الترقيم .. عزيزي الشاب تفضل بالدخول

[شجون الليل]

السلام عليكم ورحمة الله وبركاته
يموت الهوى مني اذا مارقمتها ..... ويحيى اذا عبرتني فيعود
الا تلاحظون اعزائي .. وعزيزاتي بكثرة هذه الظاهره ...
اولا ارغب في تعريف هذا المصطلح الترقيم

ورقة صغيره ....وحبذا اذا كانت بطاقه او كرت من الحجم الصغير ...مزركشه ملفته بألوانها ...متنوعه بأشكالها ...مره على شكل قلب ...واخرى على شكل شفاه ....واخرى على شكل سهم مقتحم يمزق القلب ويقطعه تقطيعا .... وغيرها وغيرها !!!!!!!!!!
والبعض يتفنن...ويبخ عليها بخه من عطره المفضل .... ليسحر صاحبة الحظ السعيد..... ولتفتح شهيتها لتتعجل بمعرفة نوع العطر المميز وصاحبه الاميز !!!!!!!!!

ماذا تحويه هذه الورقه
بداخل الورقه ...او الكرت المتعوب فيه ...رقم !!!!واسم !!!!واحيانا تضاف عليها جمل عاطفيه او ابيات شعريه ..نذكر البعض منها على سبيل المثال ....
( لولا جمالك الملفت ..ماكنت عبرتك ورقمتك )!!!!!!!!!!
ويأتي اخر ويكتب ..(عذبتيني بعيونك .... يهون الرقم وأهونك ) !!!!!!!!!!! وآخر يتفنن ويكتب ..( لاافوتك تراني دندون .....نظره من عينك خلتني مفتون ) !!!!!!
وآخر الامثله واحد عامل فيها فتك ويكتب ...( ياحلو الرقم بين يدك ...اتصلبي وحاجي لحدك ) !!!!!!!!!!!!! الله يشفيه ..

الموضة في الترقيم
نرجع للورقه مره اخرى او الكرت المتعوب فيه ...ستجد صاحبة الحظ السعيد رقم واسم صاحب الكرت .... ونقف هنا عند الاسم جيدا ...فجميع الشباب وبنسبة 99.9 % ..يستخدمون اسماء مستعاره عند الترقيم ...وذلك خوفا من سمعتهم النظيفه ذات السجل الابيض ..والاخر خوفا من صديقته تعلم بأنه يرقم ويتعرف على غيرها ..فتكشف خيانته العظمى !!!!!!!!! يامثبت العقول !!!!
اما البعض الاخر منهم فيستعرون اسماءاخرى خجلا من اسمائهم المخجله لدى الجنس اللطيف ... فيستبدلونها بأسماء اكثر نعومه !!!!!!!!!!
فسنجد معتوق يرقم بـ خالد!!!!!!!
وشفيق براكان!!!!
ويبدل دويحس اسمه الى بندر !!!!!
وصويلح يغيره الىسعود!!!!!
وعيضه يستعر من اسمه ويحوله الى فيصل !!!!!!
ويأتي غرم الله وبكل ثقه بإعجاب الجنس اللطيف بإسمه الجديد وهو حبيب الله !!!!!! لا تعليق

طريقة الترقيم
نذهب الى الاسواق او المراكز التجاريه الكبرى .... سنلاحظ بأن المواقف تكاد ان تكون مليئه بالسيارات ...بل البعض استخدم الارصفه كموقف لسيارته ....عندها ينتابك الحزن والشعور بالندم على تفريطك في عدم استئجار اي من المحلات داخل المركز نظرا للكم الهائل من المتسوقين داخله !!!!!!!
بداخل المركز ....ستجد العجب !!!!!! المحلات خاليه من المتسوقين ...!!!! اين هم !!!!!ولماذا كل هذا الزحام في الخارج !!!!!!!! وماالذي اراه ...داخل المركز !!!! شباب ...شباب ...شباب ....كله شباب ..اشكال والوان ...وجودهم ليس بغرض التسويق .....او الشراء ...بل لغرض واحد اتفقوا عليه ..وهو الترقيــــم ....أعينهم رادر ترصد الفتيات فقط ...ولا يتركونهم في حالها .....حتى التي مع زوجها او شقيقها او حتى محرم ....سينظرون اليها بكل وقاحه حتى ان البعض وصلت بهم الجرأه ويتلفظ عليها بألفاظ نابيه ...او حتى يلمس يدها ...او اي جزء منها !!!!!! ياللوقاحه !!!!!!
بل وتصل لدى البعض جرأة ملاحقتها لسيارتها ...والجلوس بجانبها !!!!!!!!!! وإعطاءها الرقم !!!!! والبعض يكمل الناقص ويلحقها لمقر سكنها ....ويلفت نظر الأخرين بملاحقتها لينضمو معه وتبدأ المواكب والزحام ووووو....!!!!!! وهذا كله من اجل الترقيـــم!!!!!
(من اجل عين تكرم مدينه) ( الحمدلله والشكر والله ناس فاضية)

الترقيم .....الترقيم ....الترقيم ..
الغرض الرئيسي منه لدى الشباب هو التسليه ويستحال ان ينظر للفتاة نظرة احترام حتى لو ضحك عليها واحسسها بذلك فهي في نظره ساقطه كما اخذت مني ستأخذ من غيري ..... فاحذري اختي لا تضعفي ولاتجعلي وسامته او منظره يؤثر عليكي ويزين لكي الشيطان بأنكما من الممكن في يوم ان يوفقكما الله بالحلال .... نظرتك له اعجاب اختي ...ونظرته لك هي تسليه فقط ....
فاحذري منه جيدا يا اختي العزيزة .....

الى المرقمين ........ عزيزي المرقم
اذا كانت في نظرك الفتاه المرقمه ساقطه ....فلماالنزول لمستواها .... ولما تجعل ساقطه مثلها تجرّك خلفها وكأنك سائق لها ...لما تجعل ساقطه مثلها تشتمك او تجرح شخصك واخلاقك العاليه .... لما تسمح لها بأن تعرفك ..فهل تشرفك معرفة ساقطه !!!!!!!

أأمل من جميع الاخوان الرد على الموضوع
وارغب انا لكوني فتاة قد عانت من هذه المشكلة كثيرا .. ان اعرف سبب الترقيم .. اعلم ان الموضوع حساس قليلا ..... فاعذروني


تحياتي
اختكم
شجون الليل

[شجون الليل]

طيب ليش 6 دخلوا ولا ردوا اكييييد شباب
لالالا بلييييز ردوا لاني من جد متحمسة لهاالموضوع ..
واذا ما رديتوا يعني انكم ...... ولا بلاش ..

[ماجد]

ههههههههههه

الحمدلله إنني اخاف من ربي .. ولا اسوي هالحركات السخيفة .. اللي اسمها الترقيم

[شجون الليل]

?: ?: ?: ?:
بصراحه اخي ماجد لقد فرحت عندما رأيت أن شابا رد على هذا الموضوع ..
وتوقعت انني ربما اجد جوابا للسؤال الذي حيرني كثيييييييرا ..

عموما اشكرك للرد

[TALAL X]

يا أخت شجون أنا ودي كان أرد على الموضوع مثل ماكنتي تتوقعين
لكن انا بقولك شي ... انتي بس طالعتي جانب الشباب
ماتطالعين بنات جنسك
اول شي اللبس مو محترم
يعني ما تقدر تلوم الشباب الي يرقمونها
ثانيا انا شخصيا ما حصلي الشرف اني ارقم..
ثالثا من البنات يرقمون...انا مرات بس يقعدون يتكلمون ومرة وحدة قالت ممكن الرقم قلت لها الله يستر عليك
عاد هي مسكينة صار وجهها كأنه اشارة اخضر احمر اصفر كلشي
لان تعرفون في بلدنا البنت تحسب اذا عطتنا وجه نبي نعطيها ولكن لاااا
مو كل الشباب زي كذا....

وانا اقولك اياها يا شجون... دامك متحمسة للموضوع

اضمني البنات ..أضمن الشباب

انا ما انكر الشباب ومصايبهم لكن برضو انتي اغفلتي جانب البنات
ومابي اتكلم زيادة عشان مااحد ياخذ فكرة سيئة عن بناتنا لان المنتدى مو بس سعوديين وراح يحسبون كل البنات مثل الي خبرك....



وسلامتك..واسف على الاطالة ونسيتي تكتبين منقووول

[alsahr]

انا معرف ارقم لكن اعرف اخرب على الي يرقم ":"

[ســنــاب]

[الســــــــاهـر]

بسم الله الرحمن الرحيم ,,

احب اعلق على بعض الكلام الي قلتية ..

اولاً: انتي قلتي ان الشباب متواجدين في الاسواق والمجمعات التجارية لغرض الترقيم .. انا بقولك شيء .. انا مااقول اني مااروح الراشد الا عشان اشتري وبس .. احيانا انا واحد من اخوياي بس نجلس في الكوفي شوب وناخذ فنجان .. ونسولف وندردش .. يعني مافيه شيء اسمة انا طالع من البيت رايح ارقم بالمكان الفلاني ..

ثانياً: انا مع اخوي طلال .. انتي مااقتصرتي بالكلام على الشباب فقط .. وزي ماقال .. اضمني لي البنات .. اضمن لك الشباب ..

ثالثاً:

ويستحال ان ينظر للفتاة نظرة احترام

ليه ؟!!
شوفي والله اني اذا شفت البنت لابسة عباية على الراس .. وساتره جسمها كامل .. اني مااحول اقرب يمها .. واغير اتجاهي 180 درجة ..
ولو اشوف واحد جالس يحاول يرقم بنت لابسه على الراس وهي اشوفها متضايقة منه .. والله لامسكة افقع وجهه والي يصير يصير ..

احب اضيف على موضوعك الحساس .. شيء انتي ماذكرتيه ..

الحين مع التطور الحظاري الي حصل بالمملكة .. وانا ماشيء .. بالغلط التفت وراي .. وشفت ثلاث صبايا .. مخصر ولثمة من الي رايحين فيها .. المهم انا كمل مشيت طبيعي .. ونسيت السالفة .. وبعد يمكن خمس دقايق .. ارجع والتفت .. :! الا هم نفسهم باقين وراي .. بس ماكنت لحالي <=== عشان ماتقولون حلو .. كا معي واحد من اخوياي .. وكملت ..

شفت الشغلة مررة ماتخارج .. وقفت .. وطالعت فيهم كذا ?: . . .

الا وجتني وحده منهم تقول بالله ابي الجوال اكلم اخوي .. عشان يجيني .. :واو: :واو:

والجوال في يدي ماعندي تصريفة .. وتجي التصريفة .. الجوال عائلة .. انتظرها تقول ابرسل له رسالة .. عشان اقول مفصول ..

والله احرج يجي واحد من اخوياي ولا من الجماعة يشوف جوالي بيد وحده زي هذي صعععععبة مررررررة ..

يعني القصد انه مو بس الشباب الي يتعرضون للبنات .. حتى البنات يتعرضون للعيال .. زي ماقلت لكم كانوا يبون يخطفوني بسم الله علي

ومشكووره على الموضوع مرة تانية ..

وتحياتي .. الســــــــــــاهـر ..

[صوت العرب]

أختي شجون بصراحه حطيتي يدك على الجرح ؟؟؟؟؟؟ لأن الشباب في الوقت هذا أصبحوا لايفكرون في مستقبلهم الدراسي وبناء شخصيتهم حتى يكونوا قدوة لغيرهم بقدر مايفكرون في الترقيم وهذه المسألة أشاهدها كثيرا بحكم دراستي في الكثير من المستشفيات وأذكر أن شابه أراد شاب أن يعطيها الرقم في المستشفى فردت عليه بضربه على وجهه بيدها ... أترضى أخي أن تكون محل هذا الشاب إن من يرضى على نفسه المهانة ويجعل كرامته ساقطة لايستحق الأحترام والتقدير ..... وهناء أستحضر قصه قصيره وهي أن أحد الشباب كان موجوداً في صالون الحلاقة وقت العصر وكان زواجه في نفس الليلة المهم لم ينتهي إلا قرابة صلاة العشاء وخرج وهو بكامل أناقته ليذهب إلى الفندق الذي سيقام فيه الزفاف وأثناء سيره بسيارته لمح فتاة تخرج من عند محل الكوافيرة ومعها بنات وأراد أخينا أن يجعل ختامها مسك ... وقال لنفسه هذه أخر ( صيده ) فلحقهم بسيارته وعند إشارة المرور أخرج ( المعروض ) وهذا المعروض هو ورقه كبيره عليها رقم الموبايل الخاص به وأخذ يطاردهم ... المهم بعد وصوله للفندق أتعرفون من كان يطارد لكي يرقمها إنها زوجته وأخواتها وقد عرفوه أما هو فلم يعرفهم فماكان من أبوها إلا أن طرده وإلغي هذا الزواج بسبب حقارة هذا الشاب وأنتهى المشوار به إلى الشوارع ثانية ..... وهذه قصة حقيقة وقعت أحداثها في مدينة الرياض ...

[tidusxxx]

يا سلاااااااااااااااام موضوع رائع....تسلم ايدك.....بردتي قلبي.....الحمد لله ما حب هذي الحركات

[DARK WOLF]

الحمدلله على نعمة العقل بس يعني من المتخلف الغبي اللي يغازل بنات بلدة؟

ولا مايخاف ربه؟

أنا الحمدلله مانيب راعي هالحركات وعلى العكس أكرهها


وشكرا على الموضوع أختي وياليت أحد يفكر فيه

[عماد 18]

بصراحة انا ما اعرف هالشي ..
و لا اعرف وش يصير ..
لكن اللي اعرفه ..
ان ما في بنت تطلع من بيتها متسترة يضايقها احد ..
و حتى لو ضايقها شخص ..
فحتي اللي يغازلون يدافعون عنها احيانا لما تكون متسترة ..
اما تجيك واحد و لابسة مخصر و على الكتف و لثمة ثم تقول ..
يا ربييه ليه يلاحقوني ؟
يعني هذه تضحك على نفسها قبل ما تضحك على ربها ..
و في نقطة ثانية ..
انا ودي اعرف ..
الرسول صلى الله عليه و سلم لما نهى عن ارتياد الاسواق ..
هل هالنهي كان موجه للشباب و الا للنساء ؟!
ليش لما يجي شاب لوحده يقوله السكيورتي وين يا بوي عائلات ؟
و لما تجيك واحدة لحالها يفق الخشة ؟!
مع انه المفروض العكس ..
الحرمة ما تدخل الا مع محرم ..
و الله لو يتركون سالفة جلد المغازلين و يطبقون هالنظام ما راح تشوفين واحد يتجرا يرفع عينه على بنت ..

[زهرة الشمس]

مشكورة اختي شجون الليل على الموضوع الحساس على ان الكلام مو

موجه للبنات بس والله موضوعك حساس وخطير وانا معك في كلمه

قلتيها ويجي من البعض الله يهديهم اكثر من كذا وحتى المتسترة احيانا

ماتسلم منهم (البعض مو الكل) لكن انا اؤيد البعض في كلامهم ان تبرج

بعض البنات زيادة عن اللزوم هو السبب وعلى فكرة البنات ماتعودوا

هالحركات الا من الشباب ولا من مدة كم سنه ماسمعنا ان البنت تلاحق

الشاب لكن هالوقت والله المستعان كل واحد يركض وراء الثاني وانا شفت

كثير من البنات هم اللي يغازلون الشباب(انقلبت الموازين)لكن لو كل شاب

يكسر راس اخته اذا طلعت اي سوق او شاليه او اي مكان ويخليها تتستر

راح ينعدم الترقيم 000




فياليت البنات يتسترون والشباب يغضون بصرهم ويرفقون باانفسهم شوي

ويتركون حركاتهم اللي مالها داعي000

[TALAL X]

اما تجيك واحد و لابسة مخصر و على الكتف و لثمة ثم تقول ..
يا ربييه ليه يلاحقوني ؟

هذا غير المكياج والعطر وانها كل شوي (الهوا) يطير عبايتها وتنفتح شوي ويطلع الجينز

الحين مع التطور الحظاري الي حصل بالمملكة .. وانا ماشيء .. بالغلط التفت وراي .. وشفت ثلاث صبايا .. مخصر ولثمة من الي رايحين فيها .. المهم انا كمل مشيت طبيعي .. ونسيت السالفة .. وبعد يمكن خمس دقايق .. ارجع والتفت .. الا هم نفسهم باقين وراي .. بس ماكنت لحالي <=== عشان ماتقولون حلو .. كا معي واحد من اخوياي .. وكملت ..

شفت الشغلة مررة ماتخارج .. وقفت .. وطالعت فيهم كذا . . .

الا وجتني وحده منهم تقول بالله ابي الجوال اكلم اخوي .. عشان يجيني ..

والجوال في يدي ماعندي تصريفة .. وتجي التصريفة .. الجوال عائلة .. انتظرها تقول ابرسل له رسالة .. عشان اقول مفصول ..

والله احرج يجي واحد من اخوياي ولا من الجماعة يشوف جوالي بيد وحده زي هذي صعععععبة مررررررة ..

يعني القصد انه مو بس الشباب الي يتعرضون للبنات .. حتى البنات يتعرضون للعيال .. زي ماقلت لكم كانوا يبون يخطفوني بسم الله علي

نفس الحالات ..مشتركة بيننا يا سهووور;-)

[steng20]

شكرا اختي شجون على الموضوع الحساس والرائع .. .. ..


عندي شي واحد بقوله :-

البنت اللي تطلع من بيتها متستسره اضمنلك ما احد يتحرش فيها

ام اللي تطلع لابسه عباه على الكتف ولطمه وزحمه -----هي بالعربي ليه لابسه كذه؟


ابي الجواب من البنا ت


تحياتي للجميع