باذن الله بين فتره وفتره راح أنزل دروس تعليم الرسم (وجه - جسم - ملابس - صفحات مانجا...الخ)
كنت مفكره بهالشي من فتره طويله بس ترددت لين تشجعت من بعد تسجيع Doran ^^
موضوع الأجنحه مب صعب بس محتاج ان اليد تاخذ عليها حتى لو كان الرسام مبتدئ
وشي طبيعي بتكون في مجموعة من المحاولات فاشله....انا فشلت في كم محاوله
ولازلت أواجه شوي صعوبه لما ارسم جناح بحجم كبير...وورقة A4 ماتكفي لرسم جناح كامل وجميل (لاحظوا أول صوره في الموضوع الجناح صغير عالشخصيه)
لكن في احد كتب تعليم الرسم لقيت درس بطريقه سهله وستايل بسيط جدي (أشكر أختي الصغيره اللي عطتني الكتب)
تحصلونه في amazon.com وركزوا على هذا المؤلف بالذات لأن دروسه سهله ومميزه ^^
وهذي صفحات الدرس من الكتاب
هذا جناح الخفاش بكل وضعياته (مثني - مفرود - مفرود اكثر)
ولاحظوا المخطط اللي رسمه الرسام فوق عاليسار....حطوا هالمخطط في بالكم لأن بنرسم شي مشابه لكل حركه للأجنحه
جناح الطائر وهذا رسمه ممكن يكون شوي أصعب من الخفاش لأنه يعتمد على رسم وترتيب الريش
المخطط اللي عاليسار للنوع العادي اللي طبّقه الرسام في كل الامثله
اما الجناح الطوالي اللي تحته فعملت له مخطط من عندي أتمنى يكون واضح (راح أحطه في الخطوات التفصيليه)
وهنا مجموعه من الأمثله لوضعيات الأجنحه حسب وضعية الشخصيه (عملت رقابه اعلاميه...مادري ايش الرابط بين الاجنحه والمسخره >_>)
بالنسبه للجناح المعدني اللي فوق عاليمين فهذا ما يحتاج مخطط لأنه سهل جدا
يتبع