السلام عليكم ورحمة الله وبركاته
كيف الحال جميعا ان شاء الله انكم طيبين
انا من زمان اتابع هذا المنتدى الطيب وهذي اول مشاركه لي فيه وما شاء الله منتدى من اروع المنتديات اللي دخلتها من اداره واعضاء ومواااضيع قيمه
انا حبيت استفسر واخذ رايكم في اوكسي لايت للتخسيس ,,,
الموضوع وما فيه ان عرسي ان شاء الله تاريخ 9-7-2011 يعني بعد شهرين ونص تقريبا
وعندي مشكله الكرش ((ماهي كرش كبيره بس هم مشكله)) وودي اشيلها طبعاً اطمح ب6 باك ولكن مو مشكله راضي لو تروح الكرش بس ^_^
انا طولي 172
ووزني 73
طبعا شكلي بشكل عام مو متين ولكن فيه كرش ملحوظه يعني اكتاف وصدر عادي بس في كرش لدرجةً اكثر من شخص يقولي سالم طالعتلك كرش
انا قبل اسبوعين تقريبا دخلت نادي واستمريت مع المدرب اسبوعين طعبا المدرب عطاني نظام غذائي (( دايت )) وقالي استمر بالنادي
في البدايه كانت الفكره جازتلي ولكن مره كنت اكلم طبيب دكتور عندنا في الكليه فقالي انت ما يحتاج دايت العب معده واكل طبيعي لانك اذا بتاخذ حبوب او تسوي دايت راح تضعف ويضعف وجهك ويصير منظرك مش كويس على قولته
اما المدرب فيقولي انا اعرف انت اشتبي وما راح اخلي وجهك يضعف يعني ابتابع وياك اول باول
بصراحه في البدايه ما كان في بال المدرب اني اخذ الحبوب ولكن اليوم قعدت اسولف وياه وسالته عن الحبوب وقالي اخذ احسن عشان نوفر وقت وننجز في التمارين
فحبيت استشيركم اشرايكم في اوكسي لايت وهل تنصحوني فيه ؟
وبالنسبه للكرش هل لازم اسوي دايت ولا بالتمارين بس تروح ؟
وسمحولي على الاطاله
ويعطيكم العافيه ولا تبخلو علينا بنصايحكم
العرس قرب ياجماعه
المشاركة الأصلية كتبت بواسطة salim24
