زوجي العزيز ... زوجتي العزيزة ...

[The Noble]

السلام عليكم

مدري وش يبي العنوان

كيف أحوالكم طيبين ^__________________^

أمس كانت خشتي كذه -________________- بسبب بعض الإشاعات المغرضة يلي سمعتها

وبعض البزران يلي مدري وش يبون مني ..

قبل لأبدأ بموضوعي يلي أتمنى يعجبكم بوضح أمر واحد يلي طلع اشاعة علي وكذب وقال أني طلبت الرقابة فأقوله الله يستر عليك

أنا آخر شخص افكر بهالشي لأنه أمر سخيف بالنسبة لي .. يعني مدري اذا كتبت موضوعات كاريكاتير أو غيرها فهذا معناه أني أبي اصير مراقب ..؟

الحمد لله بس .. المشكلة يا ريتها على كذه اذا شافوا احوالك طيبة مع مراقب أو شخص يقولوا انت تتمصلح معه عشان يعطوك الرقابة..

ياخي لو انها براتب كنت فكرت فيها الصراحة..

ومع ذلك مدري وش يبون بالضبط أنا بالنسبة لي والله يشهد بعمري ما طلبتها او فكرت فيها لأنها عبارة

عن كتلة من القلق الغير منقطع والمزعج .. ويلي يقهرك اكثر لما يجي واحد ويقول انت دايم تدافع عن المراقبين !!!

تناقض ياخي كيف أنتقدهم بكاريكاتيرات وكيف أدافع عنهم المهم أنه يلفق الإشاعة بالشكل يلي يناسبه ..

انا مع الحق دائما سواء كانت مراقب ولا وزير خارجية ولا راعي بقالة .. ولما اجي أشارك بمنتدى

وأكتب فيه واساعد هذا وهذا (أقصد الشكاوي والإقتراحات) فمو معناها اني أبي رضى الإدارة ..

أنا شخص فاضي جدا بشكل ما يوصف واسهر كثير وهذا يلي متعبني فشي طبيعي

أني أدخل الشكاوي مرات واساعد فلان وفلان بشكل عفوي منه اضيع وقت ومنه اقدم خدمة للمنتدى يلي أنا فيه ..

وطبيعي غير متصنع وبعيد عن الرياء

مختصر الكلام يلي قاعد يتفلسف ويقول هالكلام عني ومسوي ناشر اخبار وقاعد يقول لفلان وعلتان اقوله اهجد تكفى

لاتخاف الأمور الدنيوية السخيفة ذي ما تهمني ولا أفكر فيها اصلا ..

يعني بالله ريحني شوي وفك عني تراني زهقان زهق وعندي مشاكل ليوم المشاكل .. يعين الله يرضا على يلي قاعد يألف بهالكلام

عشان ترتاح نفسيتك خلاص ان شاء الله يعينوك مراقب أتمنى والله .. أو يعطوك ترقية.. يمكن تريحني وتفكني ...


المهم

ما عليكم من الكلام يلي فوق نرجع للزبدة ويلي هو موضوع اليوم عبارة سعا ل واحد أبي اجابات صريحة منكم ..


لو افتضرنا انك تزوجت (تزوجتي) والله أكرمك (أكرمكِ) بزوج (زوجة) صالح (صالحة)

وعشت أنت وزوجتك (زوجك) حياة سعيدة ورغيدة .. ثم شاء الله سبحانه وتوفت زوجتك (توفى زوجك) ..

يا ترى بتتزوج بعدها ؟ (بتتزوجي بعده؟) مع الوضع بالحسبان احتمال يكون عندكم أولاد ولد ولدين بحاجة الى رعاية ..

وابي أعرف اذا اجوبتكم ايجابية ليه واذا سلبية ليه؟

طبعا وجود الأولاد مو ضروري لكن حابب أعرف رايكم سواء بوجودهم أو بدونهم ..


ياريت تعطوني آراءكم من كل الجوانب .. وياريت لا أحد يجي ويقولي اذا تزوجت يصير خير >_______< أنا اقول افترض يعني ..


ودمتم سالمين ومعليه على الكلام يلي بالبداية لكن الأمر شاغلني من فترة ..

[ODIN]

-____________- says:
طيب ماعندك اضافات انت وخشتك ؟
Odin... says:
مدري
Odin... says:
اذا تزوجت بعدها .. ورجعت هذي للحياة مرة ثانيه .. تطلق الثانيه او لا -_-؟
Odin... says:
ياخي احس ان سؤالك زي كذا .. ماتجاوب عليه بدقيقتين -_-
-____________- says:
ههههه

[hitler is back]

والله تعتمد على نقااط كثيره تبنى عليها هذه المسأله

أولاً مدى الحب والعلاقه بزوجتي

وأنا ماتوقع ولا راح اتزوج وحده ماحبها...ولادخلت قلبي...لأني لازم ابادلها الشعور..وبكذا راح تقوى علاقتنا....وبمبدأ الحب المتبادل راح تتأسس العائله على طول في رخاء باذن الله

ثانياً مدة الحياة الي عشناها سوى...يعني ممكن مايمر سنه سنتين بالحياة الزوجيه وتموت بقدرة الله...فراح يكون عند الواحد شعور بالنقص فيضطر للحل والي راح اقوله بالاخير

ثالثاً الاولاد

وجودهم ام عدمهم يحدد زواج زوجة اخرى...وراح اشرح كيف

بالنسبة للنقطة الاولى حبي لزوجتي يحكم مستقبلي من بعدها...وهذا يسمى الوفاء...دامك عشت مع وحده سنين حبيتها وحبتك وسرتم لبعض...فصعبه بالاخير تتزوج غيرها لانك بتضل تذكرها...وتظلم زوجتك الثانيه وقد تنسى وتعيش بذاكرتك مع زوجتك الاولى...والحب الاول اذا اكتمل بزواج راح يكون مؤلم الفراق

أما النقطة الثانيه...فحياتك مع من حبيت ويعتمد على النقطه الاولى....كل ماطالت كل ماكثرت الاحداث...أياً كانت...فانها تزيد الترابط والمحبه...مهما حدث من زعل فتشعر بأنك مربوط بحبيبك...فعندما تعود له تحس بانك احببته اكثر وافتقدته اكثر...وعند فراقه تعي انه لن يعود...وذلك يزيد الألم >_<

واخيراً النقطة الثالثه...تعتمد على عمر أبنائك وعلاقتهم بأمهم...وحاجاتهم...فان كانوا صغار وفي مقتبل العمر من شهور الى 5 او 6 او 7 سنين فتحتاج للزواج بزوجة نستعده لرعايته او رعايتها...وزوجة مستعد لتقدم لها الحب كما كان لزوجتك السابقه...اما اذا كان ابنك او ببنتك اكبر من كذا...فممكن ترعاها وتطلب مساعدة اقاربك...ولكن ان اضطريت اتزوج الثانيه بشروط ان تقبل الرعايه...وان احبها وارعاها كالأولى...


كلامي كثير...لكن الى الان هذا الي راح اقوله...والباب مفتوح للنقاش معي او الاضافه

[MoaeD]

يؤ دايم فاضي الله يعينك ويشغلك بنفسك



بالنسبه للزواج الثاني .. حسب الظروف اللي بتواجهني


وبعدين موب شرط اني اتزوج عشان ارعى عيالي !!


لأنه احيانا يكون فيه جدتهم من أمهم مثلا او امي تكون وحده منهم مستعده لتربيتهم !!


فأصير اتزوج عشان اعيش حياتي مو عشان اربي عيالي

[hitler is back]

يعني مايهمك عيالك بقدر ماتهتم بنفسك؟!

عيالك الي قدامهم المستقبل والحياة وانت الي بتكون شايب يالله تقوم ماتبي تهتم

بعدين صح ماهو شر زوجه ثانيه...بس يكفي امك انت بعد تجيب عيالك انواع القلق

[عماد 18]

بزعل فترة طبعا ..
لكن الحياة تستمر و عمرها ما وقفت لموت احد ..
خصوصا ان ..
The body has his needs ..
اما العيال فطبعا لما اتزوج بحرص على ان زوجتي الثانية تهتم فيهم ..
و اذا ما عجبها الوضع قضبتها الباب ..

[Kubaj]

ليش القلق ..طق لك اربع ..والله يكتب اللي فيه الخير

[HArb200]

بفكر اولا بتمعن !

[flarestar]

مرض يلي في بالي ..


بووب سؤالي على جوابك هو اول شيء بسم الله على زوجي ..

ثاني شيء هو اني ماراح اتزوج غيره..


لاني اكيد بكون احب زوجي ان شاء الله.. فكيكف راح اعيش مع رجل ثاني و انا قلبي متعلق بالاول..

حتى لو الاول ميت (بسم الله عليه ) .. ما راح انساه لو مهاما ايش..


فبكل بساطة اعيش وحيدة .. ولو الله رزقني بعيال منه كان احسن عشان يضل ذكره معي للابد ..

[Angel whisper]

ما اظن ان الواحد يقدر يحكم بهالسهوله من الحين ..

خل نتزوج بعدين وعقب لكل حادث حديث ..

مع اني اشك باني بتزوج من بعد زوجي الاول ..

[The Noble]

ODIN

تحط المحادثة وتسحب أمس
على العموم لساني أنتظر جوابك..


hitler is back

والله التحليل
طيب الحين بتتزوج ولا لأ؟ <=== تعقد


MoaeD

ايه صحيح دايم فاضي وبقوة
ومشكور لإبداء رأيك ..


عماد 18

يا زعولي أنت
ايه صحيح الحياة حتستمر لكن زوجتك يلي حبيتها وقضيت
معها أفضل سنين عمرك..
بتنساها على طول وبتطقها زواجة ..؟

The body has his needs

خخخخخ هذا الموهم عندك
وأما العيال فحتكون متطمن عليهم تحت رعاية الزوجة الثانية؟
طيب بسألك سؤال بعد.. الزوجة الثانية حتكون حاببها مثل الأولى ؟


king_kubaj

قاعد أتخيلك متزوج أربع وش بتلحق عليه..؟
بعدين القلب واحد موب 4 ولا وش رايك؟

[Kubaj]

lucy
you bet i can

will you marry me ؟

يالله تصيرين الأولى ..ام محمد من قدك

بوب ..ياخي اصابع يديك ميب زي بعض :marchmell

مثلا واحد عنده مودم مافيه الا بورت واحد والثاني عنده مودم فيه اربع بورتس

[MetalGear]

الوفاء من صفات المرأة..

--------------

بس ركز على أول جملة

عجبتني اول جملة

هيق
===

وردي هو .. صعبة .. على حسب .. معرف شقول

[Kubaj]

راحت عليك خلاص شوفي كيف مبسوطين الطابور اللي وراك

[عماد 18]

قضيت افضل و الا اسوأ هذه سنة الحياة ..
طبعا انا اتكلم عن لو توفت زوجتي لا قدر الله و انا ما تعديت ال45 ..
لو توفت قبل كذا فالشي الطبيعي اني اتزوج ..
و سالفة احلى سنين و الا اسوأ سنين كلام افلام و مسلسلات ..
و الدعوة مو وفاء زي ما تقول الاخت لوسي ..
لو الزواج على الزوجة خيانة لها ما كان الله احل الزواج باكثر من وحدة ..
ما ادري ليه مصرة على هالكلام !!
الرجال خلقه غير خلق المرأة ..
من جميع النواحي ..
النفسية و الجسمانية ..
لذا فشي طبيعي انه يكون في اختلاف بينهم خصوصا بسالفة الزواج بثانية ..
و الي يتزوج على زوجته بعد وفاتها مو ضروري يكون لانه نساها ..
انا اتكلم بواقعية مو خيالية ..
و الا وش يضرني ..
اقدر اقول لو تموت زوجتي لا قدر الله في شهر العسل ما راح اتزوج طول عمري ..
لكن الموضوع واقعي فرديت عليه بواقعية ..
اما حب الزوجة الثانية ..
فانا والدتي متوفية من 10 سنين تقريبا ..
و ابوي تزوج بعد وفاتها ب5 سنين ..
و بصراحة ما شفت منها الا كل خير ..
بالعكس معزتها بمعزة الوالدة الله يرحمها ..
المحبة ما ترجع لان الزوجة الثانية ضروري تكون شريرة زي الافلام ..
ترجع لتربيتها و اخلاقها ..