خدمة OnLive لن يكون لها حضور في E3 2009

[Sanadax]

بسـم الله الرحمـن الرحـيم

الخدمة الجديدة المعروفة بـ OnLive لن تتواجد هذه السنة في معرض E3 على حسب ماقالة Mike McGarvey في موقع الشركة

وقال أيضا أننا سوف نسمع ونرى الكثير منهم حول الخدمة في هذه السنة

المصدر

مادري إذا في أحد مهتم في الخدمة

كنت حاب أشوف أشياء جديدة عن هذي الخدمة في المعرض لكن يكفي وجود سوني و مايكرو وننتيندو

[FARES360]

دام هالخدمه تبي اتصالات بو 8 ميجا أقل شي...عشان ترتاح في استخدامها , انا بقول انساها احسن =)

[devil cober]

^^^^
كلامك على العين والراس

[alazmi11]

شنو الخدمة

[Sanadax]

^

الخدمة عبارة عن جهاز تقدر تشغلة على شاشة كمبيوتر أو شاشة تلفزيون بشرط يكون عندك أتصال إنترنت قوي

وتلعب من دون شرايط ولازم تنزل الألعاب عن طريق هذي الخدمة ومايحتاج كرت شاشة أو جهاز قوي .. دقة الصورة على ما أعتقد تعتمد على سرعة الأتصال

هذي الصورة توضح الخدمة أكثر




جهاز صغير يشبه الراوتر توصلة بأي شاشة + جهاز التحكم

[bader686]

..يمكن ينجح هاي الجهاز برع في امريكا او اوروبا ... لكن هني بالخليج مستحيييييييييييل

لانه الجهاز يتطلب انترنت قوي اعتقد مثل ماقال فارس 8 ميقا و فوق ... غير ان الاعاب تحملهم يعني تخيلو تحمل لعبه 20 جيجا

[Sanadax]

على حسب كلامهم في موقعهم أن تنزيل الألعاب ما ياخذ وقت كثير

وأن أقل سرعة مطلوبه هي 1.5 ميقا هذا للـ SD لكن إذا تبا على وضوح HD أقل شي 5 ميقا

الي حاب يقرأ أكثر عن الخدمة يدخل

هـنـــا

[pat]

موجود عندنا بلايستيشن 3 ولو ان الالعاب نااااااار غالية شوي لكن كل شهر شريط العبة لحد ما تختمة واذا كان فية خدمت اون لاين كمل عليها اما الجهاز الي سلف ذكرة ما اعتقد بيلاقي صدى في الخليج العربي لان الاتصال بالنت عندنا بعكس الاتصال في امريكا واوروبا لان الاتصال بالنت في اوروبا وامريكا رخيصة برخص التراب وحتى الاشرطة هناك رخيصة وشكرا على الموضوع .