السلااااااااااام عليكم
مرحبا يا اعضــاء كيف الحال وشلونكم
هذي قصه صارتلي مع مطعم ماكدونالدز وقصه حقيقيه حصلتلي قبل كم من اسبوووووع
( اللي ماوده يقرأ القصــه رجاء يطلع برا من الحين ويظف وجهه )
ذاك اليووووم كنت قاعد ببيتنا طفشان كالعاده .. كنت قاعد انغف في خشمي من الفضاوه ومنسدح وحاط رجل على رجل كني واحد من البزران اللي قاعدين يناظرون في سبيس تووون ..
رحت وقمت قلت ابي اتمشى شوي وبوسع صدري بصراحه ذااك اليووم كنت طفشااان واللي زاد من طفشي انه بعد يومين كان عندي اختباربن وانا ضايقن صدري ومالي خلق أذاااكر ..
قمت ورحت لغرفة اخووي لقيته نايم ولقيت مفتاحه حق السياره ناشب في سرواله حق الجينز <-- اول مره اخووي يلبس جنز ذا الطعس طوول عمره يطلع بثوووب نووم والله تطور
المووووهم واخذت المفتااح وزرفته من غير ما يدري وانا طالع من الغرفه الا فيه سلك حق التليفون اللي شابكه اخووي انا من غير ما اشوفه تعلقت فيه وقمت اتدربى بالغرفه وتعركفت ومدري الا راسي ناشب بالقزاز حق الكومدينه
الحمدلله مع كل الازعاج وعم ان القزاز حق الكومدينه طار نصه وتغيرت ملامح الكومدينه من قوة الصفقه حتى الواحد لو يشوف الكومدينه ذاك اليوم بيقول ان الي صفق فيها اكيد توفى ولا اصابه نزيف داخلي ( الحمدلله ) طلعت واخوي الدرج ماقام وقاعد يشاخر وهو نايم قاعد تطلع فقاعات من خشمه كبيره مدري وشلون شكلها .. انا تقرفت وطلعت من الغرفه على طول وصكيت الباب بقوه عشااان اخرب عليه ما يناام <<< من اول ما انولد وهو صخ
رحت اركض وطلعت من الصاله وجاي مقلع مع الدرج مستانس معي مفتاح السياره واجيك طاير مع الدرج ويقالي بسوي حركة جاكي شان شايفها بـفلم مدري وشسمه هذاك الموووهم وانا على بالي اسويها شديت رجلي على فووووق ورفعت ايدي اليمين وقعدت اصرخ اقووووول كااااايا بوووشاااا <<< اللي مايعرف وشي ذي يسأل جاكي شااان
وبعدها مدري الا رجلي جاها شد عضلي وتمزق ونزيف وانواع الاصابات عاد انا طنشت ويقالي ما اهتميت <- نصاب
ورحت ابركب السياره رحت دخلت مفتاح السياره بحق الباب شوي وينكسر المفتاح ويدخل جوااا وعجزت اطلعه وانا اللي اتوهق ..
قلب وجهي سبع الوان كنه قوس قزح كل ثلاث ثواني يقلب لون ثاني رحت ورجعت لغرفة اخووي ابي اصرف سالفة المفتاح وافتح الدريشه وارجم المفتاح الي انكسر عشان ما يشوفه ورحت ادور في دولابه اول ما فتحته شميت ريحة خياس قويه لدرجة ان خشمي بدا ينقط ويطلع اشياء مدري وشي ( تم الحذف من قبل الرقابه )
وقعدت ادور وبالصدفه لقيت بخاخ حق عرق لاخوي مدري وش خلاني افتحه وفتحته والقاه زابن السبير حق السياره جوا علبة البخاخ <<<< ذيب
ورحت واخذته ونزلت وبغيت اكسره مره ثانيه بحق الباب بس الله ستر وشغلت السياره وحتى من القمطه بعد ما كسرت المفتاح دعست كل الدعسه وكان فيه مويا وزحفت السياره وتخش مع اللفه
المشكله والسياره تزحف مع اللفه جت دوريه وشافتني وعلى طووول ولع السفتي واللي رفع ظغطي ان اللي يسووق السيااره بدوي جيزاني وجلف راسه يحك بالسقف من طوله
المهم انا شفته وراي وادعس كل الدعسه قلت والله ما اوقف لو يجيبون الاف بي أي <<< وش يبي ذا الدلخ
وانا ادعس مدري الا واشوف راعي الدوريه وصل جمبي مدري وشلون شكله مركب تيربو بسيارته المشكله انه معي فكتوريا وراعي الدوريه معه صابونه موديل 92 والجنط اللي ورا منعفط وكفره مبنشر اللي قدااام
ويشغل الميكرفوووون ويقوووول : ياراعي المووووووتر االازرق وقف على قمب << كنه صار يمني وتو تقول جيزاني
المهم انا ما عطيته وجه وادعس على السياره مدري الا واشوفه جا جمبي وطلع شي اسود كبير الظاهر انه مسدس قمت دعست فرامل واصكها جلنط ورجعت على الشارع من ورا والدلخ الدوريه راح كمل قدام وبكذا رحت مع الشارع الثاني وضيعت فيه والى يومكم ما شفته ذاك الدلخ
المهم وانا قاعد اسووووق كاني بيجر هزاز يمشي طقتني النفاضه وحالتي حاله وكلي عرق وقاعد اصبصب من القمطه عقب الدوريه
بعدها حسيت اني جوعان وقلت ياولد لازم اروح اتعشى واشوفلي مطعم حلوو اكل فيه
وبالصدفه مريت جمب ماكدونالدز ولقيته فاتح والساعه في ذاك الوقت كانت الساعه 1
المهم رحت لطلبات السياره وانا جاي أبلف من عند حق الطبات الا السياره بدت تطلع صوات مدري وش تبي ووصلت عند الفلبيني وهي تطلع اصواات مدري وش قصتها
وقفت عند الفلبيني وهو قاعد يناظر فيني حاقد على هو شكله فيه نوووم وانا جيت خربت عليه واحسه كأنه كان وده يصفقني بأقرب تشكن شيز برجر جمبه
السياره كل مالها الصوت يزيد وكان الصوت مره قبيح اول مره اسمعه
الفلبيني حق الطلبات ما تحمل الوضع وقام وصك الدريشه بوجهي
طفيت السياره وخف الصوت شوي مدري الا الفلبيني رجع وفتح الدريشه مره ثانيه قالي : ايوه انتا ايس طلب صديق انا فيه نووم سووورررئه <- يعني بسرعه
حسيت ان ذاك الفلبيني ما عنده احترام وبغيت اصفقه بعلبة اللببسي اللي معي
المهم جحدته وطلبتلي همبرقر ومعه موية صحه وقلتله يكثر مناديل وكتشب <<< امووت على الكاتشب
ويوم جا عندي الفلبيني بياخذ الحساب شغلت السياره وهو اللي يبعد ويصك الدريشه مره ثانيه ( شكله خكري ذا الفلبيني )
انا بعدها فقعت ضحك ورميتله الفلوس وحطيتها عند دريشته ودعست كل الدعسه وفحطت بوجهه ومشيت
عقبها رجعت للبيت وانا جوعااان وحالتي حاله لي ثلاث اياام ما اكلتلي شي
وادخل جوا البيت وادخل على المطبخ واخذلي صحن الي مرسووم عليه ورده واحط الهمبرقر ومن قوة الجوووع اخذت الهمبرقر واكلته بقرطاسته مدري وانا اكل حسيت بشئ غريب بالطعم
حطيت الهمبرقر وقلت ياولد انا ليش طالب كاتشب ومخليه عنديبس كذا شكل
فتحت الهمبرقر وهنا المفاجئه اللي صارت
شي ما توقعته ابدا
شي ماراح تتوقعونه ووتمنيت لو اني ماخذ من مطعم شاورما ذاك اليووم ولا اخذ من ماكدونالدز
تخيلوووووووووووو وش لقيت يا اخواني الاعضااااء
دوووووووووووووووود
نعم لقيت دوده وسط الهمبرقروكان شكلي كذااا <<<<<<<
رحت وصكيت الهمبرقر على طووول بعلبته ورحت وشغلت السياره ورحت لم ماكدونالدز وادخل والقى نفس الفلبيني اللي طلبت من عنده
حسيت بذاك الوقت انه ودي انخم عليه وكنت توي شارب ميرندا فراوله يعني لو انخم عليه عاااادي
جيت عند الفلبيني وهو يناظر فيني مستغرب تحسه يقووول وش يبي ذا النشبه توه طالب وجاي عندنا وانواع الاستفهامات فوق جبهته
رحتله وقلتله وين المديرررررررررر بسرررعه ابي اقابله الحين رح انقلع ناده ولا والله ما تشوف الا علبة ببسي سوبر سايز تمشي مليونين على جبهتك
حسيت ان الفلبيني كان وده يستقيل ذاك اليووووم وانه جاه انواع المغص وألأمراض
دخل على المدير حق فرع ماكدونالدز واللي رفع ضغطي انه هندي ومو سعودي
اول شي سويته فتحت العلبه ووريته مكان الدوده وطبعا ما قدر يتكلم ولا انه يفتح فمه والفلبينين اللي جمبه منهبلين وحالتهم حاله وقعدت اهاوش فيه وبغيت اترفس في ابوو ابليسه بس فيه فلبيني نشمي جمبي مسكني وقالي هد اعصابك يابن الحلال <<< نصاااب
حسيت ان وجه المدير كنه واحد معه بواسير وتوه قايم من النوووم
جاني المدير وقاعد يتأسف ويقولي انا راح اطلبلك الوجبه اللي تبيها
ناظرته نظرات خبث ودهاء وحنكه وحسيت انه قمط ذاك اليوووم ولا قدر يسوي شي وراح وعلى طووول فتح االكاشير الي عنده وبدا يطلع الفلوووووس عشان يعطيني قيمة الوجبه اللي راحت
وماكان مني الا اني اخذ الفلووس واطلع لانه المطعم مشهووور وصعبه انهم يصدقوووني والمطعم له اكثر من خمسين الف فرع برا المملكه ومستحيل انه يصير شي زي كذا في ماكدونالدز
القصــه يا اخوان حقيقيه والي صار معي في ماكدونالدز صحيح بس حبيت اني اكتبلكم عن ماساتي لاني هذاك اليووم انقهرت ولا قدرت الا اني اطلع بقيمة الوجبه وانا ضايق صدري وما احس اني سويت شي
ارجوو المعذره ان كان الاسلوووب ركيك ومدري وش يبي واللي ابغا اقولكم اياااه ان هالمطعم بعد اللي صار طاح من عيني والى يومكم قطعته ولا صرت اجيه ولا اطلب منه
|أعتذر على الاطاله وابغى كل واحد منكم اذا ماعليه امر يدخل ويقولي رايه بكل بساطه وهو وش را ح يسوي لو كااان بهذاك الموقف
هل راح يسوي مثلي ولا راح يجرب طريقه ثانيه ؟؟؟؟؟؟؟
قريبـا وحصريا في منتدى المنتدى ____ مراهقات جحدب ( الجزء الثاني )
)
.. طيب لو قررت 
المشاركة الأصلية كتبت بواسطة فريسكا
