هذي قصه بحكيها لكم اتمنا تقرونها بتمعن
لانها جدا ً جدا ً تحمل معنا المأساه وراح احكي كل شي بتفصيل
القصه لي انا وقعت وانا مسافر من الرياض لجده
كنت مسافر وانا على الطريق السريع وكنت امشي بسرعه جنونيه
وبعدين سمعت صوت في سيارتي غريب فتوقفت ابي اشوف مصدر هصوت
وياليت اني ماوقفت من هنا بدأت المأساه بعد مانزلت من سيارتي
وانا كنت اطالع في سيارتي فجئه وقفت خلف سيارتي سياره كابريس قديمه
توقعت انه يبي يساعدني لكن تفاجئت اني كنت اسمع شجار وهواش بصوت عالي
في سيارتهم وكان صوت رجل وامراءه كانت الساعه الثانيه فجر ماقدرت
اشوف الي بسياره
خصوص النور الساطع الي كان ينور علي من سيارته منعني من شوفت اي شي
قلت مالي ومالهم بطنش وروح لكن تفاجئت ان الرجال نزل من سارته وهو يسب ويلعن
وراح لباب الراكب فتح الباب وسحب الحرمه ورماها على الارض وقعت على ظهرها
عشانها كانت شايله طفله صغيره بحظنها اه كم كانت طيحتها مؤلمه وراح
هو ركب سيارته ومشى
لحد ما صار مواجه لي ناظر فيني واشر بيده للاعلى يقصد القمر وشر بيده اشاره تعني الموت
يعني وضع يده على رقبته وسحبها بنفس حركة السكين انا مالقيت تفسير
غير انه واحد معصب ويسوي كذا
رحت بتجاه الحرمه خذيت الطفله من يدها يالله كانت بمنتهى الجمال ورقه ولبرائه
قامت الحرمه قالت شكلك توهقت فيني الله يعينك وش جابك وليوم 15 بشهر
قلت اشمعنى قالت لالا
ولاشي انا ساكنه بقريه قريبه من هنا مرح اتعبك بس ياليت توصلني لهلي
وتشهد معي على الي سواه هظالم فيني
قلت زين ركبت في المرتبه الي قدام ما قدرت اقول لها شي توقعت انها من
الموقف ناسيه مشينا بطريق صحراء بر وحنا نمشي قالت
لي بجد ليه انت جيت تاريخ 15 تدري ان القمر اليوم بدر؟
قلت ايه بس شلمشكله قالت لالا ولا شي قاطعت كلامها بسؤالي
عن الطريق لانه طلع ثلاث اتجهات قدامي
قالت عادي اي واحد كلهم يوصلون للجحيم قلت نعم؟
قالت اقصد بيتتنا البيت الي رضى اني اتزوج هلظالم وفجئه انتها الطريق مابقى له اي اثر
قلت ولحين قالت وصلنا طالع عن يمينك ويسارك طالعت شفت احجار سود ومتفرقه كل مجموعه
بلحالها قلت وش ذا كنها مقبره قالت بظبط هي مقبره نزلت هي من السياره وهي تشيل بنتها
قعد وحدي في السياره وصراحه كنت جدا ً خايف بس قلت عيب تنزل حرمه ومو خايفه وخاف انا
جيت من رواها وقلت لها طيب ونقطع صوتي قبل انطق الكلمه الثانيه لانها التفت علي وكانت
بدون ذاك النقاب الي يغطيها وتفاجئت عمري ماشفت بجمالها بدنيا كانت اجمل وجه شفته بحياتي
لدرجة اني عجزت انطق كلمه وحده وصرت اتأملها ونسيت من كل شي
قاطعت تأملي ببتسامه
كانت اشبه بسحر وقالت ادري اني اجمل وحده شفتها بحياتك تصدق انت نصيبي
او الموت نصيبك
قلت الموت عيونك سبحان من خلقك وش هلجمال كله انتي من البشر؟
قالت حتى الملاك مو اجمل مني وخذت تنزل من كومت الملابس الي عليها قطعه ورى قطعه
وكل ما بان من شعرها او من وجها شي كان يبين مدى جمالها وفجئه رمت بنتها على الارض
بطريقه وحشيه استغربت قربت بشيل الطفله قالت لا خلها هذي منه هو
وانا مايلزمني اي شي له
قلت لا حرام وش ذنبها جيت بشيلها ومسكت يدي كانت يدها ناعمه لدرجة اني كنت
احسها بارده جدا ً جدا ً وكنها تحمل قطع ثلت في يدها
رفعت نفسي حتى صرت مواجه لها تمامن قالت ادري انك انعجبت فيني ودري انك تحس انك
مستعد تخسر اي شي وتكسبني كنت اقول من داخلي ايه ايه اي شي
حسيت بحب تجاها وغرام او عشق بحسن توصيف قالت تدري وش تسوي وتكسبني
ممداه كملت كلامها الا وانا اقول اطلبي اي شي بهدنيا بس كوني لي
قالت اوكي بكل بساطه ابيك تقتل هلبنت الحين عشان نرتاح منها وعيش معك لان مالي اهل اصلن
ارتجفت من راسي لرجليني قلت لا مستحيل اكيد تمزحين قالت لا انا ما عمري مزحت
اليوم لازم تموت هطفله
انت ليش جيت وليوم 15 بشهر؟
قلت قدري قالت الموت قدرك او قدرها تذكرت الرجال يوم كان يأشري على القمر يأشر بأشارت الموت
خفت اكثر قلت لالا البنت بتبقى معنا قالت بتفذ او لا؟
استفزني لهجت الامر بكلامها قلت طبعن لا
تفاجت انها ماسكه مسدس بيدها وقالت تنفذ او لا لا ما كنت احس بجديتها قلت وسلاح بعد
انتي مجرمه ولا ملاك معقول كل هلجمال ولانوثه وهرقه يكون خلفها هلوحشيه
وطلقت اول رصاص وكانت قريبه جدن من قدمي وقالت تدري بين قدمك وقلبك اقل من متر
اقدر ارفع المسدس اكثر من متر ورفعت المسدس حتى صار مواجه لوجهي تمامن
ايقنت بجديتها وشفت الموت وختلط علي كلام الرجال وصوت المسدس وكل شي يوحي
بانه الموت مافي غير الموت
قعدت مثل الطفل اترجاها تعفيني ولتفتت وفتحت شنطتهاو طلعت من شنتطها فاس يلمع من حدته
وقالت بظربه وحده من هلفاس على رقبت هطفله بتموت ما نبيها تتعذب بسرعه اقتلها
وخل ضربتك بمكان قاتل قلت لا مستحيل ارجوك
وطلقت ثاني رصاصه ولامست كتفي الايسر الا انها ما تكمنت مني زين قالت
ادري انها يدوب جرحتك
وانا محترفه جدا ً اقدر اصوب على السواده الي في عيونك ولا تخطي الرصاصه موقع التصويب
وجدت نفسي ملزوم انفذ او اموت عرفت قيمة الحياه وقتها وعرفت قدايش انا متعلق فيها
رمت الفاس على الارض وخذيته انا ورفعته لاعلي ونظرت في عيون الطفله
كان القمر يعكس نورهفي الفاس الحاد جدن
عجبها المنظر وضحكت ضحكه كانت ضحكه بريئه جدا ً جدا ً
ونزلت دمعتي وقالت لي امها بعد لثلاثين يا اشوفها ميته او اشوفك ميت وبدأت تعد
1-5-12-18-24 كانت تتعدا نص الارقام واي رقم تنطقه يقربني اويقرب هطفله من الموت
عرفت انها بتقول 30 وحسيت ان بعد ما تنطقه بكون من عدد الاموات نزلت بلفاس بتجاه
رائس الطفله بكل ما املك من قوه وكنت اصرخ بصوت عالي حتى يزيد من حماسي
وقبل اني يوصل الفاس رائس الطفله بثواني او اقل من ثانيه قاطع تلك الظربه القاتله للبرائه
صوت مزعج جدا ً جدا ً جدا ً
توقعو وش هصوت
اعرف انه مر عليكم جميعن
صوت يمر على مسامعكم كل يوم الا ما ندر من ايامكم
كان ذاك الصوت كفيل بنقاذ حيات تلك الطفله
ارجع اقول توقعو من هو صاحب هذا الصوت
ياااااااااااااااه
تدورن وشوالصوت الي انقذ حيات البنت
كان صوت المنبه حق الساعه يدق وصحيت من نومي وطالعت الا وساعه سبعه ونص
وصار وقت الدوام قمت من نومي وختفت البنت وامها ابشركم
وقمت غسلت وجهي وفرشت اسناني انا كل يوم افرش اسناني عشان كذا الحمد لله
مو متعبتني انصحكم تهتمون ترو الاسنان مهمه المهم قمت وداومت
ولعصر تذكرت الحلم لين قبل شوي قدرت اتذكره كله وقلت اقوله لكم اسف على الاطاله
من جد حلم مأساوي
تحاتي للجميع
قصه مأساويه جدأ وقعت لي انا شخصيا ً
انت صحيت من الحلم واحنا صحينا من التسريح بالقصة .. 
رد: قصه مأساويه جدأ وقعت لي انا شخصيا ً
