لينكس يكرهني !!!!!!!!!!!!!
السلام عليكم..
شباب انا لينكس هذا مسبب لي ازمه..
انا ابي من زمان اموت و استخدم شي اسمه لينكس لكن مكتوب لي اقعد استخدم المنحوس اللي اسمه وندوز. انا مبرمج و ابي اصير اسوي برامج و اطور في لينكس لكن عجززززززت !!!!!!
هذا تاريخي المنحوس في محاولات تثبيت لينكس :
1- Redhat 7 :
اعتقد انه كان 7 , المهم ان ثبيته كان مقعد و ما ادري وش يبي من الدنيا لدرجة اني جربت شي فيه و باقل من ثلاث ثواني مسح درايف D: كله , توقعت انه لينكس يظهر مهاراته بس مب عاد بمسح ملفاتي بسرعه
2 - Mandrake 8 :
نفس الشي تسببت بخطأ بسيط و مسح درايف السي , و سبب لي احباط شامل..
3 - Mandrake 9 :
أخيرا ثبتت لينكس بدون لمس الوندوز !!! كان هذا الكلام ايام كان اشتراكي Dial-up , و يا فرحه ما تمت , ما عرفت كيف اسوي اعدادات المودم و تعريفه. اصلا المودم حقي ما كان مدعوم
تركت لنكس فتره......
4 - SuSE 9.1 :
الحين قبل امس رجعت و حملت سوز و اخذ مني ساعات طويله عشان ينزل و بالاخير اعطاني مليون error بعملية الثبيت , و للمعلوميه نزلته من موقع www.linuxiso.org لكن الظاهر ملف الـiso اللي حملته كان مضروب او اني مسوي شي غلط بعملية النسخ على سيدي (مع اني اتبعت الخطوات في الموقع)
فيا جماعة الخير دلوني على حل !!! فيه احد يبيع لينكس سوز بالرياض؟؟؟؟ ووين؟؟؟ او على الاقل ابي موقع موثوق عشان احمل سوز من جديد منه...
و اخيرا و ليس اخرا .... هل سوز مجاني كليا؟؟؟ و هل ماندريك افضل منه؟؟؟
شاكر لكم تعاونكم..
المشاركة الأصلية كتبت بواسطة Dr.Tech
