كنت احسب اني عرفت الحب قبـل اعرفـك
وعشقت قبل اعشقك واشتقت قبل التقيك
وكنت احسب اني لقيت احباب قبل اوصلك
واثـري توهمـت فـي غيـرك وانـا كنـت ابيـك
تـعـال نعـطـش وتشـربـنـي وانـــا اشـربــك
تعـال قـبـل الـوعـد اجـلـس مـعـي نحتـريـك
تعـال شفـنـي وانــا استـنـاك كــم اشبـهـك
يطـري علـي الـف راي و راي واحـتـار فـيـك
اجــي مـكـان الـوعـد والا اسـبـقـه انـطــرك
والا آخــذ المـوعـد الـلـي يحـتـريـك واجـيــك
يــا آخــر الـحـب ذقــت الـحـب فـــي اولـــك
ويا اول الشوق اقصـى الشـوق مـا ينتهيـك
علمتنـي كيـف اعرفـك لـيـن صــرت اجهـلـك
ضيعتـنـي فــي متاهـاتـك وكـنــت ارتـجـيـك
حـبــيــب الاحـــــلام يـابــعــدك ويـامـقـربــك
حـــرام يـكـفـي تبعـثـرنـي وانــــا احـتـويــك
ان شفـتـك بحـلـم صدقـتـه وانـــا اتـوهـمـك
وان شفـتـك بعـلـم كذبـتـه الـيــن انتـشـيـك
اخـاف اغمـض عيونـي وان رمشـت افقـدك
واخــاف افـتــح وتـصـبـح حـلــم ولا التـقـيـك
