح وفهمك يدل على قرائتك للمواضيع بشكل ممتاز نعم ما تفضلت به كلام عن العقل لكن

في الضخامه نسبه الكربوهيدرات تكون اكثر من البروتين
وفي التقسم نسبه البروتين اعلا من الكربوهيدرات

وانت يبيلك منتج فيه كربوهيدرات

وطبعا اختم كلامي واقولك انت شغلك 100% قاعد تصعد عضل وتمشي صح يمكن زياده طفيفه بالدهون لو تلعب معده بتروح

استمر وبالتوفيق

[BrOtHeRsY]

وطبعا اختم كلامي واقولك انت شغلك 100% قاعد تصعد عضل وتمشي صح يمكن زياده طفيفه بالدهون لو تلعب معده بتروح


استمر وبالتوفيق

اول شي اشكرك اخوي مشكلجي على ردك الكافي والوافي والي يعجبني فيك صريح وتقول الي ينفعني ...
ومن باجر بروح اخذ البروكومبلكس وانشالله الامور تمشي تمام ..
بس تدري اني انا قاعد العب معده كل يوم ! ومعدتي مو مبينه لما اكون مرخي، بس لما اشد تبين الـ 6 بآك .. ادري انك بتقولي اقرى موضوع الرسمي الي بالمواضيع المميزه وقريته وشفته اكثر من مره بس المشكله ان في شغله معقدتني :

يقولون الي ياخذ بروتين بدون ما يلعب معده ( كل يوم ) راح يطلعله كرش وترهلات وانا ماني ناقص

اذا عندك خلفيه عن هالموضوع يريت تفيدني وكلكم ما قصرتوا وعساكم عالقوه ..

[mashkaljey]

يا الغالي مساله ان البروتين يكبر الكرش انساها الا في حال لو تاخذ منتج فيه كربوهيدرات عاليه ونسبه الفات بعد

لكن البروكمبلكس ممتاز اهم شي لا تخلطه بالحليب لان الحليب حتى لو كان خالي دسم يقولك يعطيك فات زيادة

والبروتين انت عارف ان كل كيلو بجسمك يلزمه جرام ونص الى جرامين بروتين يعني البروتين بيروح ما بيبقى ويكبر المعده

لكن اذا انت عندك المعده مفصله ليس تهملها ؟ ترى تتعب صدقني حتى ترجعها لحالتها مره ثانية

بالنسبة للوزن ترى يختلف لاعب كمال الاجسام عن الانسان العادي لان النسبه اللي تقول وزنك يقارب طولك يعني طولك 180 لازم وزنك 80 هذي للناس العاديه اجسامهم تكون موزعه نسبه الدهون على الماء على كتله الجسم

اما لاعب كمال الاجسام عادي لو تشوف واحد طوله 180 ووزنه 75 مثلا وكله عضل على بعض وناشف من الدهون لكن مو ضخم

ويمكن تشوف واحد طوله 180 ووزنه 100 لكن ماشاء الله كبت متحرك عضلات مفتوله وضخمه لكنها غير مقطعه

وعندك ابسط مثال ابطال العالم مثل

Leo Ingram






هالبطل طوله 177 سم ووزنه 107 كيلو جرام

هل نقول عنه متين ؟؟ اكيد لا جسمه مصيبه

يعني زبده الكلام وزنك لوعضل عادي يكون بحدود ال 65 مالك شغل بقياسات الصيدلي اخذ انت قياسات الباي والصدر والاكتاف كل شهر عن طريق النادي خل المدرب ياخذ فروقات الزياده ويقولك وين التغير ووين تحتاج تزيد التركيز باللعب

وموفق

[BrOtHeRsY]

تسلم اناملك اخوي مشكلجي ويعطيك الف عافيه على هالاهتمام بالردود ..

انشالله راح االتزم بالي قلتلي عليه والله يسهل علينا وعليك ..