في السوق يوجد عدد كبير من المكملات .. وأول شيء للاسف يسويه اللاعب المبتدأ هو شراء اكبر كميه من هذي المكملات قبل لايعرف طريقة التغذيه والتمارين الصحيحه
..
معلومه قبل ماابدأ .. أفضل المكملات لاتضيف الا نسبه بسيطه من الاداء بشكل عام .. وتستطيع الوصول لهدفك بدون أستخدام أي مكمل .. ولكن الانسان بطبعه يحب تجربة الجديد واستغلال أي فرصه لو كانت بسيطه للنجاح ..
مكملات جيده :
1- الواي بروتين :
الواي بروتين شخصيا لااعتبره مكمل ولكن اعتبره طعام .. واعامله معاملة الاكل الطبيعي .. وهذا المفروض الواحد فينا انه يسويه .. يعني لايوجد عدد سكوبات معين في اليوم لاستخدامه .. ولايوجد وقت مفضل .. شخصيا احيانا استخدم سكوب واحد في اليوم .. وفي بعض الاحيان استخدم 5 سكوبات .. حسب تغذيتي في ذلك اليوم وجدولي الغذائي اللي وضعته ..
بروتين ال Hydrolyzed مثل الايزو اعتبره مضيعه للفلوس الا لشخص يعاني التحسس من اللاكتوز .. واكثر شيء استغربه لما الواحد يستخدمه فترة التخسيس او التنشيف
.. لان الواحد يقدر يخسس وهو يستخدم مكمل قينر وأيضا يقدر يزيد وزن وهو يستخدم بروتين مثل الايزو .. الفكره كم كالوري تناولت في اليوم بغض النظر عن البروتين المستخدم .. فأتنمى أن لاأشاهد احد يستخدم هذا النوع من البروتين للتخسيس ويسميه (بروتين التخسيس)
..
ال 2-3 غرام من الكارب و 1-2 غرام من الفات الموجود في البروتين العادي ماراح تقتلك وتأثر على جدولك الغذائي اليومي ...
نفس الكلام ينطبق على البروتين قينر .. لايوجد شي اسمه افضل بروتين قينر من ناحية الوزن (من ناحية الصحه يفضل الابتعاد عن القينر اللي يكون فيه نسبة سكر كثير مقارنه بالكارب اللي يحتويه بشكل عام ) .. مره اخرى تستطيع زيادة الوزن بدون استخدام قينر .. يعني تقدر تستخدم بروتين عادي وتحط معاه شوفان وموز وفول سوداني وحليب وانتهينا
المشكله الناس تجيك تقولك بروتين تخسيس بروتين تظخيم واحنا كلنا نعرف مافيه شي اسمه بروتين تخسيس او تظخيم فيه مكمل للتظخيم وفيه مكمل جيد للي يبي ينزل وزنه مو يساعد على انزال الوزن لاكن يغطي حاجته من البروتين فقط
يعني حاجت الجسم عشان يبني لازم تكون وصلت حد معين من البروتين والكاربس والفات و الفايبر موب بس بروتين زي مايعتقد البعض "ماراح اتكلم عن نسب توزيعهم" وحد معين للكلرويز لازم توصله عشان يكون جسمك فيه الطاقه الكافيه انه يبني
طيب نجي لانواع المكملات امثله:
serious mass gainer سكوب واحد 700 كالوريز كلها كاربز و ٢٥ جرام بروتين . طبعا الكميه المنصوح فيها من الشركه سكوبين بس مافيه احد يسوها صدقني.
pro complex gainer سكوب واحد تقريبا ٧٠٠ كالوريز والكاربز قليل مقارنه بالسيريس ماس لاكن البروتين ٥٠
gold stander why سكوب واحد ١٢٠ كالوريز و٢٤ جرام بروتين.
نجي لكل شخص وحاجته عشان يكمل غذائه مو البروتين بس
انا شخصيا جسمي نسبت حرق الكلرويز عالي جدا لدرجة انه من الصعب اوصل للحد اللي الجسم راح يخزن دهون حاجتي من الكلوريز ٣٠٠٠ باليوم و gold stander تقريبا ١٢٠ كالوريز
شخصيا راح اقدر اكمل الحد المطلوب من البروتين لو استخدمته. لاكن ماراح اقدر اوصل لـ ٣٠٠٠ كالوريز من الكاربز و والفات .. الخ واشوف
searios mass افضل حل لي لاني محتاج كاربز اكثر من البروتين شخصيا قادر اوصل الحد المطلوب من البروتين من الاكل لاكن عجزت اوصل للحد المطلوب من الكالوريز صعب جدااا وبدوله زي كندا مع غلاء الاكل.
الشي الثاني من تجربه الجينر زي برو كومبلكس طعمه جيد جداااا ومن افضل المكملات طعم من تجربه كبيره واشربه بعد النادي اكون اخذت ٧٠٠ كالوريز و ٥٠ جرام بروتين وبعدها بساعه ونص يعني هظمه سريع لانه سائل. بعكس فكرة اني اخذ مكمل واخلط معه كمية اكل راح يكون ثقيل وطعمه صراحه ما ادري كيف بيكون والاهم ان سعر الجينر مو بعيد عن المكمل اللي يحتوي على فقط بروتين.
المشكله اشوفها ان الناس مي فاهم ان البرميل اللي يشتريه ممكن يكون عشان يغطي الكالوريز اكثر من البروتين او البروتين فقط كل شخص له حاجه مختلفه. واسم العلبه supplment يعني مكمل وليس بروتين.
واستغرب لما شخص قاعد يكسب دهون جسمه دليل على انه الكاربز اللي ياكله مغطي اكثر من حاجته ويشتري serious mass gainer اللي كله كاربز اصلا .!! يقولك ابي تظخيم
وهو كل اللي محتاجه بروتين واخر شي يقولك يعطيك دهون مو انت اللي شاري دهون.
الناس مو فاهمه ان الفارق بالمحتوى اللي مع البروتين تتوقع ان البروتين نفسه ياثر وانه في انواع تنفخ وفيه نوع زي الشاهي الاخضر ينحف مو فاهمين انه بالاصل اكل مطحون وتقدر تاكل والحمدلله الاكل متوفر بالسعوديه بكثره وبرخص الحمدلله.
الشي الاخر ليه السكر مضر ؟ اذا انا ابشرب الجينر بعد التمرين واحنا كلنا نعرف ان السكر جداا مفيد بعد التمرين مباشره ؟ او قبل التمرين وصراحه شخصيا انا مدري كيف بتفرق معي ٢٤ جرام سكر اللي فالجينر والكولا ٤٠ جرام وما اثرت علي بسبب اني انسان حرك ما اوقف وجسمي يحرق.
اشتر الواي بروتين اللي يكون سعره مناسب وطعمه مقبول لك أو يكون عليه عرض .. اذكر مره دخلت GNC ولقيت مسوي عرض على بروتين GNC وشريت من عندهم كمية كبيره كفتني فتره طويله .. اقول هالكلام علشان ابين لك لايوجد بروتين مفضل او احسن من الثاني ..
صارحه شخصيا احس منتجات GNC عايشه على نظام تسويق محلاتها يعني كل ما دخلت عليهم هنا في كندا الخيارات كثثثيييره يقعد ينصحني بمنتجهم ويحسسني انه احسن شي بالعالم ولم تناظره وتقارنه بشركه ثانيه تلقا نفس السعر مع شركه كبيره زي ابتيموم واللي في ابتموم الكميه البروتين و القيمه الغذائيه افضل ما ادري ليش اباخذه صراحه ماجربت طعم GNC لاكن ابتموم جيد ظ
وشخصيا اثق بالشركه اشتهرت بالجوده عشان اضمن من الخافي اللي هي المحليات المستخدمه والاشياء الخافيه الاخرى. اما اذا لقيته بعرض اكيد ليش لا, كلها بروتين مي فارقه كثير.
2- الكرياتين :
الكرياتين هو المكمل الوحيد اللي عليه دراسات تثبت فائدته للاعب كمال الاجسام .. واستغرب من الشخص اللي مايستخدمه ..
استخدم كرياتين مونوهيدرات من أي شركه بكمية 5 غرام في اليوم في أي وقت في ايام التمرين والراحه طول السنه
..
3- البيتا الانين :
له تأثير قوي على رياضات التحمل والجري .. وراح يبان تأثيره على لاعب كمال الاجسام عندما يلعب عدات كثيره نوعا ما (تأثيره يكون في العدات الاخيره) .. الكميه بين 3-4 غرام من نوع carnosyn من أي شركه في اليوم في أي وقت في ايام التمرين والراحه طول السنه
4- citruatle malte :
مشابه لفائدة البيتا الانين ولكن الدراسات عليه اقل بخصوص تأثيره .. الكميه 6 غرام ..
5- كافيين :
الكافيين افضل مصدر للطاقه للاعب كمال الاجسام بعد الكارب .. استخدم حبوب الكافيين رخيصه ومفعولها جميل .. ابدأ بنسبة 200 مل غرام وزيد لو حبيت .. تقدر تقطعها فتره وترجع تستخدمها اذا بدأت تحس انك تعودت عليها ومفعولها بدأ يضعف ..
الكافيين هو المكمل الوحيد اللي له وقت محدد لتناوله (واللي وهو قبل التمرين بنص ساعه الى 45 دقيقه) .. لان بقية المكملات لايوجد لها وقت مفضل ..
6- مكملات الصحه العامه :
وهي المكلات اللي يكون تأثيرها على الصحه جيد .. وتأثيرها على لعبة بناء الاجسام بشكل غير مباشر .. مثل الملتي فايتمن وزيت السمك وفيتامين د .. شخصيا استخدم ملتي فايتمن Life Force Multiple .. وزيت السمك Ultimate Omega .. وفايتمن د Vitamin D-3 من شركة NOW ..
مكملات سيئه :
هي مكملات سيئه ليس لان لها تاثير سلبي على صحة الواحد (تقريباً) ولكن لان تأثيرها الايجابي ضعيف حتى يكون لها سبب لاستخدامها ...
راح يندرج تحت هذي القائمه أي مكمل لايضع نسب استخدامه للمواد الموجوده فيه .. ويضع المواد تحت كلمة property blend (خلطه خاصه) .. لان الواحد اذا راح يشتري مكمل يعرف وش يبي مهوب داخل محل عطاره ويشتري خلطات
..
1- مكمل الطاقه :
احد الاسباب لوضع هذا النوع من المكلات هو السبب الموجود في الاعلى .. يوجد مكملات طاقه لاتستخدم هذي الكلمه وتوضح النسب ..
السبب الاخر .. شخصيا المكمل الوحيد اللي احتاجه ليعطيني طاقه فوريه هو الكافيين لانه فعال ومريح للاستخدام .. بقية المواد اللي تعطي طاقه مثل فايتمن B12 بنسب عاليه والمستخلصات من بعض النباتات اللي تعطي طاقه لايوجد عليها دراسات كافيه .. تطمن الشخص اللي راح يستخدمها .. علشان كذا حبوب كافيين رائعه وكافيه ورخيييييصه
..
جرب C4 فيه ١٥٠ جرام كافين ويعطي نشاط ابداع صراحه و بعدها كنت اخذ ٢٠٠ جرام كافين وماكان بالقوه اللي بـ C4
شعور الصراحه اذا جسمك ينمل من beta creatine وتحس بالشده يرجال ساعتين متواصله من التمرين ومندون ملل وبنشاط عالي "ماشاء الله" طبعا مع اكل جيد قبله يعطي نشاط قووي وملحووض
وممكن تشوف تجارب الناس بموقع Bodybuilding
2- محفزات التسترون ومحفزات الهرمون :
استغرب من شخص يستخدم مواد ممكن تجدها للعطاره علشان يزيد عندك الهرمون بنسبه عاليه من أجل زيادة العضل .. نعم المواد اللي تستخدمها في المحفزات تجدها عند محلات العطاره .. مثل الزنجبيل والكركم والحلبه ... الخ (كل هذي مواد مستخدمه في المحفزات) ..
اما بخصوص المواد الاخرى مثل ال GAMA وال Tribulus وال d-aspartic acid فالدراسات اللي عليها توضح ان زيادة التست اللي راح تضيفه ماراح يكون له تأثير على زيادة العضل .. ولكن تستخدم لزيادة الشهوه ..
منتجات ال ZMA واللي هي زنك وماغنيسيوم وفايتمن B6 تاثيرها بسيط ولايذكر .. واصلا غذائك والملتي فايتمن يحتوى على نسبه كافيه منهم .. (معلومه يجهلها البعض .. الانيمل ستاك يحتوي على ZMA
) ..
تجربتي مع M-stak كان جيده جدا وملحووض وكنت ناوي stak بعدها لاكن اكتشفت انه يحتوي على مشتقات خنزير من الشركه
المنتج رفع الشهوه عندي بشكل :| ايش اشكيلك ايش احكيلك قوي جداا و سبب عندي حبوب على الصدر والكتف والظهر وببحث بسيط اتشفت انه بسبب ارتفاع نسبت هرمون الذكور بالجسم ولقيت شخص نفسي راح نفس حالتي بالظبط راح للدكتور وقاله انت تاخذ هرمونات ذكور :|. طبعا كل يوم اشوف المرايه وصراحه شخصيا ماني مقتنع بالتغير لاكن كل من شافني و باربع شهور ونص علطول قالي جسمك تغير كثير
وفيه شخص شفته قبل العلبه وبعدها وقالي جسمك تغير كثير وهذا كله خلال شهرين واتوقع هو كان سبب رئيسي الحمدلله طبعا مع التغذيه الجيده والتمرين.
معلومه اضافيه .. بعض الاشخاص يستخدم محفز ويجزم بأنه يعطيه طاقه خلال التمرين .. والسبب يكون اضافة بعض الشركات للكافين لمحفزاتهم مثل الانميال ام ستاك ..
3- مكملات حرق الدهون :
لنفس الاسباب اللي فوق .. مكملات لاتحتوى على نسب واضحه من المواد اللي يتم استخدامها .. وايضا استخدام مواد لايوجد عليها دراسات او الدراسات اللي تم استخدامها توضح ضعف هذي النتائج ..
* اسثني من ذلك اليوهمبين HCL الدراسات اللي عليه جيده وتظهر نتائجه بشكل افضل عند نسبة الدهون المنخضفه ولتخفيف الدهون المستعصيه .. ولكن له طريقه معينه لكمية الاستخدام ووقت الاستخدام .. ان شاء الله بعد التجربه راح احط تجربتي معاه
..
مكملات مضيعه للوقت :
وهي المكملات اللي استخدامها غير سيئ ولكن لايوجد لها داعي .. وجسمك يصل له الكثير منها عن طريق الغذاء الطبيعي ..
1- الامينو :
من اكثر المكملات استخداماً ومن اكثر المكملات مضيعه للوقت سواء كان رقمه 2222 او 1000 او حتى عشره مليون
.. البروتين بشكل عام سواء من البيض والدجاج او من الواي بروتين يتكون من الاحماض .. فلماذا تستخدمها بشكل منفصل .. الاحماض اللي فيها كافيه ووافيه ولايحتاج استخدام شي منفصل .. أيضا لايوجد سرعة بالامتصاص او تأثير افضل اذا تم استخدام الاحماض بشكل منفصل ..
2- ال BCAA :
الواحد اذا جا يبي يتفلسف ويكشخ على اللي يستخدم الامينو .. قال انا أستخدم BCAA
..
ال BCAA يتكون من 3 احماض رئيسيه وهي Leucine وال Valine وال Isoleucine .. وجميع هذي الاحماض موجوده بوفره في البروتين بشكل عام وخاصه في الواي بروتين .. يعني سكوب واحد من اشهر منتجات ال BCAA مثل الاكستند فيه تقريبا نفس الكميه الموجوده في سكوب واحد من الواي بروتين .. ونفس الكلام راح ينطبق هنا مثل ماهو موجود في الامينو بخصوص سرعة الامتصاص ..
أيضا 100 غرام من الدجاج فيه كمية BCAA تعادل نص سكوب من الاكستند .. وقس على ذلك الكثير ..
3- الجلوتامين :
الجلوتامين حمض مهم جداً ولكن لايوجد له داعي لاستخدامه بشكل منفصل ... يعني استغرب ذلك بشده بسبب انه اكثر الاحماض الامينيه الموجوده في الطعام والواي بروتين .. يعني مثلا سكوب واحد من الواي بروتين يعادل 2 سكوب في الاكستند من كمية الاكستند ..
نفس الكلام ينطبق بخصوص سرعة الامتصاص .. ونسبة الجلوتامين لبقية الطعام ..
----------------------------------------------------------------------------------------------
----------------------------------------------------------------------------------------------
أنتهى
يوجد شيء مهم في عالم المكملات .. بعض الاحيان الواحد يستخدم مكمل معين (غير فعال) لكن تشوف نتائج جيده عليه .. السبب في الغالب هو ال placebo effect او التأثير الوهمي .. وهذا شي متعارف عليه حتى في المجال الطبي .. تشوف بعض المرضى يعطوهم حبوب وهميه ولكن يتعالجون من مرض معين .. السبب الاخر انه الواحد دائما اذا اشترى منتجات معينه (خاصه جديده وسمع أن فوائدها كبيره) .. تشوفه متحمس ويحافظ على اكله وشدة تمرينه بشكل اكبر علشان كذا تظهر عليه نتائج ايجابيه بشكل عام ..
كلمات وجمل عندما اسمعها او اقرأها تنرفز الواحد بشكل كبير
:
- ماهو افضل بروتين دايت ..
افضل اسمع ماهو افضل مكمل للي بيسوي دايت.
- ماشفت تأثير الا لما غيرت البروتين اللي استخدمه .
اتوقع بسبب انه اخذ اللي يحتاجه ومثلا غطا نسبت الكاربز اللي يحتاجها الجسم من المكمل الجديد وبداء جسمه يبني لاكن هو مو فاهم ايش قاعد يصير بالظبط مو البروتين هو بالحقيقه اللي مع البروتين.
- ال BCAA يحافظ على العضل ..
- ال BCAA يمس العضل ويروح له بشكل مباشر .
- الجلوتاميين وقت التنشيف والتخسيس يحافظ على العضل ..
- الكرياتين خطير .
- يجب شرب الماء بكميه كبيره عند استخدام الكرياتين .
جربت الامينو ونوعين مكملات غذائيه و محفز و بري ورك اوت "باور" و كرياتين
الوحيد اللي مكتوب على العلبه لازم تشرب اقل شي ٨ اكواب مويا باليوم مع استخدام الكرياتين والتححريص جاي من الشركه على شرب المويا على العلبه
- الكرياتين المخلوط افضل .
- الواحد يتعود على الكرياتين والمفروض يغيره كل فتره .
- الكرياتين يعطي باور بشكل مباشر .
- استخدم الكرياتين قبل التمرين او بعده بشكل مباشر لنتائج افضل .
الشركه نفسها تنصح باخذ ٥ جرام بعد التمرين مع البروتين ششيك.
- الامينو 10000000000000 امينو بطل .
- استخدام المحفزات ومنتجات الطاقه والحوارق راح يأثر على صحتك ويوجد لها عمر محدد .. يقول هالكلام علشان يضع لهذي المكملات هيبه وفخامه.
منتج الطاقه C4 مكتوب على العلبه لازم توقف راحه بعد مده اقصاها ١٠ اسابيع وصراحه شخصيا كنت اخذه كل يوم ٦ ايام متواصله بعدين قررت اصير يومين بعدين اوقف يوم بعدين ٣ ايام بعدين اوقف يوم. لان صراحه ما قررت الا بعد ماطحت مريض:|
جسمي هلك المنتج صراحه تجربتي معاه ناجحه جدا ويختلف تاثيره من شخص لشخص لاكن صدق لو تاكل زين وتروح باخر يومك النادي مع C4 او اي بري ورك اوت بنفس الجوده. بتجربتي صراحه الا اخر دقيقه اشيل اوزان عاليه وما احس بتعب وساعتين بالجم "ماشاء الله" واخواي يشوفوني مالهم خلفيه كببيره بالمكملات غير بروتين بس يشوفني اخذ منه وادق بذا الحديد يقولولي مخدرات :| .! من النشاط الحمدلله
بالتوفيق ..