تكملة
المواجهة :عندك كذه طريقة لهزيمة رايفن...ممكن تستخدم الالغام وممكن تستخدم الصواريخ الموجهة وافضل طريقة انك تستخدم الصواريخ الحرارية المهم انا ما حاكتب الطريقة (اختبر قدرتك) ........... وبعد ما تخلص عليه روح للباب الموجود في آخر الممر ، اول ما تدخل حتلاقي نفسكفي ممر ارمي قنبلة تشويش واجري بسرعة للامام وبعدين ادخل الباب الموجود في الطرف الآخر ، وبعدين امشي شوية وراح تلاقي الشيء اللي اللعبة مصممة علشانه وهو الميتل جير ريكس ، اعتقد حيجيك اتصال وبعد ما ينتهي امشي على طول بعدين ادخل يسار واطلع السلم الموجود هناك وبعدين روح للسلم الثاني واطلعه.........مشكلة:ترى اللعبة هذه انا مالعبتها صارلي 6شهور وبصراحة انا نسيت الطريق في المكان هذا لكن ارجو من اللي يستخدم هذا الحل انه يراعي الشيء هذا ..............
تكملة:حاول توصل الى الغرفة اللي فيها ليكويد واوسولت ، وبعدين حتشوف عرض بعد ما ينتهي انزل بسرعة تحت ودور على الكرت وممكن تلاقيه في واحد من المكانين هذه :1-في الموية بس لا تستخدم المنظار الحراري واذا التقط القنبلة ارميها بسرعة من قائمة ادواتك .
2-في بطن الفار ولا تقتله بالـPSG1 ......بعد ما تاخذ البطاقة اطلع مرة ثانية للغرفة بس ما حتلاقي فيها احد ارمي قنبلة تشويش وبعدين حط الكرت في اول كومبيوتر من اليسار وبعد ما تحطه وينتهي العرض خذ البطاقة للمكان اللي اتقاتلت فيه مع رايفن وانتظر شوية وبعد ما يتحول لون البطاقة الى ازرق ارجع وحط البطاقة في الكومبيوتر اللي في الوسط .......وبعدين خذ البطاقة وروح للمكان اللي طيحت فيه الرافعة المكان الحار وبعدين انتظر الين ما يتحول لون البطاقة الى الاحمر وارجع وحط البطاقة في الكومبيوتر اللي على اليسار.......... وبعد ما ينتهي العرض على طول البس قناع الغاز واتصل كذه مرة على اتوكون الين ما ينفتح الباب .. وبعدما يفتح الباب اخرج و حتلاقي شخص اجري ورا الشخص هذا وحيبدا عرض ، بعد انتهاء العرض حتبدا المواجهة المنتظرة مع الميتل جير ريكس ............ المواجهة : بالنسبة للمواجهة مع الميتل جير حتنقسم الىقسمين اذا خسرت في اي وحدة منهم راح تعيد المواجهة من البداية المهم في القسم الاول حتضرب الميت جير بالصواريخ الحرارية في الجهة اليمني في المكان اللي يشبه يده استمر عليه الين ما يخسر وبعد ما ينتهي العرض اجهز علشان النظامحيتغير وحتضرب في مقدمة الميتل جير يعني في المكان اللي يجلس فيه ليكويد استمر عليه الين ما ينتهي ، وبعدين حتشوف عرض اول ما ينتهي العرض راح تتقاتل مع واحد (انا احبه شخصيا) ، المرة هذه راح تتقاتل مع اخوك ليكويد وجها لوجه بالايدي ، طبعا انت ان شاء الله راح تشطب عليه قبل ما الوقت ينتهي(you have to)يعني مو بكيفك....وبعد ما تنتهي وينتهي العرض حتلاقي نفسك جنب حطام الميتل جير جمع الـration اللي حولينك وبعدين ادخل الجراج وراح تكشفكم كاميرا المراقبة لف في المكان شوية الين ما تسمع جملة معناها بالعربي انا لقيت المفتاح روح للجيب اللي على اليسار اضغط على مثلث علشان تشوف تمام واضغط مربع علشان تبدا في اطلاق النار وفجر البراميل واقتل الجنود ، بعد ما تمشوا شوية بالسيارة راحو توقفوا لكمين اقتل الجنود وراح توفوا كمان مرة اقتل الجنود مرة ثانية وبعد شوية راح تقابل ليكويد سنيك خلص عليه واول ما يبدا العرض.......يمديني اقلك وبكل فخر دحين الف مبروك على انهائك لميتل جير سوليد ....................
كان كل ما كتبته هو كتاب:المختصر الوحيد في تحطيم الحديد(الميتل جير)
تاليف وكتابة:المتمكن
:-)
احرجتني
