Super Robot Taisen D

[bah]

اهلا..

لعبة جديدة من Banpresto وهي لعبة من سلسلة سوبر روبوتس...هذه اللعبة التي يعشقها الكثير من اللاعبين اليابانيين وهي اللعبة التي حققت اعلى المبيعات في اليابان في اخر جزء صدر لها وقد كان على البلاي ستيشن 2 الا وهو Super Robot Alpha 2...



السلسلة كان لها ماضي عريق حيث كان اول اصدار لها على ال(NES) وقد كان لها 3 اجزاء سابقة على الادفانس...وياتي هذا ليكون الجزء الرابع على الادفانس ...

هذي نبذة عن ماضي اللعبة...والحين راح اتكلم على طريقة اللعبة وسبب صدارتها بالمبيعات اليابانية لان حسب علمي ان اغلب الاعضاء يجهلون طريقة اللعب و كل شيء اخر وطبعا لانها يابانية فمحد عارف يلعب فيها^^...

اللعبة تجمع العديد من الروبوتات من مختلف الانيميات(جمع انيمي:6 ) فهي تجمع بين الريل روبوت(الجندامات) والسوبر روبوت(مازنجر وجراندايزر وجتر روبوت وغيرهم) حيث ان اغلب الروبوتات مقتبسة من انيميات مختلفة مثل مازنجر الا ان بعض الربوتات كانت بدايتها بسوبر روبوت ومن ثم اقتبست لتكوين انيمي مثل سايبستر(ادري يمكن محد يعرفه >_<) ...واللعبة طريقتها استراتيجية فلكل روبوت قوى وحركات رايناها من قبل في الانيمي كما ان القدرة على الدفاع والمناورة(evasion) وطبعا هناك بعض التطويرات التي تستطيع ادخالها على الروبوت...

ما ودي اتطرف لطريقة اللعب وايد ...خل تنزل اللعبة وان شاء الله راح اشرح طريقة اللعب كلها مع الصور..كان ودي اسوي جذي الحين ..بس مرات يغيرون طريقة اللعب مثل ما سووا مع اخر جزء على البلاي ستيشن2..فترقبوا موضوع عن طريقة اللعب اول ما اقدر العب اللعبة;-)

اما الان...فالخبر يقول:6 انه لعبة جديدة من هالسلسلة راح تنزل على الادفانس باسمSuper Robot Taisen D وراح تكون رابع جزء على الادفانس مثل ما قلت سابقا..وسوف تصدر في الثامن من شهر اغسطس (باليابان) طبعا حلم اي شخص يحب اللعبة ان يشوف لها جزء انجليزي:" لان ما نزلوها انجليزية من قبل...واللعبة من بانبرستو وستشهد القدوم لمزيد من الشخصيات...

واحلى شي بهالجزء ان جرندايزر راح يكون موجود حيث انه لم نراه حديثا الا بجزء ال(impact) على البلاي ستيشن 2 وقد كان الجزء من اسوء الاجزاء...ونظام التسجيل باللعبة وامكانية حذف مقاطع الضرب سيعود مثل الاجزاء السابقة...

واما الان اليكم الصور...















لمزيد من الصور...
1,2,3

وهذا كل اللي عندي الحين...اي استفسار او شي سئلوا وانا حاضر...وترقبوا موضوع عن اللعبة;-)

وشكرا..
bah

[Golden_Sun]

مشكور على الموضوع ^^
ما اهتميت للعبة وايد .. لأنها يابانية

المقدمة اطول من الخبر :6

بس ولا صورة طلعت عندي .. بشوف الوصلات :":

[Reinu]

وااااااااو جزء يديد لسوبر روبوت

اريجاتو ان شاء الله هذا الجزء يرى النور في السوق الامريكي مع إنه مستحيل

[Manga4Anime]

مشكووووووووووووور اخوي على المعلومات المهمة وماتقصر و انامن عشاق السوبر روبوت بس في البحرين خسارة مايبيعونة اهم اصلامايعرفون شي

[سكويرسوفت]

bah : مشكوووور على الخبر ^^ صارلي فترة قاطع عن اخبار سوبر ربوت
مشكور ما تقصر إلى الأمام

وهذي صفحة سوبر ربوت D الرسمي
http://www.hotline-web.com/srwd_adv/index.html

وهذي صفحة شركة BANPRESTO
http://www.hotline-web.com

":"

[Guilty Gear X]

واحلى شي بهالجزء ان جرندايزر راح يكون موجود حيث انه لم نراه حديثا الا بجزء ال(impact) على البلاي ستيشن 2 وقد كان الجزء من اسوء الاجزاء
عفوا اخوي غراندايز ظهر باربع اجزاء قبل منها النينتندو64 و جزء على الادفانس.
ويعتبر امباكت من افضل اجزاء سوبر روبوت ونظامة قوي جدا. الفا 2 كان سيء
افضل جزء سوبر روبوت هو الفا غايدين يليه سلسة اف يليه امباكت.


على العموم غود مارس راح يرجع!!!!!!":" ":"

[bah]

Golden_Sun
كنت ناوي اكتب عنها موضوع كامل...بس كنت مستعيل...فقلت اخلي الموضوع حق بعدين;-)


RG
شكلج تحبين سوبر روبوت بعد....زاردوا محبين سوبر روبوت اللي بالمنتدى^^
اما عن النسخة الانجليزية ....فمستحيل....اكثر من 10 اجزاء ما شافوا النسخة الانجليزية ايي هالجزء علشان يشوفها:6


((المدهش))
عاشق يديد...:0) ... شكله بالامارات وبالبحرين صعب تلقون اللعبة...بس هالجزء تقدرون تنزلونه من النت;-)


سكويرسوفت
العفو^_^....ومشكور اخوي على الوصلات;-)


Guilty Gear X
عفوا اخوي...انا قلت حديثا...وجزء الادفانس نزل بعده 4اجزاء واحد منهم اللي كان فيه جرندايزر..واما جزء الا64 فقديم شوي(وعلى فكرة...ما لعبته لان يابوه متاخر الكويت وبسعر خيالي..35 دينار)

واما عن الامباكت...فتقدر تاخذ راي الاغلبية وراح تشوف ان من املق الاجزاء وانها تملل...والالفا 2 كان عجيب بس زادوا بالتعقيد وايد لان سووا اللعب بطريقة مجموعات...وبالنسبة لي احلى شي سلسلة الفا و سلسلة اف

وللاسف ما قمنا نشوف ايفانجليون بعد الالفا 1 ...بلعب فيه من يديد ...وسايبستر ان شاء الله يرد بهالجزء^_^

وزين لقيت احد مهتمه بسوبر روبوت مثلي او اكثر بعد;-) ..(عندي جم واحد اعرفهم مهتمين اكثر بعد:6 )

[Guilty Gear X]

انا مهتم بسوبر روبوت من اول ما صدر جزء الاول لسلسة اف .
وامباكت من افضل الاجزاء لانه كامل من ناحة الشخصيات والرسم وطريقة اللعب.
انا طاتب موضوع عنة تلقى الوصلة بتوقيعي ايضا كتبت عن الفل 2 ومدى الاحباط الي صارلي . (معنة في ايجبيات ...لكن كما تعلم...)


انا المشكلة اني ما نهيت اي جزء على الادفانس.
لكن بما ان غود مارس سيظهر بالادفانس اذا راح انهيه":"

[سكويرسوفت]

bah : العفوو. بس تقدر تلعب إلي على النيتندو64 ( Roms )

انا لاعبتة بس ما عجبني سىء ( من وجهة نظري انا )

Guilty Gear X : جلتي الرومز تقدر تختمة برقم قياسي جداً
لنا محاكة الجيم بوي ادفانس يخليك تحفظ العبة بي مكان

[bah]

Guilty Gear X

انا مهتم بسوبر روبوت من اول ما صدر جزء الاول لسلسة اف

انا بعد نفس الشي:-)

اما عن الجزء الامباكت فكان طويل وممل ومليق شوي...وحطوا وايد روبوتات اول مرة يطلعون ...يعني الروبوتات كانوا زيادة عن اللزوم...اللي يخلونك تتحير...وما كان فيه لا جندام اكس ولا وينج ولا سايبستر(عامل مهم لفشله بالنسبة لي)...
وكان ال3دي ماله بالخريطة يلعوز...يعني تحط روبوت ورى مبنى وتنساه..والمشكلة انه ما يبين:6

وان شاء الله تخلص هالجزء على الادفانس..;-)

سكويرسوفت
فكرت فيها..بس ما كان لي خلق...واحسن شي بهالجزء انه كان بداية للضربات الثنائية:-)

[Guilty Gear X]

النيتندو64 روم
انا عندي اياه كاتريج
الصراحة عجييييييييب
خاصة عودة غراندايزر وظهور غود مارس
غود مارس طاقتة 12000 حمايتة صخر وضربتة السيف العملاق غود سلاش يخلي العدوا يبكي":"
واذا مات يفجر كل الي حواليه يعني غام اوفر
هذا غير الضربة الرباعية بين شين غاتا ومازنجر وغريت مازنجر وغراندايزر
ايضا V-MAX جدا قوي!

[RobVanDam]

مشكوووووووووور على الموضوع اخوي bah
وانا بعد من عشاق السوبر روبوت
انا اول لعبة لعبته من سلسلة السوبر روبوت هي سوبر روبوت وار 2 على البلايستيشن صراحة ان حبيت اللعبة لأني شفت مازنجر و غريندايزر والبطل كان سايبستر الي اسم صاحبه ماساكي على ما اعتقد وعدوه غرانزون والي اسم صاحبه شوو الصراحة اللعبة كانت روعة في ايامها و بعدين لعبت سوبر روبوت A و R و Orignal genration خلصت A و R وباقي لي Orignal genration و لعبت Impact بعد صراحة احسن جزء مر علي .
وانا اتري الفا 2 على البلايستيشن 2 و D على الادفانس على احر من الجمر

غيتااااااااااااااااااا بييييييييييييييييييييييييم :0)

[bah]

الرسالة الأصلية كتبت بواسطة RobVanDam
مشكوووووووووور على الموضوع اخوي bah
وانا بعد من عشاق السوبر روبوت
انا اول لعبة لعبته من سلسلة السوبر روبوت هي سوبر روبوت وار 2 على البلايستيشن صراحة ان حبيت اللعبة لأني شفت مازنجر و غريندايزر والبطل كان سايبستر الي اسم صاحبه ماساكي على ما اعتقد وعدوه غرانزون والي اسم صاحبه شوو الصراحة اللعبة كانت روعة في ايامها و بعدين لعبت سوبر روبوت A و R و Orignal genration خلصت A و R وباقي لي Orignal genration و لعبت Impact بعد صراحة احسن جزء مر علي .
وانا اتري الفا 2 على البلايستيشن 2 و D على الادفانس على احر من الجمر

غيتااااااااااااااااااا بييييييييييييييييييييييييم :0)

زين والله زادوا...انا عبالي ماكو احد يحب اللعبة :6
انا جربت الجزء الثاني بالكمبليت بوكس
وكلامك عدل^^...وترى الفا 2 نازلة ويابوها الكويت من مدة

[DE NILSON]

مشكور اخوي على العمللومات المهمة

[Reinu]

RG
شكلج تحبين سوبر روبوت بعد....زاردوا محبين سوبر روبوت اللي بالمنتدى^^
اما عن النسخة الانجليزية ....فمستحيل....اكثر من 10 اجزاء ما شافوا النسخة الانجليزية ايي هالجزء علشان يشوفها

اكيد

بس ولا جزء ختمته

يا إنه النسخة تطلع خربانه (بالنهاية ) ، يا إنه اوقف عند معركة وما اقدر اخلصها