معرض عمار (الخطاف)

**Rex** · 13-06-2002, 08:11 PM

من سنتين !!؟
ما شاء الله !!
أنا لو بيبلك رسمي للشخصيات من سنتين بتنطر ضحك!!! :0)
بس ما بروي حد

واللي وراها بصراحة عجبتني جدا!!
بس شكلها مضيعة أو تدور على شيء ...
أخافك ما حليت عدل في الامتحانات وانقلب هالشعور على رسمتك ههههههه

الرسمات ممتازة...

**كبمارو** · 13-06-2002, 09:53 PM

ماشاءالله

صدفه غريبه

شاهين جايب معاه ابن اخته وروايه جايب معاه ابن اخوه(الي هو انا

)

شاهين على الاقل ابن اختك يعرف يرسم

مب انا:" :"

مالت على ويهي

ولد اخو روايه وماعرف ارسم

انا الصراحه

اعرف ارسم من الشعر لين الرقبه

لكن الجسم

وي no

ماعرف ارسم الجسم

بس مرات

تظبط ويايه وتطلعلي

مشكله جديده الا وهي

رسم اصابع لليد

هني خلاص ماقدر اكمل

مستحيل

لو ادخل جامعه للتعليم رسم اصابع اليد واكمل فيها 100 سنه

بعد ما بعرف ارسمها:" :"

يالله خير انشاءالله

مع تحيات

كبمارو

**orange road** · 14-06-2002, 12:56 AM

عمار....

الرسوم وايد رهيبة

وايد عجبتني المجنحة.... رهيبة

**Ranma Saotome** · 14-06-2002, 03:11 PM

وااااااااااااااااو عمار "خطاف" رسمك رهييييب
كله صووووووووووب ورسمة المجنحه بصوب ثاني..
يعني يبين انك كنت منفجر من الامتحانات وطلعت كل شي فيها...
الله يكثر الامتحانات عيل

ههههههه يامبدع..

**shaheen** · 14-06-2002, 03:28 PM

عمار رسوماتك حلوة والان بدأت الاجازة ارسم على كيفك رغم الصيفي...

بانتظار المزيد يا فنان الخطافيات هههههههههه

**الخطاف** · 16-06-2002, 08:55 AM

مشكورين كلكم وجزاكم الله ألف خير

كبماروكبامارو

كبمارو شو الكلام إلي أسمعه ... قصدي أقراه
لو تدري شلون كانت بدايتي بس ... خلني أقول لك
كنت من أيام الأعدادي أرسم بس رسماتي كلش فضيعة لكن الشخصية تنعرف مثل كابتن ماجد على سبيل المثال لين قالي صديقي في المدرسة
( أنت ولا شي.)
وأجبته (ليش ؟)
وقال(أنت ولا شي بالنسبة لخالك شاهين.هاهاها)
وفي هالموقف قلت في نفسي أنا اللي بارسم وباحطم شاهين خالي في الرسم في يوم من الأيام ...وخالي يدري وقابل التحدي بيني وبينه.فعلمني وغربلته بالأسأله إلي ماتخلص وهو مستانس وفخور فيني ......
وألحين بديت أبرز رسوماتي وأحاول أعرف أماكن الأخطاء ألي عندي لكن الله يهداهم أعضاء المنتدى مو راضيين يقولون لي وين الأخطاء الي عندي...
على العموم ليكون تفكيرك مثل ماقلت صمم إنك تقدر تهزم الجميع . وكل شئ يتحقق بالتصميم ولا شئ مستحيل.;-)

هه هه هه هه تعبت

رانما:غضب:
الله يكثر الامتحانات عيل ها
حلوة منك

**كبمارو** · 16-06-2002, 09:43 AM

الرسالة الأصلية كتبت بواسطة الخطاف

.فعلمني وغربلته بالأسأله إلي ماتخلص وهو مستانس وفخور فيني ......
وألحين بديت أبرز رسوماتي وأحاول أعرف أماكن الأخطاء ألي عندي

وين يا ريال

انته على الاقل علمك خالك

لكن عمي روايه:غضب:

وين انا ووين تعليمه

اصلا مرة نزل عليه الوحي يوم العيد وجمع يهال وصغاريه العايله (من بينهم انا) وتم يعطيهم محاضرة عن شركه ينج فيوجر وعطاهم العيوب فيها وخلاهم يكرهونها عدل من الخاطر فمثلا اييب رسوم متحركه هم يحبونه ويخليهم يطالعونه باليياباني الي عنده بعدين يراويهم القطات الي ما شافوها في العربي هههههههه والله كيف يكره هاي الشركه بعدين علمنا كيف نرسم العيون والفم والاذن(لا الاذن ماضني) والشعر كل الصغاريه تفاعلو معاه بس عقب شوي شوي بدوا يملون لانهم اصلا ما يحبون الرسم اما انا فتميت معاه فتره طويله بس حرام ما رضى يكمل لانه اغلبهم راحوا عن المحاظرة ( شو يوم عيد ويتمون في مكان واحد مستحيل)

وجذي السالفه

اما رسماتي الي تنعد على الاصابع في المنتدى فهي من مخيلتي من موهبتي تسمع يا روايه

ذليتنا وانا اقولك علمني علمني

كله مب فايق مب فايق

فهمت يا الفنان المبدع الخطاف الحين؟؟؟؟

بس بحاول يالله

مع تحيات

كبمارو

**الخطاف** · 16-06-2002, 10:35 AM

يا كبمارو يا صديقي
حاول أنك تتعلم بنفسك ...رواية عمك شلون تعلم؟؟... شاهين خالي بدى بداية جداً صعبة مع الرسم في صغرة وماعنده أحد يعلمه. وكل ما أطلب منه يعلمني يقولي ((ياريت عندي أحد يعلمني مثل ما آنا أعلمك ألحين)) كان يتعلم من مجلات الكومكس خصوصا سبايدر مان وكان يرسم حركات الرسوم المتحركة القديمة مثل عدنان ولينا ونينجا(كبمارو) .وأنا ما أرجع إلى شاهين في كل الأمور.أنا أرجعله لين توهقت في شي.
يعني ما عندك أي مانع خصوصاً وأنت عندك الأنترنت تقدر إتطلع الرسومات إلي تبيهة وترسم منها وتعلم بس أهم شي إنك أتردد إنك فنان وتستطيع أن تهزم رواية وتهزمني بعد وأنك ما تغير رايك بسهولة.وكن واثق إن يدك لن تخونك!..وإن الأبداع ممكن يطلع في أي لحظة.
وأنا أقولك إن ماعندك أي مانع

..لاتنسى

لكن بعد إلي صار ماأعتقد إن راوايه بيتم على عنادة (صح رواية؟)

يعجبني إسرارك صديقي كبمارو

**كبمارو** · 16-06-2002, 11:03 AM

افا عليك يا الخطاف

خلاص انا من زمان بديت ارسم بروحي وودرت العادة الا وهي اني اطلب من روايه يعلمني لانه عرفت انه روايه محد علمه وخالك شاهين محد علمه مثل ماقلت من جذي انا عقب ما سمعت سالفه خالك يوم محد يعمله زاد اصراري اني ماطلب من روايه انه يعلمني ....(اظني دوختك)

المهم بس لواقولك شو الجو الي كان عند روايه يوم كان صغير يحاول يرسم بتقول مستحيل يقدر حد يرسم في هذاك الجو

ههههههههخ
خخخخخخخ

بس ماشاءالله عليه

مع تحيات

كبمارو

**الخطاف** · 16-06-2002, 03:43 PM

يالله عاد ورنا شطارتك ومنافستك ياكبماروا

وبدال ماتقول دوختني دوخني بالرسمات

**كبمارو** · 16-06-2002, 07:26 PM

افا عليك

حاضرين

بس يا ريال محتار انا ؟؟

مخوفني الموضوع الي ف منتدى العام للرسم الحر الي يتعلق بعذاب

المصورين اي الرسامين ولين الحين نتريا رد اودين لانه وعدنا انه يسئل

شيخهم الي فالدمام

مع تحيات

كبمارو

**الخطاف** · 20-06-2002, 08:44 PM

هذه الرسمة رسمته كمحاولة لرسم شخصية منافسة للبطل لسيكودن2

**Ranze Eto** · 22-06-2002, 12:28 AM

:! مشاء الله عليك يا الخطاف ...............

كل هذا فن ....... ما اقدر اضيف أكثر على تعليقات الاعضاء اللي قبلي

بس جد هذا الموضوع اول مره اشوفه ?:

اكيد الفن عندكم وراثه مب موهبه ....من شابه خاله فما ظلم ;-)

**Rori** · 22-06-2002, 01:26 PM

هههههههههههه رانزي دمج عسل ههههههههه

اخوي الخطاف الرسمة فيها اتقان واضح وتطور مشاالله عليك الخطوط وايد حلوة وواضحة

والشخصية عجيبة :واو: استمر وابدعنا اكثر

**CUTE NURIKO** · 22-06-2002, 02:12 PM

الخطاف............. :!

رسم متقن للغايه .......... !!!!!

Good luck..............

الموضوع: معرض عمار (الخطاف)

أدوات الموضوع

ماشاءالله

ليش يا كبمارو

Re: ليش يا كبمارو

افا عليك

افا عليك

ضوابط المشاركة