مرحبا يا ابطال ..
يسعد ايامكم ورمضان كريم على الابواب وكل عام وانتم بخير والله يعيده على الاسلام والمسلمين
اعزائي نظرا لكثرة اهتمامات الجميع وانا منهم في البحث عن حوارق للدهون والاسئله عنها وعن المنتجات المساعده في ذلك سواء طبيعيه او كيميائيه خطره على اجزاء عديده بالجسم الله يكفينا وياكم .
فمن تجربتي المتواضعه والبسيطه ولله الحمد منذ 3 اشهر تقريبا ابتديت في برنامج ريجيم بروتيني قاسي نوعا ما مع مساعدة قاطع شهيه جبار وقوي وطبيعي ولا يسبب ارق ولا صداع يباع لدى محلات زين الاتات (قاطع شهيه خشبي ) بسعر 250ريال سعره غالي مقارنة مع عدد الكبسولات مع العلم انه كان في البدايه حبه تكفيني لمدة يومين وبعده الشهيه بدت تنفتح واستخدمت حبه كل يوم وماشي الحال عليها الى الان .. ونصحت بها العديد من الشباب وقسم بالله يدعولي واتصلو علي يتشكرو مني ... بالاضافه لشاي اسمه شاي الضيافه او الرشاقه صناعه اسبانيه معروف طبعا هذا بعد العشاء قبل النوم .. تقوم الصبح والمسائل عندك كلها 100/100 تحس نفسك رشيق وخفيف زي الريشه طبعا المعده فاضيه .
ولله الحمد والشكر نزل وزني خلال المده هذه ... من 120 كيلو الى 95 كيلو ... طبعا الحوارق الكيميائيه مالعبة الا دور بسيط جدا مايزيد عن 5 كيلو .
حوارق الدهون التي استخدمتها الطبيعيه /
بالنسبه في الاكل كوجبه /
4او 5 بيضات مسلوقه بدون صفار + كوب عصير قريب فروت مع برتقال طبعا في الصبح على الريق يعمل بلك على المعده وسبحان الله يتأكسد البيض مع العصير هذا .. ويعملو عملية اكسده طبيعيه تحرق الدهون .
شوربه سحريه في حرق الدهون عباره عن خليط من ( الكرفس الامريكي + الملفوف او الكرنب + قليل من خل التفاح العضوي + كمون مطحون + ملح قودي مخصص للرجيم + يمكن اضافه قطع من صدور الدجاج المسلوقه مسبقا او مفروم بقري احمر بدون دهن ).... وعييييش يابطل مع الحرق والتعرق .
فواكه اكل /
اناناس حب يعني ماهو معلب - كيوي - برتقال اكل - قريب فروت - تفاح اخضر بشرااااااهه ... بين الوجبات وياسلااااااام لو كانت وجبة عشاء .
العصيرات /
طبعا انا عندي خليطين من العصير
1- اناناس + كيوي + زنجبيل اخضر ................. بدون سكر
2- قريب فروت + برتقال ..... على الريق مع حبة زين الاتات (هذا بالنسبه لي )
المنبهات /
نسكافه بلاك بدون سكر ... في الصباح و ما انصح بها كثير عشان تسوي هبوط احيانا
الشاي الاحمر بدون سكر
الشاي الاخضر (نوقف عند هذه الوصفه تعظيم سلام ) عباره عن خلطه موصوفه من اخصائية تغذيه معروفه بمدينة جده وهي عباره عن نقع المحتويات التاليه ( ماتغليها ):.
(ماء مغلي - شاي اخضر نوعيه جيده - قرفه خشب - نعناع اخضر - زنجبيل اخضر شرايح او مبشور ) طبعا الطعم رووووعه ما اقولكم وقسم بالله ما تشرب الخليط الا تحس نفسك ناااااار من انواع التعرق حتى لو كنت في ثلاجه .. والخلطه جيده للباحثين عن القوة الجنسيه ايضا .
المنكهات او البهارات /
الكمون - الزنجبيل - القرفه - الفلفل الاسود - الليمون / طبعا في اشياء كثيره بس والله ماتحظرني .
ياريت لو ان وضع هذا الموضوع المتواضع مناسبا فليضع متبثا مع ضمن المواضيع الموضوعه في الوضع المثبت .. هههه