حبيب قلبي
ولد بطنها ايش رايك الى يقولك بينزل لك نفس الاسئله الى منزلها لفهد xD
حنشوف حتعمل إيه
كم مره تتسبح بالشهر ؟
كم مره باليوم تدخل المنتدى بدون تسجيل دخولك رسمي عشان تقرأ بدون مايشغلك احد ؟
شنو نوع جهازك النقال ؟
شنو سيارتك الحاليه ؟
لما تسوي اكل لنفسك هل وانت تاكل تقول ياسلام تسلم ايدك ؟
لما تشوف شي بالسوق يعجبك هل تشتريه لو اضطريت انك تتسلف او تنتظر معاشك عشان تشتريه ؟
لما تكون بروحك قاعد بدون تلفزيون او كمبيوتر , مثلا بسياره او تتمشى مسافه طويله شوي او بفراشك , هل تسولف مع نفسك ؟
كم طولك و وزنك , ولون بشرتك , ملتحي او موس ؟
عضو زعلت عليه مره من المرات لأن قال كلمه حزت بخاطرك ؟
هل انت مرتاح بحياتك ومقتنع باللي تسويه وشايف انك ماخذ حقك منها ؟
كم رصيدك بالبنك , وهل تواير سيارتك جديده ؟
كم مره ذبحت حيوان بحياتك مثلا , قطوه , كلب , خروف , جمل الخ هل سبقت وقتلت شي منهم ؟
هل انت مدخن او غير مدخن , واذا كنت مدخن بشراهه او عالخفيف ؟
اغنيه اثرت فيك حيل ؟
ممثل تحب تتابع اعماله ؟
عضو لازم تدخل تشوف مشاركاته اللي يكتبها كل يوم ؟
هل تهتم بمظهرك كل ماخرجت من البيت , يعني لازم ثوب نظيف مضروب اوتي وعطر والتسريحه وماودك احد يلمسك من الكشخه لا يعفسها عليك حتى لو كنت خارج تقضي شغل بسيط وترجع ؟
هل كل يوم تطلع من بيتكم لزياره اصدقاء او ذهاب الى مقهى , يعني خروجك بشكل يومي , وكم من الوقت تقضيه خارج المنزل ؟
هل في بيتكم تشربون الشاي او شاي وحليب بقلاصات جبن , يعني اذا اهلك خلص جبن قلاص عندهم يغسلونه ويضبطونه ويخلونه للشاي والحليب ؟
هل تأكلون الغداء او العشاء على الجرايد بدل السفره ؟
هل انت مرتب بغرفتك , يعني ماتحب العفسه مثل اغلب الشباب العزوبيه , او غرفتك مبهذله والملابس متطشره بأرجاء الغرفه وصحون واكياس المطاعم من شهرين مازالت عندك ولا في نظافه او ترتيب واخر مره نظفوا غرفتك قبل 6 شهور ؟
هل انت من اللي يحبون الناس تمدحهم وتعمل اشياء ما ودك تسويها لكن تسويها عشان يمدحونك الناس بس ؟
يالله شد حيلك عشان بأزبط الدفعه الثانيه على الساعه 12
يعني بداية يوم جديد